O Centro Asociado da UNED en Pontevedra organizou unha xornada especial para o vindeiro venres 17 de outubro. Baixo o título 'Cancións e aprendizaxes. 20 anos despois', o músico Gustavo Almeida ofrecerá un cocnierto acústico acompañado dunha charla motivacional. Terá lugar ás 20.30 horas no salón de actos do centro universitario en Monte Porreiro, con entrada de balde até completar aforamento. Durante a velada, Gustavo Almeida ofrecerá unha selección de cancións acompañadas de reflexións e aprendizaxes persoais vinculados ás súas dúas décadas de traxectoria artística, co obxectivo de inspirar o público en xeral e compartir experiencias de crecemento persoal a través da música. Nacido en Río de Janeiro, Almeida é fillo da recoñecida cantante brasileira Ellen de Lima, e o seu irmán Rodrigo Almeida tamén está dedicado á música. De mozo practicou fútbol profesionalmente. Formouse nas categorías inferiores do Vasco da Gama en Brasil, e con 18 anos emigrou a Europa para unirse ao filial do Celta de Vigo. Posteriormente militou en equipos en España, Francia e Italia, ata que unha lesión lle obrigou a deixar o fútbol e dedicarse definitivamente á música. No apartado artístico, asentado desde hai anos en Pontevedra, compuxo e cantou en varios idiomas como español, portugués e tamén adaptou e gravado cancións en galego. Esta actividade forma parte do programa de Extensión Universitaria coordinado por Rafael Cotelo Pazos.