ഇറാനിലെ സംഘർഷ സാധ്യത കണക്കിലെടുത്ത് ഖത്തറിലെ യു എസിന്റെ ഏറ്റവും വലിയ സൈനിക താവളമായ അൽ ഉദൈദ് വ്യോമതാവളത്തിൽ നിന്ന് അമേരിക്കൻ ഉദ്യോഗസ്ഥരെ മാറ്റിയതായി ഖത്തർ ഇന്റർനാഷനൽ മീഡിയ ഓഫീസ്. സുരക്ഷ മുൻനിർത്തിയാണ് ഉദ്യോഗസ്ഥർക്ക് മാറാൻ നിർദേശം നൽകിയതെന്ന് പ്രസ്താവനയിലൂടെ അറിയിച്ചിരിക്കുകയാണ് ഖത്തർ ഇന്റർനാഷനൽ മീഡിയ ഓഫീസ്.അടിസ്ഥാന സൈനിക സൗകര്യങ്ങൾ ഉൾപ്പെടെ പൗരന്മാരുടെയും താമസക്കാരുടെയും സുരക്ഷ ഉറപ്പാക്കുന്നതിന് ആവശ്യമായ എല്ലാ നടപടികളും സ്വീകരിച്ചിട്ടുണ്ടെന്നും മീഡിയ ഓഫീസ് വ്യക്തമാക്കി. നിലവിലെ സാഹചര്യത്തിൽ എന്തെങ്കിലും പരോഗതി ഉണ്ടായാൽ ഔദ്യോഗിക മാധ്യമങ്ങളിലൂടെ അറിയിക്കുമെന്നും ഇൻ്റർനാഷണൽ മീഡിയ ഓഫീസ് അറിയിച്ചു.ALSO READ: ‘സിപിഐഎം വിട്ട് കോൺഗ്രസിൽ ചേരുമെന്നത് വ്യാജ വാർത്ത, പ്രചാരണത്തിന് പിന്നിലെ ബുദ്ധികേന്ദ്രത്തെക്കുറിച്ച് അന്വേഷിക്കണം’: സികെപി പത്മനാഭൻഅതേസമയം, ഇറാനില്‍ സംഘർഷം നടക്കുന്ന സാഹചര്യത്തില്‍ ഇന്ത്യക്കാർക്ക് വിദേശകാര്യ മന്ത്രാലയം ജാഗ്രതാ നിർദേശം നൽകി. ഇറാനിലുള്ളവർ പ്രതിഷേധ ഇടങ്ങളിൽ നിന്നും വിട്ടു നിൽക്കണമെന്നാണ് വിദേശകാര്യ മന്ത്രാലയം നിര്‍ദ്ദേശം നല്‍കിയത്. ഇന്ത്യക്കാർ ഇറാനിലേക്കുള്ള യാത്ര ഒഴിവാക്കണമെന്നും വിദേശകാര്യ മന്ത്രാലയത്തിൻ്റെ നിർദേശത്തില്‍ പറഞ്ഞു.The post ഇറാൻ സംഘർഷം: അൽ ഉദൈദ് വ്യോമതാവളത്തിൽ നിന്ന് അമേരിക്കൻ ഉദ്യോഗസ്ഥരെ മാറ്റി appeared first on Kairali News | Kairali News Live.