హౌస్ నుంచి మర్యాదగా మర్యాద మనీష్ బ్యాగ్ సర్దేశాడు. పేరు మాత్రమే మర్యాద.. పవర్తన మాత్రం అమర్యాదే కావడంతో రెండోవారంలో బిగ్ బాస్ హౌస్ నుంచి బయటకు వచ్చేశాడు మర్యాద మనీష్. తొలివారంలో సెలబ్రిటీల నుంచి శ్రేష్టీ వర్మ ఎలిమినేట్ కాగా.. రెండోవారంలో కామనర్స్ నుంచి మర్యాద మనీష్ ఎలిమినేట్ అయ్యాడు. ఇక మూడోవారానికి సంబంధించిన నామినేషన్స్ హీట్ స్టార్ట్ అయిపోయింది. మూడోవారంలో ఎవరికి మూడిందీ.. కామనర్స్‌కా? లేదంటే సెలబ్రిటీలకా? అంటే.. ఈ మూడో వారం నామినేషన్స్‌ అనగానే.. ప్రియా శెట్టి, దమ్ము శ్రీజా.. ఈ డాకిని, శంకినిలు ఎప్పుడెప్పుడు నామినేషన్స్‌లోకి వస్తారా? ఎప్పుడు హౌస్ నుంచి బయటకు పంపేద్దామా? అని వెయిటింగ్‌లో ఉన్నారు ఆడియన్స్. అసలు వీళ్లిద్దర్నీ స్క్రీన్‌పై కనిపిస్తే చాలు.. యాక్ థూ అనేట్టుగా చిరాకు దొబ్బిస్తున్నారు. అయితే ఆడియన్స్ కోరుకున్నట్టుగానే ఈ ఇద్దరూ నామినేషన్స్‌లోకి వచ్చారు కానీ.. కెప్టెన్ డీమాన్ పవన్‌కి ఇచ్చిన కెప్టెన్ పవర్స్‌తో శ్రీజ బతికిపోయింది. ఇది ఒక రకంగా బిగ్ బాస్ లవర్స్‌కి పెద్ద బ్యాడ్ న్యూస్ అనే చెప్పాలి. ఆమె నామినేషన్స్‌లో ఉంది అని అనగానే.. చాలామంది సెలబ్రేట్ చేసుకుంటున్నారు. కానీ మన పులిహోర రాజా ఢమాల్ పవన్.. రీతూ చౌదరిపై ఉన్న ఆరాటాన్ని, పోరాటాన్ని కాసేపు పక్కన పెట్టి.. తనకి ఇచ్చిన పవర్స్‌తో నామినేషన్స్‌లో ఉన్న రీతూని కాకుండా శంకిని శ్రీజాని సేవ్ చేసి దిమ్మతిరిగే జలక్ ఇచ్చాడు. రీతూ కోసం తపించిన పోతున్న ఢమాల్ పవన్.. ఆమెను కాకుండా శ్రీజాని సేవ్ చేయడం ఏదైతే ఉందో.. అది రీతూని చెప్పుతో కొట్టినట్టే అయ్యింది. ఈ మూడోవారం నామినేషన్స్‌ చాలా ట్విస్ట్‌లతో జరుగుతుంది. ముందుగా.. టెనెంట్స్‌లో ఉన్న సామాన్యులు హరీష్, శ్రీజా, పవన్ కళ్యాణ్, ప్రియ శెట్టి, డీమాన్ పవన్‌లకు సెలబ్రిటీలను నామినేట్ చేసే అవకాశం ఇచ్చారు. అయితే ఈ ఐదుగురు మొత్తం ఐదుగుర్ని నామినేట్ చేయాల్సి ఉంటుందని.. ఆ ఐదుగురిలో ఒకరు టెనెంట్స్ ఉండాలి. అంటే.. మీలో నుంచి ఉండాలని చెప్పారు. దాంతో హరీష్‌ని నామినేట్ చేసింది శ్రీజా. అలా ఈ నామినేషన్స్ సెలెక్షన్‌లో హరీష్, సంజన, సుమన్ శెట్టి, రీతూ చౌదరి, ఫ్లోరా షైనీలు నామినేషన్‌లో నిలిచారు. ఆ తరువాత సెలబ్రిటీలకు సామాన్యుల్ని నామినేట్ చేసే అవకాశం కల్పిస్తూ ట్విస్ట్ ఇచ్చారు బిగ్ బాస్. దాంతో శంఖిని సిస్టర్స్ ప్రియాశెట్టి, శ్రీజాలు నామినేట్ అయ్యారు. కానీ హౌస్‌కి కెప్టెన్‌గా ఉన్న డీమాన్‌ పవన్‌కి స్పెషల్ పవర్స్ ఇచ్చారు బిగ్ బాస్. ఆ పవర్‌తో ఒకర్ని సేవ్ చేయొచ్చు. డీమాన్ పవన్‌కి స్పెషల్ పవర్ ఇచ్చారంటే.. ఈ కాట్రాజ్ ఖచ్చితంగా రీతూ చౌదరినే సేవ్ చేస్తాడని అంతా అనుకున్నారు. అదే చేస్తే.. వీకెండ్‌లో నాగార్జున నేలకేసి బాదుతాడని అనుకున్నాడో ఏమో కానీ.. శంకిని శ్రీజాని సేవ్ చేశాడు. దాంతో ఈవారం నామినేషన్స్‌లో ఆరుగురు నిలిచారు. ఆ లిస్ట్ చూస్తే.. 1.ష్లోరా షైనీ2.రీతూ చౌదరి3. రామూ రాథోడ్4.హరీష్ 5.ప్రియాశెట్టి 6.పవన్ కళ్యాణ్ ఈ ఆరుగురు నామినేషన్‌లోకి వచ్చారు. మొదటి కామన్స్ నామినేట్ చేసిన ఐదుగురిలో డిస్కషన్స్ అనంతరం సంజనా, సుమన్ శెట్టిలు సేవ్ అయ్యారు. సుమన్ శెట్టి సేవ్ కావడం కంటే నామినేషన్స్‌లో ఉంటేనే మజా ఉండేది. అతని ఫాలోయింగ్ దెబ్బకి ఓటింగ్ షేక్ అయ్యేది ఈవారం కూడా. కానీ జస్ట్ మిస్. బట్.. ఈవారం ప్రియా శెట్టి నామినేషన్స్‌లో ఉంది కాబట్టి.. గోవిందా.. గోవిందా.