GST 2.O Reforms: సామాన్యులకు గుడ్‌న్యూస్. జీఎస్టీకి సంబంధించి.. 12, 28 శాతం పన్ను శ్లాబుల్ని ఎత్తేయగా ఇప్పుడు . దీంతో వాటిపై వస్తువులు తగ్గాయి. సోమవారం నుంచే చాలా వరకు జీఎస్టీ తగ్గిన వస్తువులు అందుబాటులోకి వచ్చాయి. ఇక్కడ నిత్యావసరాల నుంచి మొదలుకొని.. కార్లు, ఎలక్ట్రానిక్స్, ఔషధాలు ఇలా అన్నింటి ధరలు తగ్గుతున్నాయి. దీంతో కొనుగోలు చేసే వారికి భారీగా డబ్బు ఆదా కానుందని చెప్పొచ్చు. కిరాణా సరకులపై కుటుంబ ఖర్చులు 13 శాతం వరకు తగ్గుతున్నాయి. . ఇదే సమయంలో స్టేషనరీ, ఫుట్‌వేర్, దుస్తులు, ఔషధాలపైనా ఖర్చులు 7-12 శాతం వరకు తగ్గుతాయి. హెల్త్, లైఫ్ ఇన్సూరెన్స్‌ ప్రీమియంపై జీఎస్టీ మినహాయించడంతో ఇక్కడ పూర్తి స్థాయిలో ఆదా కానుంది. దీనిపై అంతకుముందు 18 శాతం పన్ను ఉండేది. ఇలా ఏకంగా 375 రకాల వస్తువులపైనా జీఎస్టీ రేట్లు తగ్గాయని చెప్పొచ్చు. ఇప్పటికే సోమవారం రోజు.. అంటే అమల్లోకి వచ్చిన రోజు.. వాహనాల షోరూమ్స్, ఎలక్ట్రానిక్స్ రిటైలర్స్ వద్ద జనం తాకిడి ఎక్కువైంది. ధరల గురించి ఎంక్వైరీలు ఎక్కువైనట్లు పలు సంస్థలు చెబుతున్నాయి. కేంద్ర ఆర్థిక మంత్రి నిర్మలా సీతారామన్.. సోమవారం రోజు ఢిల్లీ లక్ష్మీనగర్ మార్కెట్‌కు వెళ్లి.. అక్కడ స్టేషనరీ షాప్ యజమానితో జీఎస్టీ రేట్ల కోత గురించి.. ధరల గురించి ఆరా తీశారు. వేటిపై ఎంత ఆదా అవుతుంది?>> 1800 cc వరకు సామర్థ్యం ఉన్న ట్రాక్టర్లపై జీఎస్టీని 12-18 శాతం నుంచి ఇప్పుడు 5 శాతానికి చేర్చగా.. రూ. 40 వేల వరకు ఆదా అవుతుంది. బైక్స్, స్కూటర్స్ (350cc లోపు) రూ. 8 వేల వరకు తగ్గుతున్నాయి. ఇంకా 32 ఇంచుల కంటే పెద్ద టీవీలపై జీఎస్టీ తగ్గించగా.. వీటిపై రూ. 3500 వరకు.. అలాగే ఏసీలపై రూ. 2800 వరకు ఆదా చేయొచ్చు. తమ వాహనాలపై కనీసం రూ. 65 వేల నుంచి గరిష్టంగా రూ. 1.20 లక్షల వరకు ధరల్ని తగ్గించినట్లు హోండా కార్స్ ఇండియా తెలిపింది. హోండా అమేజ్ ధర ఇప్పుడు రూ. 10 లక్షల దిగువకు చేరింది. సెకండ్ జెనరేషన్ అమేజ్ SMT వేరియంట్ ధర రూ. 65 వేలకుపైనే తగ్గి రూ. 7 లక్షల దిగువకు చేరింది. హోండా ఎలివేట్ ధర రూ. 91 వేలకుపైనే తగ్గింది. హోండా సిటీ ధరలు రూ. 40-57 వేల వరకు తగ్గాయి.350CC సామర్థ్యం పైబడిన బైక్స్‌పై జీఎస్టీ 40 శాతానికి చేరింది. అయితే ఈ పెంపును మాత్రం తామే భరిస్తామని.. బైక్స్ ధరల్ని పెంచట్లేదని ట్రయంఫ్ మోటార్ సైకిల్స్, కేటీఎం ప్రకటించాయి. కేటీఎం కూడా 390 డ్యూక్, ఆర్‌షీ 390, 390 అడ్వెంచర్ బైక్స్‌ను ప్రస్తుత ధరలకే పొందొచ్చని స్పష్టం చేసింది. ఇక జీఎస్టీ బెనిఫిట్స్‌ను కస్టమర్లకు అందించడంతో పాటు.. 50 శాతం వరకు ఫైనాన్స్ ప్రయోజనాల్ని అందిస్తున్నట్లు తెలిపింది బజాజ్ ఆటో.