టాలీవుడ్ హీరోల్లో బెస్ట్ డ్యాన్సర్ ఎవరంటే, ఎవరికైనా ముందుగా గుర్తొచ్చే పేరు మెగాస్టార్ చిరంజీవి. ఎంతమంది హీరోలు స్టెప్పులు ఇరగదీసినా, డాన్స్ విషయంలో ఆయన స్థానం ఎవ్వరికీ అందనిది. నటనలోనే కాదు, డ్యాన్సుల్లోనూ ఆయన ఎందరికో స్ఫూర్తినిచ్చారు. అందుకే తెలుగు తెరపై డ్యాన్స్ అంటే చిరంజీవి.. అంటే డ్యాన్స్ అనేంతలా ఆయన పేరు స్థిరపడిపోయింది. 156 చిత్రాల్లో 537 పాటల్లో 24000 స్టెప్పులతో అలరించినందుకు గాను గిన్నిస్‌ బుక్ ఆప్ వరల్డ్ రికార్ట్స్ లో ఆయన చోటు దక్కింది. డ్యాన్సుల్లో మేటి అయిన చిరు సుదీర్ఘ అనుభవం ఇప్పుడు '' సినిమాకు బాగా పనికొచ్చింది. చిరంజీవి హీరోగా అనిల్ రావిపూడి దర్శకత్వంలో తెరకెక్కిన సినిమా 'మన శంకర వరప్రసాద్ గారు'. సంక్రాంతి కానుకగా థియేటర్లలోకి వచ్చిన ఈ సినిమా.. బాక్సాఫీస్ దగ్గర బ్లాక్ బస్టర్ దిశగా దూసుకుపోతోంది. ఫెస్టివల్ సీజన్ ను పర్ఫెక్ట్ గా క్యాష్ చేసుకొని, ఇప్పటికే రూ.150 కోట్లకు పైగా వసూళ్లు రాబట్టింది. ఈ నేపథ్యంలో చిరంజీవి, వెంకటేష్ లతో అనిల్‌ రావిపూడి తాజాగా ఓ స్పెషల్ ఇంటర్వ్యూ చేశారు. ముగ్గురూ కలిసి సినిమా సంగతులను పంచుకున్నారు. ఈ సందర్భంగా 'హుక్ స్టెప్' సాంగ్ వెనకున్న ఓ ఇంట్రెస్టింగ్ విషయాన్ని చిరు రివీల్ చేశారు. ()'మన శంకర వరప్రసాద్ గారు' సినిమాలోని 'హుక్ స్టెప్' పాట ఎంత పెద్ద హిట్టయిందో చెప్పాల్సిన పనిలేదు. రిలీజైన వెంటనే ఇన్స్టెంట్ చార్ట్ బస్టర్ గా నిలిచింది. భీమ్స్ కంపోజ్ చేసిన ఈ పాటను బాబా సెహగల్ హుషారుగా పాడి అలరించారు. దీనికి ఆట సందీప్ దంపతులు కొరియోగ్రఫీ చేశారు. ఇందులో సెల్ ఫోన్ పట్టుకొని చిరంజీవి వేసిన హుక్ స్టెప్ బాగా వైరల్ అయింది. ఇప్పుడు సోషల్ మీడియాలో ఎక్కడ చూసినా ఈ స్టెప్పులే కనిపిస్తున్నాయి. చిన్న పిల్ల దగ్గర నుంచి పెద్దల వరకూ అందరూ ఫోన్లు పట్టుకొని డ్యాన్సులు వేసి రీల్స్ చేస్తున్నారు. అయితే సాంగ్ లో హుక్ స్టెప్‌కు ముందు వచ్చే డాన్స్ బిట్ పూర్తిగా చిరంజీవి ఆలోచన నుంచే వచ్చిందట.సెల్ ఫోన్ స్టెప్ ముందే సందీప్ మాస్టర్ కంపోజ్ చేసాడట. అయితే పాటలో 'హుక్ స్టెప్.. హుక్ స్టెప్.. హుక్ స్టెప్' అనే లిరిక్స్‌ వచ్చినప్పుడు ఎలాంటి డ్యాన్స్ పెడితే బాగుంటుందనే విషయంలో దర్శకుడు, కొరియోగ్రాఫర్స్ కలిసి సెట్స్ లో తెగ ఆలోచిస్తున్నారట. 'శంకర దాదా ఎంబీబీఎస్' సినిమాలో మాదిరిగా 'హూహా హూహా' అనే స్టైల్ లో ఏదో డ్యాన్స్ బిట్ అనుకున్నారట. ఇదంతా దూరం నుంచి గమనించిన చిరంజీవి.. నేరుగా సెట్స్ పైకొచ్చి కెమెరా ఆన్ చేయమని చెప్పారట. యాక్షన్ అనగానే తన పాత సినిమాల్లోని హుక్ స్టెప్పులు గుర్తుకు తెచ్చుకొని ఇది కాదు, అది కాదు అంటూ అప్పటికప్పుడు వరుసగా స్టెప్పులు వేశారట. ఎలాంటి ప్రాక్టీస్ చేయకుండా సింగిల్ టేక్ లో చేయడంతో సెట్స్ లో అందరూ క్లాప్స్ కొట్టారట. ఈ విషయాన్ని చిరంజీవి, అనిల్ రావిపూడి స్వయంగా వెల్లడించారు. ఇంతగా క్లిక్ అవ్వడం వెనక చిరంజీవి ఇచ్చిన ఈ ఐడియా అద్భుతంగా పని చేసింది. చిరంజీవి చేసిన 'ఘరానా మొగుడు', 'ముఠామేస్త్రి', 'ఇంద్ర', 'ఖైదీ 150' సినిమాల్లోని హుక్ స్టెప్పుల్ని చూపిస్తూ, ఆ తర్వాత సెల్ ఫోన్ హుక్ స్టెప్ వేయడం ప్రేక్షకులకు విపరీతంగా నచ్చేసింది. ఇలా హుక్ స్టెప్ హుక్ స్టెప్ వైరల్ అవ్వడం వెనుక కొరియోగ్రాఫర్ కృషితో పాటుగా చిరు సుదీర్ఘ అనుభవం నుంచి పుట్టుకొచ్చిన ఆలోచన కూడా ఉందన్నమాట. ()