കോട്ടയ്ക്കല്‍: കോട്ടക്കല്‍ ആര്യവൈദ്യശാല മൃഗസംരക്ഷണ ഔഷധ നിര്‍മാണ മേഖലയിലേക്കും. പശു, ആട് തുടങ്ങിയ വളര്‍ത്തുമൃഗങ്ങളുടെ ആരോഗ്യ സംരക്ഷണത്തിനുള്ള ഔഷധങ്ങളാണ് പ്രധാനമായും നിര്‍മിക്കുക. പാലുൽപാദനം വര്‍ധിപ്പിക്കാനും രോഗപ്രതിരോധശക്തി നിലനിര്‍ത്താനും സഹായിക്കുന്ന ഔഷധങ്ങളാണ് ആദ്യഘട്ടത്തില്‍ വിപണിയിലെത്തിക്കുന്നത്.പ്രസവാനന്തര ആരോഗ്യസംരക്ഷണത്തിനായി ഈസ്പാര്‍ട്ട്, ഗര്‍ഭാശയ സങ്കോചത്തിനും മറുപിള്ള പുറത്തുപോകാനുമായി എക്‌സ്പ്ലാസ, ദഹനശക്തി വര്‍ധിപ്പിക്കാന്‍ ഡൈജാക്ട്, പാലിന്റെ ഗുണനിലവാരം കൂട്ടാന്‍ ക്വാളിമില്‍ക്ക്, സബ് ക്ലിനിക്കല്‍ മാസ്റ്റെറ്റിസ് തടയാന്‍ ഹീല്‍മാസ്റ്റ് എന്നീ മരുന്നുകളാണ് അവതരിപ്പിക്കുന്നത്. അണുസംക്രമണം തടയാനും പാര്‍ശ്വഫലരഹിതവുമായ മൃഗാരോഗ്യപരിപാലനത്തിന് ഉപകരിക്കുന്ന മരുന്നുകളുടെ ഗവേഷണത്തിനുമായി സഹകരിക്കാന്‍ നാഷണല്‍ ഡയറി ഡെവലപ്പ്‌മെന്റ് ബോര്‍ഡുമായി (എന്‍ഡിഡിബി) ധാരണാപത്രം ഒപ്പുവച്ചു.ആധികാരിക ഗ്രന്ഥങ്ങളില്‍ നിര്‍ദേശിച്ച ഔഷധങ്ങള്‍ ആധുനിക സാങ്കേതികവിദ്യ ഉപയോഗിച്ച് നൂതന രീതിയില്‍ ഉത്പാദിപ്പിക്കാനും ഗവേഷണത്തിനുമാണ് സഹകരണം. വാര്‍ത്താ സമ്മേളനത്തില്‍ കോട്ടയ്ക്കല്‍ ആര്യവൈദ്യശാല മാനേജിംഗ് ട്രസ്റ്റി ആന്‍ഡ് ചീഫ് ഫിസിഷ്യന്‍ ഡോ.പി.എം. വാരിയര്‍, ചീഫ് എക്സിക്യുട്ടീവ് ഓഫീസര്‍ കെ. ഹരികുമാര്‍, എന്‍ഡിബിബി ചെയര്‍മാന്‍ ഡോ.മീണേഷ് സി. ഷാ, എക്സിക്യുട്ടീവ് ഡയറക്ടര്‍(ടെക്നിക്കല്‍) എസ്. രാജീവ്, സീനിയര്‍ ജനറല്‍ മാനേജര്‍ ഡോ. ആര്‍.ഒ ഗുപ്ത, ജനറല്‍ മാനേജര്‍ ഡോ. എ.വി. ഹരി എന്നിവര്‍ ചടങ്ങില്‍ പങ്കെടുത്തു.മദ്യവിമുക്തി കേന്ദ്രത്തിൽ ചികിൽസയ്ക്ക് കൊണ്ടുപോയ വൈരാഗ്യത്തിൽ അനുജൻ ജേഷ്ഠനെ കുത്തികൊന്നു