سعودی عرب میں محکمہ شماریات کی رپورٹ میں بتایا گیا ہے کہ رواں برس کی دوسری سہ ماہی میں اندرون و بیرون ملک سے عمرہ زائرین کی تعداد 54 لاکھ سے زیادہ رہی۔سعودی خبر رساں ادارے کی رپورٹ کے مطابق بیرون مملکت سے 13 لاکھ 24 ہزار 418 عمرہ زائرین سعودی عرب پہنچے، جن میں مردوں کا تناسب 49.3 فیصد جبکہ خواتین 50.7 فیصد تھیں۔رپورٹس کے مطابق سب سے زیادہ عمرہ زائرین فضائی راستے سے مملکت آئے جو 71.6 فیصد تھے جبکہ بری راستے سے آنے والے 28.2 فیصد اور بحری راستے سے 0.2 فیصد زائرین مملکت میں داخل ہوئے۔رپورٹس کے مطابق سال 2025 کی دوسری سہ ماہی میں اندرون و بیرون مملکت سے مدینہ منورہ آنے والے زائرین کی مجموعی تعداد 3.767 ملین تک پہنچ گئی۔بیرون مملکت سے 21 لاکھ 2 ہزار 425 زائرین آئے جن میں 46.1 فیصد مرد جبکہ 53.9 فیصد خواتین شامل تھیں۔ٹریول ایجنٹ نے عمرہ زائرین کو لاکھوں روپے کا چونا لگا دیامملکت کے مختلف شہروں سے آنے والے زائرین کی تعداد 7 لاکھ 66 ہزار 165 رہی جن میں 46 فیصد سعودی تھے۔مملکت کے مختلف شہروں میں مقیم غیرملکی جو اسی عرصے میں مدینہ منورہ زیارت کے لیے آئے ان کی تعداد 8 لاکھ 99 ہزار 176 رہی جن میں مرد 68.5 فیصد اور خواتین کی تعداد 31.5 فیصد تھی۔