జట్టులో కీలక మార్పు చోటుచేసుకుంది. రాబోయే కోసం ఫ్రాంచైజీ కొత్త హెడ్ కోచ్‌ను ప్రకటించింది. శ్రీలంక మాజీ కెప్టెన్ మరోసారి ప్రధాన కోచ్‌గా బాధ్యతలు చేపట్టారు. గత సీజన్‌లో డైరెక్టర్ ఆఫ్ క్రికెటర్‌గా వ్యవహరించిన సంగక్కర, ఈసారి రాహుల్ ద్రావిడ్ స్థానాన్ని భర్తీ చేస్తూ హెడ్ కోచ్‌గా నియమితులయ్యాడు సంగక్కర ఇంతకుముందే 2021 నుంచి 2024 వరకు రాయల్స్ హెడ్ కోచ్‌గా సేవలందించాడు. ఆయన నాయకత్వంలో రాజస్థాన్ 2022 ఫైనల్‌కి చేరింది, 2024లో ప్లేఆఫ్స్‌కి క్వాలిఫై అయ్యింది. 2025 సీజన్ కోసం రాహుల్ ద్రవిడ్‌ను ఫ్రాంచైజీ నియమించింది. అయితే ఆ సీజన్ ముగిసిన వెంటనే ద్రవిడ్ తన పదవికి రాజీనామా చేశాడు. ద్రవిడ్ కోచ్‌గా ఉన్న 2025 సీజన్‌లో రాజస్థాన్ కేవలం 8 పాయింట్లతో తొమ్మిదో స్థానంలో నిలవడం పెద్ద నిరాశ కలిగించింది. అంతేకాదు, ద్రవిడ్ - సంజు శాంసన్ మధ్య విభేదాలపై వచ్చిన పుకార్లు కూడా ఆ సీజన్‌ను కలవరపరిచాయి.. అయితే ఫ్రాంచైజీ వాటిని ఖండించింది.“మళ్లీ హెడ్ కోచ్‌గా తిరిగి రావడం ఒక గౌరవం. ఈ ప్రతిభావంతమైన జట్టుతో మరోసారి కలిసి పనిచేయడం ఆనందంగా ఉంది. విక్రమ్, ట్రెవర్, షేన్, సిద్ధ్‌లాంటి బలమైన కోచింగ్ సిబ్బంది ఉండడం ఒక పెద్ద అదృష్టం. ఆటగాళ్లను అత్యుత్తమంగా సిద్ధం చేయడమే మా లక్ష్యం” అని సంగక్కర అధికారిక ప్రకటనలో తెలిపాడు. విక్రమ్ రాథోర్‌కు కూడా పదోన్నతి లభించింది. ఆయన్ను అసిస్టెంట్ కోచ్‌గా నియమిస్తూ ఆర్ఆర్ అధికారికంగా వెల్లడించింది. బ్యాటింగ్ అభివృద్ధి, గేమ్ ప్లాన్స్ మొత్తం టీమ్ ప్రిపరేషన్‌లో సంగక్కరతో కలిసి పనిచేయనున్నారు. న్యూజిలాండ్ మాజీ పేసర్ షేన్ బాండ్ ఫాస్ట్ బౌలింగ్ కోచ్‌గా కొనసాగుతాడు. ట్రెవర్ పెన్నీ అసిస్టెంట్ కోచ్‌గా, సిద్ధ్ లహిరి సహాయ కోచ్‌గా తమ బాధ్యతలను కొనసాగిస్తారు.రాజస్థాన్ రాయల్స్ యజమాని మనోజ్ బడేలే మాట్లాడుతూ “కుమారను హెడ్ కోచ్‌గా తిరిగి స్వాగతించడం మాకు చాలా ఆనందం. జట్టు ప్రస్తుత అవసరాలను పరిశీలించిన తర్వాత ఆయన నాయకత్వం, స్క్వాడ్‌పై ఉన్న అవగాహన, రాయల్స్ కల్చర్ గురించి ఉన్న లోతైన పరిజ్ఞానం మా కోసం అవసరమని భావించాం. ఆయన ప్రశాంతత, స్పష్టత్వం, క్రికెటింగ్ ఇంటెలిజెన్స్ ఈ కొత్త దశలో అత్యంత ఉపయోగపడతాయి” అన్నారు.ఇప్పటికే రాయల్స్ పెద్ద ట్రేడ్ చేసింది. సంజు శాంసన్‌ను చెన్నై సూపర్ కింగ్స్‌కు ట్రేడ్ చేస్తూ ప్రత్యామ్నాయంగా సామ్ కరన్, రవీంద్ర జడేజాలను దక్కించుకుంది. డిసెంబర్ 16న అబుదాబిలో జరగనున్న మెగా వేలంలో జట్టు మంచి మంచి ప్లేయర్లను తీసుకోవడానికి ప్లాన్ చేస్తోంది.