سعودی عرب میں پیش آئے دردناک سڑک حادثہ میں ہلاک ہندوستانی عمرہ زائرین کی تعداد 45 پہنچ گئی ہے۔ پہلے 42 ہندوستانی عمرہ زائرین کی ہلاکت سے متعلق خبریں سامنے آئی تھیں، لیکن اب 45 اموات کی تصدیق ہو گئی ہے۔ بس میں سوار 46 عمرہ زائرین میں سے صرف ایک کی جان بچی ہے، جس کا علاج اسپتال میں چل رہا ہے۔سعودی عرب میں المناک حادثہ! مکہ سے مدینہ جارہی بس کی ٹینکر سےٹکر، 42 ہندوستانی معتمرین کے جاں بحق ہونے کا اندیشہاس غمناک حادثہ پر ہندوستانی وزیر اعظم نریندر مودی شدید رنج و غم کا اظہار کیا ہے۔ انھوں نے سوشل میڈیا پلیٹ فارم ’ایکس‘ پر جاری کردہ ایک پوسٹ میں لکھا ہے کہ ’’مدینہ میں ہندوستانی شہریوں کے ساتھ ہوئے حادثہ سے بے حد غمزدہ ہوں۔ متاثرہ کنبوں کے تئیں میری ہمدردی ہے۔‘‘ وہ مزید لکھتے ہیں کہ ’’میں حادثہ میں زخمی افراد کے جلد ٹھیک ہونے کی دعا کرتا ہوں۔ ریاض واقع ہمارا سفارت خانہ اور جدہ واقع قونصلیٹ جنرل ہر ممکن مدد مہیا کرا رہے ہیں۔ ہمارے افسران بھی سعودی عرب حکومت کے افسران سے رابطے میں ہیں۔‘‘أشعر بحزن عميق إزاء الحادث الذي وقع في المدينة المنورة، والذي راح ضحيته مواطنون هنود. أتقدم بخالص التعازي لأسر الضحايا، وأدعو بالشفاء العاجل لجميع المصابين. وتقدم سفارتنا في الرياض وقنصليتنا في جدة كل الدعم الممكن، كما أن مسؤولينا على تواصل دائم مع السلطات السعودية.— Narendra Modi (@narendramodi) November 17, 2025اس حادثہ پر کانگریس نے بھی اپنے شدید افسوس کا اظہار کیا ہے۔ کانگریس نے ’ایکس‘ ہینڈل پر لکھا ہے کہ ’’سعودی عرب میں مدینہ کے قریب پیش آنے والے اندوہناک واقعہ پر دلی افسوس ہے، جس میں متعدد ہندوستانی شہریوں کی جانیں ضائع ہو گئی ہیں۔‘‘ پارٹی مزید لکھتی ہے کہ ’’ہم غمزدہ خاندانوں سے اپنی گہری تعزیت کا اظہار کرتے ہیں اور اس مشکل وقت میں ان کے ساتھ کھڑے ہیں۔‘‘ ساتھ ہی لکھا ہے کہ ’’ہم حکومتِ ہند سے اپیل کرتے ہیں کہ تمام ضروری امداد فراہم کی جائے۔ زخمیوں کی جلد اور مکمل صحت یابی کے لیے ہماری دعائیں شامل ہیں۔‘‘Deeply saddened by the tragic incident near Medinah, Saudi Arabia, which has claimed the lives of several Indian nationals. We extend our heartfelt condolences to the bereaved families and stand in solidarity with them during this painful time. We urge the Government of India…— Congress (@INCIndia) November 17, 2025واضح رہے کہ مہلوکین میں بیشتر حیدر آباد کے باشندے شامل ہیں۔ یہ حادثہ اس وقت ہوا جب عمرہ کے لیے گئے لوگوں کو لے کر جا رہی ایک بس اچانک ڈیزل ٹینکر سے ٹکرا گئی۔ ’گلف نیوز‘ کی رپورٹس کے مطابق عمرہ زائرین کو لے کر بس مکہ سے مدینہ جا رہی تھی، اچانک وہ راستے میں ڈیزل ٹینکر سے ٹکرا گئی۔ حادثہ مقامی وقت کے مطابق صبح تقریباً 1.30 بجے مہراس یا مفریحات علاقہ میں پیش آیا، جو مدینہ کے قریب ہے۔ حادثہ کے وقت کئی عمرہ زائرین نیند کی آغوش میں تھے۔ ٹکر لگتے ہی بس آگ کی لپٹوں میں پھنس گئی اور لوگوں کو بچنے کا بھی وقت نہیں ملا۔ حادثہ اتنا خوفناک تھا کہ مہلوکین کی شناخت کرنا بھی مشکل ہے۔حیدر آباد پولیس کمشنر نے اس حادثہ کے بارے میں جانکاری دیتے ہوئے بتایا کہ 45 لوگ ہلاک ہوئے ہیں، اور مہلوکین میں بیشتر حیدر آباد کے باشندے ہیں۔ میڈیا سے بات کرتے ہوئے حیدر آباد پولیس کمشنر نے مطلع کیا کہ گزشتہ 9 نومبر کو حیدر آباد سے 54 لوگ عمرہ کے لیے جدہ گئے تھے۔ یہ سبھی 23 نومبر کو واپس آنے والے تھے۔ ان 54 میں سے 4 افراد بذریعہ کار مکہ سے مدینہ جا رہے تھے، اور 4 دیگر لوگ مکہ میں ہی رک گئے تھے۔ باقی لوگ حادثہ کا شکار ہوئی بس میں سفر کر رہے تھے۔ حادثہ کے وقت بس میں 46 لوگ سوار تھے، جن میں سے صرف ایک شخص زندہ بچا ہے، جس کا اسپتال میں علاج چل رہا ہے۔