A pesar da choiva que acompañou a mañá, o ambiente festivo non decaeu na Avenida Montero Ríos. Alí, ás 10:30 horas deste domingo, deu o pistoletazo de saída a sexta edición da carreira CorreXCáritas organizada pola parroquia Virxe do Camiño. A proba reuniu a preto dun milleiro de deportistas que percorreron un trazado urbano de 2,6 quilómetros, apto para todas as idades e niveis. A iniciativa celebrouse cun dobre obxectivo, fomentar o deporte popular e tamén recadar fondos para finalizar o centro 'Santa Ana'. Esta instalación pioneira ofrecerá apoio a mulleres en risco de exclusión social, con estancias prolongadas e un acompañamento integral, creando as condicións necesarias para que as mulleres poidan recuperar a súa autonomía e construír un proxecto de vida estable. A proba solidaria contou co respaldo do extriatleta Iván Raña e o piragüista Jaime Duro, ambos campións mundiais Tomaron a remuda do capitán do Pontevedra Club de Fútbol, Álex González, padriño da edición anterior. [galleries:vertical:10863