کاماریڈی: بھارتی ریاست تلنگانہ کے کاماریڈی میں انوکھا واقعہ رونما ہوا، گھر میں چوری کرنے آیا ایک چور سامان سمیٹنے کے بعد واپس جانے کا راستہ نہ ملنے پر وہیں سو گیا اور پکڑا گیا۔ بھارتی میڈیا رپورٹس کے مطابق بیرکور کے دوسرے وارڈ میں واقع ایک گھر میں ایک نامعلوم شخص چوری کی نیت سے گھر کے پچھلے حصے کی دیوار پھلانگ کر اندر داخل ہوا۔ اس نے گھر میں موجود باورچی خانے اور پوجا کا سامان نیز کچھ نقد رقم چرا کر ایک بوری میں بھر لی۔رپورٹس کے مطابق جس راستے سے وہ آیا تھا اسی راستے سے واپس جانا ممکن نہ ہو سکا جبکہ گھر کا بیرونی دروازہ مکمل بند تھا، اس صورتحال میں چور نے اندر سے کنڈی لگا لی اور گھر کے اندر ہی سو گیا۔شام کے وقت جب گھر والے اندر داخل ہوئے تو اندر سے دروازہ پوری طرح بند نہ ہونے کے باعث دروازہ کھلتے ہی چور کو سوتے ہوئے دیکھا۔ یہ منظر دیکھ کر گھر والے خوفزدہ ہو گئے اور فوری طور پر مقامی افراد اور پولیس کو طلب کیا گیا۔مرد کا حلیہ بنا کر چوریاں کرنے والی دو لڑکیاںمقامی افراد نے چور کو پکڑ کر پولیس کے حوالے کر دیا اور اس کے خلاف شکایت درج کروائی گئی۔