Home Loan: బలమైన ఆర్థిక నేపథ్యం, క్రెడిట్ స్కోరు ఆధారంగా బ్యాంకులు రుణాలు ఇస్తుంటాయి. మంచి ప్రోఫైల్ ఉన్న వారికి తక్కువ వడ్డీ రేట్లకే హోమ్ లోన్ ఇస్తారు. చాలా బ్యాంకులు ప్రీపేమెంట్ ఛార్జీలను సైతం మాఫీ చేస్తుంటాయి. అయితే, వడ్డీ రేట్లు అనేవి అన్ని బ్యాంకుల్లో ఒకే విధంగా ఉండవు. ఏ బ్యాంకులో తక్కువ వడ్డీ ఉంది, ఛార్జీలు వంటివి చూసుకుని లోన్ తీసుకోవాల్సి ఉంటుంది. ప్రస్తుతం స్టేట్ బ్యాంక్ ఆఫ్ ఇండియా (SBI), బ్యాంక్ ఆఫ్ బరోడా (BOB), బ్యాంక్ ఆఫ్ మహారాష్ట్ర (BOM) వంటి బ్యాంకులు ప్రస్తుతం తక్కువ వడ్డీకే గృహ రుణాలు ఇస్తున్నాయి. తాజా వడ్డీ రేట్ల ఆధారంగా 20 ఏళ్లకు రూ.60 లక్షల హోమ్ ఎందుకలో తీసుకోవాలి, నెలవారీ ఈఎంఐ ఎంత అవుతుంది? తెలుసుకుందాం. హోమ్ లోన్ తీసుకునేందుకు అన్ని అర్హతలు ఉన్న కస్టమర్లకు బ్యాంకు లేదా ఏదైనా ఆర్థిక సంస్థ ఆకర్షణీయమైన వడ్డీ రేటుకే లోన్ ఇచ్చేందుకు ముందుకొస్తుంది. రుణ గ్రహీత వయస్సు, ఆదాయం, సిబిల్ స్కోరు, క్రెడిట్ హిస్టరీ వంటి అంశాలను అంచనా వేసి వడ్డీ రేట్లను నిర్ణయిస్తారు. బ్యాంకులు సాధారణంగా క్రెడిట్ స్కోరు 800 ఆపైన ఉన్నవారికి కనిష్ఠ వడ్డీ రేటుకే హోమ్ లోన్ మంజూరు చేస్తుంటాయి. అయితే, వడ్డీ రేట్ల విషయంలో తుది నిర్ణయం బ్యాంకుదే.ఎస్బీఐ గృహ రుణంస్టేట్ బ్యాంక్ ఆఫ్ ఇండియా అధికారిక వెబ్‌సైట్ ప్రకారం.. బ్యాంక్ ఆఫ్ బరోడాబ్యాంక్ ఆఫ్ బరోడాలో ప్రస్తుతం హోమ్ లోన్ వడ్డీ రేట్లు 7.20 శాతం నుంచి ప్రారంభమవుతున్నాయి. అలాగే ఈ బ్యాంక్ ఎలాంటి హిడెన్ ఛార్జీలు, ప్రీపేమెంట్ ఛార్జీలు, పెనాల్టీలను వసూలు చేయడం లేదు. మీరు గరిష్ఠంగా 30 సంవత్సరాల కాల పరిమితిని అనుమతిస్తోంది.బ్యాంక్ ఆఫ్ మహారాష్ట్రబీఓఎం బ్యాంక్ అధికారిక వెబ్‌సైట్ ప్రకారం ప్రస్తుతం హోమ్ లోన్ వడ్డీ రేటు 7.10 శాతం నుంచి మొదలవుతోంది. ప్రస్తుతం ఈ బ్యాంకులోనే అత్యల్ప వడ్డీ రేటు ఉన్నట్లు తెలుస్తోంది. అదనంగా, మహిళలు, రక్షణ శాఖ సిబ్బందికి వడ్డీపై 0.05 శాతం రాయితీ అందిస్తోంది. ముందస్తు చెల్లింపు ఛార్జీలు సైతం మాఫీ చేస్తోంది. ఈ మూడు బ్యాంకుల్లో కనిష్ఠ వడ్డీ రేట్ల ఆధారంగా బ్యాంక్ ఆఫ్ మహారాష్ట్రలోనే అత్యంత సరసమైన, ఆకర్షణీయమైన లోన్ లభిస్తోంది. కాబట్టి మీ అర్హతను బట్టి ఈ బ్యాంకుల నుంచి ఉత్తమ డీల్ పొందవచ్చు.ఈఎంఐ ఎంత కట్టాలి?. బ్యాంక్ ఆఫ్ మహారాష్ట్రలో కనిష్ఠ వడ్డీ రేటు 7.10 శాతంతో తీసుకుంటే అప్పుడ నెలవారీ EMI రూ.46,879 అవుతుంది. ఆన్‌లైన్ హోమ్ లోన్ కాలిక్యులేటర్ ప్రకారం మీరు ఈ లోన్ పై వడ్డీనే రూ.52,50,904 చెల్లించాల్సి వస్తుంది. మొత్తం రూ.1,12,50,904 బ్యాంకుకు తిరిగి చెల్లిస్తారు.