హౌస్‌లో అన్ని నామినేషన్ ప్రాసెస్‌లు ఒక లెక్క అయితే.. ఈ కుండపగిలే నామినేషన్స్ మరో లెక్క. ఒక్కొక్కరికి పగిలిపోతాయ్ కుండలు. ఎన్ని సీజన్లు వచ్చినా కూడా.. సీజన్ 7లో భోలే షావలె, ప్రియాంక, శోభా శెట్టిలు మధ్య జరిగిన గొడవ అయితే అన్ని సీజన్లకంటే హైలైట్. అయితే ఈ సీజన్‌లో అంత తుస్సే అయినా ఈ కుండ పగలకొట్టే నామినేషన్ ప్రక్రియలో శాంతంగా ఉండే ఆగ్రహించాడు. సేఫ్ నామినేషన్స్ నెట్టికొస్తున్న కళ్యాణ్‌కి పగలకొట్టేశాడు.టవర్ టాస్క్‌లో వరస్ట్ సంచాలక్‌గా చేసి గేమ్ మొత్తాన్ని చెడదొబ్బాడు కళ్యాణ్. ఆ విషయాన్ని ప్రస్తావిస్తూ.. కళ్యాణ్‌ని నామినేట్ చేశాడు సుమన్ శెట్టి. టవర్ స్ట్రైట్‌గా ఉండాలని ముందు చెప్పలేదు అని సుమన్ అంటే.. అడిగిన దానికి సమాధానం చెప్పకుండా ఆక్ పాక్ కరేపాక్ అని సొల్లు రీజన్లు చెప్పాడు కళ్యాణ్. దాంతో సుమన్ శెట్టికి మండింది. ‘వినూ.. వినూ.. వినూ.. ఇవ్వే వద్దు’ అని సుమన్ శెట్టిని రెచ్చగొట్టాడు కళ్యాణ్. ఆ తరువాత వినూ.. వినూ అంటూ వేలు చూపిస్తూ పెద్దగా అరుస్తూ సుమన్ శెట్టి మీదికి వెళ్లాడు కళ్యాణ్. దాంతో సుమన్ శెట్టి.. ‘వేలు దించూ.. ఆ వేలు కిందికి దింపూ’ అని హెచ్చరించాడు. ‘వేలు నీ వైపు చూపించడం లేదు’ అని కళ్యాణ్ అనడంతో.. ‘నా వైపు చూపించావ్ కాబట్టే చెప్తున్నా’.. అంటూ ఆవేశంగా వెళ్లి కళ్యాణ్ కుండని ముక్క ముక్కలు చేశాడు సుమన్ శెట్టి. అతని ఆవేశం చూసి బిత్తరపోయారంతా. పక్కకి పరుగులెత్తిపోయారు. ఇక రీతూ వర్సెస్ భరణిల మధ్య కూడా హీట్ డిస్కషన్ నడిచింది. డిజాస్టర్ సంచాలక్ అయిన రీతూని అదే పాయింట్‌పై నామినేట్ చేశాడు భరణి. నా వల్ల మీకు జరిగిన నష్టం ఏంటని రీతూ అంటే.. నీ వల్ల ఇద్దరి కెప్టెన్సీ ఛాన్స్ పోయింది అని అన్నారు భరణి. ఇక రీతూ.. తెగ ఊగిపోతూ యాటిట్యూడ్ చూపిస్తూ భరణిని ఇమిటేట్ చేయడంతో.. అతనూ తగ్గలేదు. చేతిలో ఉన్న స్టిక్‌ని కిందపడేసి.. ‘నేనూ నీలాగే స్టెప్‌లు వేయగలను.. అది కాదు ఇక్కడ’ అంటూ రీతూలాగే ఊగుతూ దిమ్మతిరిగే కౌంటర్ ఇచ్చాడు. నన్ను మైండ్ లెస్ అనడానికి మీరెవరు? అంటూ సంజనకి ఇచ్చిపడేసింది రీతూ. మొత్తంగా మంచి హీట్ హీట్‌గా సాగిన ఈ నామినేషన్స్‌లోమొత్తం ఏడుగురు కంటెస్టెంట్స్ నామినేట్ అయ్యారు. అయితే చివర్లో బిగ్ బాస్ ట్విస్ట్ ఇచ్చి.. కెప్టెన్ తనూజకి సేవింగ్ పవర్ ఇచ్చారు. ఆ పవర్‌తో ఎక్కువ నామినేషన్స్ పడిన రీతూ చౌదరిని నామినేట్ చేసింది. దీంతో మిగిలిన ఆరుగురు నామినేషన్స్‌లోకి వచ్చారు. వాళ్లు ఎవరెవరంటే.. 1. దివ్య నిఖిత2. డెమాన్ పవన్3. సంజన4.భరణి5. కళ్యాణ్ పడాల 6. ఇమ్మానుయేల్