میانمار میں گزشتہ روز 3.5 شدت کے زلزلے کے باعث زمین لرز اُٹھی، جس کے باعث لوگوں میں خوف و ہراس پھیل گیا۔ غیر ملکی ذرائع ابلاغ کے مطابق نیشنل سینٹر فار سیسمولوجی (این سی ایس) کا اس حوالے سے کہنا ہے کہ زلزلہ 10 کلو میٹر کی گہرائی میں آیا اس کے بعد آفٹر شاکس آنے کا امکان زیادہ ہوتا ہے۔رپورٹس کے مطابق نیشنل سینٹر فار سیسمولوجی (این سی ایس) کا کہنا ہے کہ یہ صورتحال گہرے زلزلوں سے زیادہ سنگین ہوتی ہے، کیونکہ ان کی توانائی سطح پر پہنچتے ہی کم ہو جاتی ہے۔ اس سے قبل 14 نومبر کو 3.9 شدت کا زلزلہ 35 کلو میٹر کی گہرائی میں آیا تھا۔’ایکس‘ پر ایک پوسٹ میں این سی ایس نے اس کی اطلاع دی۔ میانمار معتدل اور زیادہ شدت والے زلزلوں کے خطرات سے دوچار ہے، جس میں اس کی طویل ساحلی پٹی پر سونامی کا خطرہ بھی منڈلا رہا ہے۔رپورٹس کے مطابق میانمار چار ٹیکٹونک پلیٹوں (انڈین، یوریشین، سنڈا اور برما پلیٹ) کے درمیان واقع ہے، جو فعال ارضیاتی عمل میں تعامل کرتے ہیں۔ ورلڈ ہیلتھ آرگنائزیشن (ڈبلیو ایچ او) نے 28 مارچ کو وسطی میانمار میں آنے والے 7.7 اور 6.4 شدت کے زلزلوں کے بعد زلزلے سے متاثرہ علاقوں میں بے گھر ہونے والے ہزاروں لوگوں کے لیے تیزی سے بڑھتے ہوئے صحت کے خطرات کے سلسلے سے خبردار کیا تھا۔میانمار سے ہوکر1,400 کلومیٹر طویل ایک ٹرانسفارم فالٹ گزرتا ہے، جو انڈمان کے پھیلاؤ کے مرکز کو شمال میں واقع ایک تصادم کے علاقے سے جوڑتا ہے، جسے سامائنگ فالٹ کہا جاتا ہے۔جاپان میں 6.9 شدت کا زلزلہ ، سونامی وارننگ واپس لے لی گئیسامائنگ فائٹ، سامائنگ، مانڈلے، باگو اور ینگون کے لئے زلزلے کے خطرے کو بڑھاتا ہے، جو کہ میانمار کی 46 فیصد آبادی کی ایک ساتھ نمائندگی کرتے ہیں۔اے این آئی کا کہنا ہے کہ ینگون فالٹ ٹریس سے دور واقع ہے، پھر بھی اپنی گنجان آبادی کی وجہ سے انتہائی غیر محفوظ ہے۔