11వ వారం నామినేషన్స్ లిస్ట్ చూస్తుంటే.. ఇది పక్కా స్క్రిప్ట్ అండ్ ప్లానింగ్ అనేట్టుగానే ఉంది. వచ్చేవారం నో ఎలిమినేషన్ ఉండబోతుందా? అనే సంకేతాలు వస్తున్నాయి. ఈ నామినేషన్స్‌కి కథ, స్క్రీన్ ప్లే, దర్శకత్వం మొత్తం బిగ్ బాసే. కంటెస్టెంట్స్ కేవలం పాత్రధారులు మాత్రమే అన్నట్టుగా ఉన్నాయి. 11th Week Nomination Listఈ పదకొండో వారంలో మొత్తం ఆరుగురు కంటెస్టెంట్స్ నామినేట్ అయ్యారు. సోమవారం రాత్రి టెలికాస్ట్ అయ్యే ఎపిసోడ్‌లో ఎవరెవరు నామినేట్ అయ్యారో చూపించబోతున్నారు. అయితే ఆల్రెడీ లైవ్ ఎపిసోడ్‌లో ఈ నామినేషన్స్ ప్రక్రియ పూర్తి కావడంతో పాటు.. ఫ్యామిలీ వీక్ కూడా మొదలైపోయింది. 11వ వారం నామినేట్ అయిన కంటెస్టెంట్స్‌తో పాటు.. ఎవరు ఎవర్ని నామినేట్ చేశారో చూద్దాం. 1. ఇమ్మానుయేల్2. కళ్యాణ్ పడాల3. భరణి4. సంజన5. డెమాన్ పవన్6. దివ్యఈ ఆరుగురు నామినేట్ అయ్యారు. అయితే అందరికంటే ఎక్కువగా నామినేషన్లు పడ్డ రీతూ చౌదరి.. ఈవారం నామినేషన్స్ నుంచి సేవ్ కావడం విశేషం. ఇది కూడా స్క్రిప్ట్‌లో భాగంగానే జరిగినట్టుగా కనిపిస్తోంది. లేకపోతే.. రీతూ చౌదరి లాంటి ఫిగర్‌ని పట్టుకుంటే హౌస్‌లో ఎక్కువ రోజులు ఉండొచ్చని పక్కా ప్లానింగ్‌తో వెళ్లిన డెమాన్ పవన్.. రీతూని నామినేట్ చేయడం ఏంటి సిల్లీగా. వీళ్లిద్దరి మధ్య లవ్వాయణం మంచి ముమ్మరంగా సాగుతుంది కాబట్టి.. డెమాన్ పవన్‌తో రీతూని నామినేట్ చేయిస్తే షోకి హైప్ వస్తుందని పక్కా ప్లానింగ్‌తో ఇన్ పుట్స్ ఇచ్చి మరీ డెమాన్‌ పవన్‌తో రీతూని నామినేట్ చేయించారనే విషయం క్లియర్‌గా అర్థమౌతూనే ఉంది. ఇదే కాదు.. టోటల్ నామినేషన్స్ ప్రాసెస్ మొత్తం.. బిగ్ బాస్ స్క్రిప్ట్ ప్రకారమే జరిగింది తప్పితే.. కంటెస్టెంట్స్ ఇష్టాఇష్టాలతో కాదు అనేది ఈ నామినేషన్స్ జరిగిన తీరుని బట్టి ఓ అంచనాకి వచ్చేయొచ్చు. అదెలాగంటే.. ముందుగా నామినేషన్స్ ప్రక్రియలో ఎవరు ఎంతమందిని నామినేట్ చేయాలనే టోకెన్ కెప్టెన్ తనూజ ఇస్తుందని చెప్పారు. దాంతో ఆమె ఒకరికి ఒకటే నామినేషన్స్.. మరికొంతమందికి రెండేసి నామినేషన్స్ ఇచ్చింది. అలా ఇమ్మానుయేల్, భరణి, డెమాన్, రీతూలకు రెండేసి నామినేషన్లు ఇవ్వగా.. సంజన, రీతూ, సుమన్ శెట్టిలకు ఒక్కో నామినేషన్ మాత్రమే ఇచ్చింది. అలా ఎవరు ఎవర్ని నామినేట్ చేశారంటే.. ��ఇమ్మానుయేల్.. భరణి, రీతూ��భరణి .. ఇమ్మానుయేల్, రీతూ��డెమాన్ పవన్.. కళ్యాణ్, రీతూ��రీతూ.. దివ్య, సంజన��సంజన.. కళ్యాణ్��దివ్య.. రీతూ��సుమన్ శెట్టి.. కళ్యాణ్ ఇక్కడ ఇమ్మానుయేల్, భరణి, డెమాన్ పవన్ ఈ ముగ్గురూ కూడ.. రీతూ చౌదరిని నామినేట్ చేశారు. బట్ ఆమె మాత్రం ఈ ముగ్గుర్నీ కాదని దివ్య, సంజనలను నామినేట్ చేయడాన్ని గమనించవచ్చు. దివ్య అయితే ఆమెని నామినేట్ చేసింది కాబట్టి కౌంటర్ వేసిందే అనుకుందాం. మరి తనని నామినేట్ చేసిన ఇమ్మానుయేల్, భరణి, డెమాన్‌లను వదిలేసి.. సంజనని చేయడం ఏంటో. అలాగే.. రీతూ చౌదరి.. సంజనని నామినేట్ చేస్తే.. ఆమె కళ్యాణ్‌ని నామినేట్ చేసింది. చివర్లో ట్విస్ట్ ఏంటంటే.. అందరికంటే ఎక్కువ నామినేషన్స్ వచ్చిన రీతూని.. తన కెప్టెన్సీ పవర్‌తో సేవ్ చేసి నామినేషన్స్ నుంచి బయటపడేసింది తనూజ. దీన్ని బట్టి చూస్తే.. డెమాన్ పవన్, రీతూల మధ్య డ్రామా కోసమే ఈ నామినేషన్స్ పెట్టారనే అంచనాకు వచ్చేయొచ్చు. పైగా కెప్టెన్‌గా ఉన్న తనూజకి.. ఎవరు ఎంతమందిని నామినేట్ చేయొచ్చనే పవర్‌తో పాటు.. ఈ సేవింగ్ పవర్ కూడా ఇవ్వడాన్ని బట్టి చూస్తే.. ఇదంతా పక్కా స్క్రిప్ట్‌లో భాగమే అనేట్టుగానే ఉంది ఈవారం నామినేషన్ ప్రక్రియ.