టీమిండియా యువ పేసర్ టీ20ల్లో అరుదైన రికార్డును నెలకొల్పాడు. లో వినాయక్ శుక్లాను అవుట్ చేసి, టీ20 అంతర్జాతీయ క్రికెట్‌లో 100 వికెట్లు పూర్తి చేసిన తొలి భారత బౌలర్‌గా చరిత్ర సృష్టించాడు. ఇప్పటి వరకు ఈ రికార్డును ఎవరూ అందుకోలేదు. అర్షదీప్ సింగ్ 2022 జూలైలో ఇంగ్లండ్‌పై అరంగేట్రం చేశాడు. కేవలం మూడేళ్లు 74 రోజుల్లోనే 100 వికెట్లు సాధించాడు. ఫాస్ట్ బౌలర్లలో ఇది రెండో వేగవంతమైన రికార్డు. మొదటిది బహ్రెయిన్‌కు చెందిన రిజ్వాన్ బట్‌దే, అతను 2 ఏళ్లు 240 రోజుల్లో ఈ ఘనత సాధించాడు. మ్యాచ్‌లు, బంతుల పరంగా చూసుకుంటే అర్షదీప్ సింగ్ 64 మ్యాచ్‌లు, 1329 బంతులతో అత్యంత వేగంగా 100 వికెట్ల మైలురాయిని అందుకున్న ఫాస్ట్ బౌలర్‌గా నిలిచాడు. అర్షదీప్ సింగ్18.37 సగటుతో ఫుల్ మెంబర్ జట్లలోని సీమర్లలో నంబర్ వన్ బౌలర్‌గా నిలిచాడు. పవర్‌ప్లే‌లో ఇప్పటివరకు 43 వికెట్లు సాధించి బెస్ట్ బౌలర్‌గా నిలిచాడు. డెత్ ఓవర్లలో 48 వికెట్లు తీయగా, ఆ తర్వాతి స్థానంలో పాక్ బౌలర్ హారిస్ రౌఫ్ ఉన్నాడు. టీమిండియా తరఫున మొదటి వంద వికెట్లు తీసిన ఆటగాళ్లను ఒకసారి పరిశీలిస్తే.. టెస్టుల్లో తొలి భారత బౌలర్‌గా వినూ మాంకడ్ 23 టెస్టుల్లో100 వికెట్లు తీసుకున్నాడు. వన్డేల్లో తొలి భారత బౌలర్‌గా కపిల్ దేవ్ 77 వన్డేల్లో 100 వికెట్లు పడగొట్టాడు. ఇప్పుడు టీ20ల్లో అర్షదీప్ 64 మ్యాచ్‌లలో 100 వికెట్లతో సత్తా చాటాడు. 2022 టీ20 వరల్డ్ కప్‌లో ఆడిన సింగ్ 10 వికెట్లతో భారత్ తరఫున అత్యధిక వికెట్లు తీసిన బౌలర్‌గా నిలిచాడు. 2024 టీ20 వరల్డ్ కప్‌లో 17 వికెట్లతో సత్తా చాటాడు. టీ20 వరల్డ్ కప్ విజయంలో అర్షదీప్ పాత్ర కూడా చాలా కీలకమైంది. డెత్ ఓవర్లలో 9 వికెట్లతో రాణించాడు. కేవలం 25 ఏళ్ల వయసులోనే అర్షదీప్ సింగ్ రికార్డులు చూస్తున్న క్రికెట్ ప్రపంచం నివ్వెరబోతోంది.