Employees Life: సాధారణంగా ఉద్యోగ జీవితంలో చెప్పుకోదగ్గ స్థాయిలో జీతం అందుకోవాలంటే దశాబ్దాలు పట్టొచ్చు. కానీ సరిగ్గా ప్లాన్ చేసుకుని ముందుకు వెళ్తే చాలా తక్కువ సమయంలోనే ఊహించని విధంగా తమ వేతన ప్యాకేజీని పెంచుకోవచ్చని ఓ వ్యక్తి నిరూపించారు. కేవలం నాలుగేళ్లలోనే తన వార్షిక వేతనాన్ని రూ. 15 లక్షల నుంచి ఏకంగా రూ. 90 లక్షలకు పెంచుకున్నారు ఓ టెకీ. ఇప్పుడు ఆ టెకీ ఉద్యోగ ప్రయాణం వేలాది మందికి స్ఫూర్తిగా నిలుస్తోంది. సోషల్ మీడియా వేదికపై ఈ టెకీ పంచుకున్న అనుభవం, సరైన సమయంలో తీసుకున్న ఒక్క నిర్ణయం జీవితాన్ని ఎంతలా మార్చగలదో స్పష్టం చేసింది. అక్కడ ఆయన వార్షిక వేతనం సుమారు రూ. 15 లక్షలుగా ఉండేది. పని వాతావరణం, నేర్చుకునే అవకాశాలు చాలా నెమ్మదిగా ఉన్నాయని, తన సమర్థతకు తగిన గుర్తింపు లభించడం లేదని ఆ టెకీ గుర్తించారు. తన నిజమైన సామర్థ్యాన్ని వెలికితీయడానికి, మెరుగైన అవకాశాల కోసం అన్వేషణ మొదలుపెట్టారు. మెరుగైన వేతనం అందించే ప్రొడక్ట్-బేస్డ్ కంపెనీల్లో ఉద్యోగం సంపాదించాలనే లక్ష్యంతో ఇంటర్వ్యూలకు సిద్ధమవడం ప్రారంభించారు. ఈ ప్రయత్నంలో పదుల సంఖ్యలో తిరస్కరణలు ఎదురయ్యాయి. అయినా నిరాశ చెందకుండా, తన నైపుణ్యాలను మెరుగు పరుచుకుంటూ ముందుకు సాగారు. చివరికి, ఒక ప్రొడక్ట్ కంపెనీ నుంచి ఆయనకు మొదటి 'ఎస్' (అంగీకారం) లభించింది. ఇదే ఆయన జీవితాన్ని మలుపు తిప్పింది.అక్కడి నుంచి వెనక్కి తిరిగి చూసుకోవాల్సిన అవసరం రాలేదు. ప్రతిభకు, నైపుణ్యాలకు విలువ ఇచ్చే ప్రొడక్ట్ కంపెనీలలో పని చేయడం వల్ల ఆయన మరింత వేగంగా నేర్చుకోగలిగారు. కొద్ది కాలంలోనే మరో సంస్థకు మారడం ద్వారా తన జీతాన్ని రూ. 57.1 లక్షలకు, ఆ తర్వాత ఏకంగా ఓ FAANG కంపెనీలో ఉద్యోగం సంపాదించడం ద్వారా రూ. 90 లక్షలకు పెంచుకోగలిగారు. కేవలం నాలుగు ఆర్థిక సంవత్సరాల వ్యవధిలోనే ఈ అద్భుతమైన ప్రగతిని సాధించారు.పట్టుదలతో కృషి, నిరంతర అభ్యాసం, సరైన అవకాశాన్ని అందిపుచ్చుకోవడమే తన విజయ రహస్యం అని ఆ ఉద్యోగి తెలిపారు. 'మీరు ఎక్కడ ఉన్నా, మీకు గుర్తింపు లేదని అనిపిస్తే, ప్రయత్నించడం ఆపకండి. మీ నైపుణ్యాలను మెరుగుపరుచుకోండి. సరైన సమయంలో మీరు తీసుకునే ఒక్క సానుకూల నిర్ణయం (ఒక్క 'ఎస్') మీ భవిష్యత్తును పూర్తిగా మార్చేస్తుంది' అని ఆయన యువతకు స్ఫూర్తినిచ్చారు.