ترانا: البانیہ نے مصنوعی ذہانت کا استعمال کر کے بڑی پیش رفت کرتے ہوئے گزشتہ دنوں اے آئی وزیر ڈئیلا کا تقرر کیا تھا، اس اے آئی وزیر کا نام ڈئیلا رکھا گیا، جس نے آج پارلیمنٹ میں اپنا پہلا خطاب کیا۔غیر ملکی ذرائع ابلاغ کے مطابق اے آئی وزیر نے اپنے پہلے میں خطاب میں کہا کہ اپوزیشن میری تقرری کو بار بار غیر آئینی بتا رہا ہے۔ اپوزیشن کے ان الزامات سے مجھے مایوسی ہورہی ہے۔رپورٹس کے مطابق اے آئی وزیر ڈئیلا نے کہا کہ وہ صرف انسانوں کی مدد کے لئے آئی ہے، اس کا مقصد انسانوں کی جگہ لینا بالکل نہیں ہے۔Meet Diella, Albania's AI minister tasked with addressing corruption in the country https://t.co/Wrr18JftrI pic.twitter.com/jZHLrMJBsP— Reuters (@Reuters) September 19, 2025 واضح رہے کہ البانیہ کی زبان میں ڈئیلا کا مطلب سورج ہوتا ہے، اے آئی وزیر کو البانیہ کے روایتی لباس میں خاتون کی شکل میں تیار کیا گیا ہے۔ اس کی آواز اور چہرہ البانیہ کی اداکارہ انیلا بشا سے ملتا ہے۔اے آئی کی پہلی وزیر ڈئیلا کو البانیہ کی قومی ایجنسی فار انفارمیشن سوسائٹی نے مائیکرو سافٹ کی مدد سے تیار کیا ہے، البانیہ کے وزیر اعظم ایدی راما نے 12 ستمبر کو اپنی چوتھی حکومت کی کابینہ میں ڈئیلا کو وزارت برائے عوامی خرید کے منصب پر فائز کیا تھا، اس حوالے سے باقاعدہ اعلان کیا گیا۔سعودی عرب میں عربی اے آئی ایپ لانچخاص بات یہ ہے کہ البانیہ یوروپی یونین میں شامل ہونے کے راستے پر گامزن ہے اور بدعنوانی کو ختم کرنے کے لیے ڈئیلا سے مدد حاصل کرنے کی کوشش کی جارہی ہے۔اے آئی وزیر کو سرکاری ٹنڈر کے عمل میں شفافیت لانے اور بدعنوانی کو ختم کرنے کے لیے تعینات کیا گیا ہے۔