బిగ్‌బాస్ షోలో ఫ్యామిలీ వీక్‌కి ఉన్న డిమాండ్ అంతా ఇంతా కాదు. అటు హౌస్‌మేట్స్‌తో పాటు ఇటు ఆడియన్స్ కూడా ఈ ఫ్యామిలీ వీక్ కోసం ఎదురుచూస్తూ ఉంటారు. పైగా బిగ్‌బాస్ టీమ్ కూడా ఫ్యామిలీ వీక్‌లో హౌస్‌మేట్స్ ఎమోషన్స్‌ని గట్టిగానే బయటికి తీసుకొస్తుంది. ఇక ఈ సీజన్ ఫ్యామిలీ వీక్ కూడా మొదలైపోయింది. ఇప్పటికేతెలిసిందే.తాజాగా సుమన్ శెట్టి ఫ్యామిలీ లోపలికి వచ్చారు. ఇందుకు సంబంధించిన ప్రోమో తాజాగా వచ్చింది. ముందుగా సుమన్ శెట్టిని కన్ఫెషన్ రూమ్‌కి పిలిచి బిగ్‌బాస్ మాట్లాడాడు. సుమన్ మీరు పొందిన టైమ్ కార్డ్ ద్వారా మీ కుటుంబ సభ్యులతో 20 నిమిషాల సమయం గడపగలుగుతారు.. అని బిగ్‌బాస్ తెలిపాడు.అయితే 20 నిమిషాలే అని చెప్పగానే సుమన్ శెట్టి చాలా బాధపడ్డాడు. ఇక గార్డెన్ ఏరియాలోకి రాగనే తన భార్య లాస్యని చూసి సుమన్ పరిగెత్తుకుంటూ వచ్చేశాడు. వెళ్లి గట్టిగా హత్తుకొని బుగ్గన ముద్దుపెట్టి ఎలా ఉన్నావ్.. అంటూ సుమన్ అడిగాడు.అమ్మా ఎలా ఉందిఅమ్మ హెల్త్ ఎలా ఉంది.. అని సుమన్ చాలా బెంగగా అడిగాడు. బానే ఉన్నారని తన భార్య చెప్పగానే గౌతమ్ రాలేదేమీ.. అంటూ తన బిడ్డ గురించి అడిగాడు సుమన్. ఒక్కరికే పర్మిషన్ ఉంది అన్నారు అందుకే అంటూ లాస్య చెప్పారు. బాగా ఆడుతున్నానా.. అని సుమన్ ఆత్రుతగా అడిగిన తీరు భలే క్యూట్‌గా అనిపించింది. చాలా బాగా ఆడుతున్నావ్.. నీకు ఇష్టమని నేనే చేసి తెచ్చాను తెలుసా.. అంటూ సుమన్‌కి ఫుడ్ తినిపించారు.తనకి తిపిస్తుంటే నువ్వు తిను.. అంటూ సుమన్ ప్రేమగా అన్నాడు. నువ్వు తిను నాన్న.. హ్యాపీ యానివర్సరీ.. అంటూ సుమన్‌కి తన భార్య తినిపించారు. అనంతరం గార్డెన్ ఏరియాలో తన భార్యతో కలిసి సుమన్ నాలుగు స్టెప్పులేశారు. ఇక మిగిలిన హౌస్‌మేట్స్ వాళ్ల చుట్టూ తిరుగుతూ చాలా హ్యాపీ ఫీలయ్యారు. నీ చూపులే దీపావళి అనే సాంగ్ వేస్తూ సుమన్ శెట్టి ఫ్యామిలీ వీక్‌ని బాగా ఎడిట్ చేశారు. అయితే ఆడియన్స్ మాత్రం సంజన ఫ్యామిలీ వీక్ కోసం చాలా ఎదురుచూస్తున్నారు. ఎందుకంటే సంజనకి నో ఫ్యామిలీ వీక్ అంటూ వీకెండ్‍‌లో నాగార్జున షాకిచ్చారు. అయితే ఇదంతా టీఆర్పీ కోసమేనన్న సంగతి ఆడియన్స్‌కి కూడా తెలుసు. ఈ వీక్ చివరిలో సంజన ఫ్యామిలీ వచ్చే ఛాన్స్ ఉంది. ఇప్పటికే ఆమె ఫ్యామిలీ హైదరాబాద్ వచ్చినట్లు తెలిసింది.