Gold Silver Rates: బంగారం అనేది.. భారతీయుల సంస్కృతి, సంప్రదాయాలతో ముడిపడి ఉందని చెప్పొచ్చు. ఇక్కడ అంతలా డిమాండ్ ఉంటుంది మరి. డిమాండ్‌కు తగ్గట్లుగానే రేట్లు కూడా భారీ స్థాయిలోనే ఉంటాయి. ఎక్కువగా పండగలు, పెళ్లిళ్లు, ఇతర శుభకార్యాల సమయాల్లో బంగారం కొనుగోళ్లు విపరీతంగా జరుగుతుంటాయి. మహిళలు ఈ సమయాల్లో కచ్చితంగా బంగారం.. కొని ధరించాలని ఆసక్తి చూపిస్తుంటారు. ఇది మహిళల అందాన్ని మరింత పెంచుతుంది. ఐతే ఇప్పుడు పండగ సీజన్లో రేట్లు ఆల్ టైమ్ గరిష్ట స్థాయిలకు చేరి భయపెడుతున్నాయి. యూఎస్ ఫెడ్ FOMC సమావేశం.. నిర్ణయాల్ని ప్రకటించింది. . 25 బేసిస్ పాయింట్లు వడ్డీ రేటు తగ్గింది. సాధారణంగా అయితే.. తగ్గిస్తే పెరుగుతుంటాయి కానీ ఇక్కడ మాత్రం సీన్ రివర్స్ అయింది. డాలర్ పుంజుకోవడం సహా.. గరిష్ట స్థాయిల్లో ప్రాఫిట్ బుకింగ్ నేపథ్యంలో బంగారం ధరలు పతనం అయ్యాయి.ఇంటర్నేషనల్ మార్కెట్లో కిందటి రోజుతో పోలిస్తే భారీగా ధరలు తగ్గుముఖం పట్టాయి. స్పాట్ గోల్డ్ రేటు ఔన్సుకు 3640 డాలర్ల మార్కుకు దిగొచ్చింది. ఇక సిల్వర్ రేటు విషయానికి వస్తే.. ప్రస్తుతం ఇది 42 డాలర్ల దిగువనే ఉంది. రూపాయి విలువ మళ్లీ తగ్గింది. ప్రస్తుతం డాలరుతో పోలిస్తే రూపాయి మారకం విలువ రూ. 88.13 వద్ద ఉంది. దేశీయంగా పసిడి ధరలు పడిపోయాయి. హైదరాబాద్ మార్కెట్లో 22 క్యారెట్స్ పుత్తడి ధర రూ. 500 తగ్గడంతో తులం రూ. 1,01,900 కు దిగొచ్చింది. ఇది ముందటి రోజు రూ. 200 పడిపోయింది. ఇంకా 24 క్యారెట్ల పుత్తడి ధర రూ. 540 తగ్గగా 10 గ్రాములకు రూ. 1,11,170 వద్ద ఉంది.బంగారం ధరల మాదిరిగానే వెండి రేట్లు కూడా దిగొచ్చాయి. ఇవ్వాళ ఒక్కరోజే రూ. 1000 తగ్గగా కేజీకి రూ. 1.41 లక్షల మార్కుకు చేరింది. ఇది ముందటి రోజు చూస్తే ఏకంగా రూ. 2 వేలు దిగొచ్చింది. బంగారం, వెండి ధరలు ప్రాంతాల్ని బట్టి మారుతుంటాయి. స్థానిక పన్ను రేట్లు, ట్రాన్స్‌పొర్టేషన్, షిప్‌మెంట్స్ ఇలా వేర్వేరు కారణాలతో రేట్లలో హెచ్చుతగ్గులు ఉంటాయి. ఫెడ్ ఈ ఏడాది మరో రెండు సార్లు వడ్డీ రేట్లు తగ్గించనున్నట్లు సంకేతాలు ఇచ్చింది. కాబట్టి గోల్డ్ రేట్లు ఇంకా పెరిగే అవకాశాలే కనిపిస్తున్నాయని నిపుణులు అంటున్నారు.