اسرائیل کی جانب سے غزہ میں بربریت کا سلسلہ جاری ہے، جبکہ لبنان کے جنوبی حصے میں ہونے والے اسرائیلی ڈرون حملے سے 5 شہری جام شہادت نوش کرگئے۔عرب میڈیا کا کہنا ہے کہ لبنان میں ہونے والے اسرائیلی ڈرون حملے میں مزاحمتی تحریک حزب اللّٰہ کے ایک رکن بھی جام شہادت نوش کرگئے۔رپورٹس کے مطابق اسرائیلی بربریت کے نتیجے میں شہید ہونے 3 بچے امریکی شہری تھے جبکہ حملے میں انکی والدہ بھی شدید زخمی ہوئی ہیں۔اسرائیلی حملے پر ردِعمل دیتے ہوئے لبنان کی حکومت کا کہنا تھا کہ اسرائیلی حملہ لبنانی شہریوں کے خلاف جرم ہے، لبنانی وزیرِاعظم نے واقعے پر افسوس کا اظہار کرتے ہوئے کہا کہ اسرائیل نے ایک نیا قتل عام شروع کردیا ہے۔لبنانی میڈیا کے مطابق اسرائیل نے جنوبی لبنان پر حملے کے دوران ایک گاڑی اور موٹر سائیکل کو نشانہ بنایا، جس میں 2 افراد زخمی بھی ہوئے۔دوسری جانب اسرائیل کے وزیر اعظم بنجمن نیتن یاہو نے فلسطین کو تسلیم کرنے کے تازہ ترین مغربی اقدامات پر ردعمل ظاہر کرتے ہوئے کہا ہے کہ اسرائیل مقبوضہ مغربی کنارے میں ایسی بستیوں کی تعمیر جاری رکھے گا جو مستقبل کی فلسطینی ریاست کی راہ میں رکاوٹ بنیں۔نیتن یاہو نے کہا کہ اسرائیل کی جانب سے تسلیم کرنے کے تازہ ترین اقدامات پر مکمل ردعمل اس ہفتے امریکا کے دورے سے واپس آنے کے بعد آئے گا جہاں ان کی اقوام متحدہ کی جنرل اسمبلی سے خطاب اور امریکی صدر ڈونلڈ ٹرمپ سے ملاقات متوقع ہے۔اسرائیلی حکومت کے وزراء نے برطانیہ، کینیڈا اور آسٹریلیا کی طرف سے فلسطینی ریاست کو تسلیم کیے جانے کے ردعمل میں مقبوضہ مغربی کنارے پر خودمختاری نافذ کرنے کی دھمکی دی ہے۔امریکا کا برطانیہ سیمت دیگر اہم ممالک کا فلسطینی ریاست کو تسلیم کرنے پر ردعملقومی سلامتی کے وزیر Itamar Ben-Gvir نے کہا کہ فلسطینی ریاست کو تسلیم کرنا – جسے انہوں نے ”قاتلوں کے لیے انعام”کے طور پر بیان کیا ہے – نے ”فوری جوابی اقدامات مقبوضہ مغربی کنارے میں خودمختاری کے فوری اطلاق”اور‘فلسطینی’دہشت گرد اتھارٹی کی مکمل تباہی کا مطالبہ کیا۔