మధ్య ఇవాళ రసవత్తర పోరు జరగనుంది. ధర్మశాల వేదికగా భారత్ - సౌతాఫ్రికా మూడో టీ20 నేడు జరగనుంది. ఐదు మ్యాచ్‌ల టీ20 సిరీస్‌లో ఇరు జట్లు చెరొక మ్యాచ్‌లో గెలిచి 1-1తో ప్రస్తుతం సమంగా ఉన్నాయి. దాంతో ధర్మశాలలో జరిగే ఈ మ్యాచ్ ఇరు జట్లకి చాలా కీలకంగా మారనుంది. టీ20 వరల్డ్ కప్ 2026 భారత్ వేదికగా జరగనుండటంతో టీమిండియా, సౌతాఫ్రికాకు ఈ సిరీస్ చాలా కీలకమని చెప్పొచ్చు. టెస్టుల్లో దక్షిణాఫ్రికాపై ఘోర పరాభవం ఎదుర్కొన్న భారత్, ఆ తర్వాత జరిగిన వన్డే సిరీస్‌లో రోహిత్ - కోహ్లి అద్భుత పర్ఫార్మెన్స్‌తో 2-1తో సిరీస్ కైవసం చేసుకుంది. మరి ఈ పొట్టి ఫార్మాట్‌లో ఎవరు గెలుస్తారు అన్నది ఆసక్తికరంగా మారింది. హోం జట్టు భారత్ ఈ సిరీస్‌లో కొన్ని ప్రయోగాలు చేసింది. బ్యాటింగ్ ఆర్డర్‌లో అక్షర్ పటేల్‌ను ముందుకు పంపడం, జితేష్ శర్మకు 7, 8వ స్థానాల్లో అవకాశాలు ఇవ్వడం. అలాగే పవర్‌ ప్లే, డెత్ ఓవర్లలో ఫ్రంట్‌లైన్ పేసర్లపై భారం మోపి, మధ్య ఓవర్లలో హార్దిక్ పాండ్యాతో బౌలింగ్ చేయించడం వాటిలో ముఖ్యమైనవి. ఈ ప్రయోగాల ఫలితాలు ఇప్పటివరకు మిశ్రమంగానే ఉన్నాయి. కెప్టెన్ సూర్యకుమార్ యాదవ్, వైస్ కెప్టెన్ ఫామ్ ఆందోళన కలిగిస్తుండటంతో జట్టు కాంబినేషన్‌పై స్పష్టత తీసుకురావాల్సిన అవసరం మరింత పెరిగింది.మొదటి రెండు మ్యాచ్‌లకు బెంచ్‌కే పరిమితమైన సంజు శాంసన్‌కు మూడో టీ20లోనూ నిరాశ తప్పేలా లేదు. సంజు జట్టులోకి రావాలంటే జితేశ్ శర్మ అయినా పక్కకెళ్లాలి, లేక వైస్ కెప్టెన్ శుభమన్ గిల్ అయినా దూరమవ్వాలి. ఇప్పుడున్న పరిస్థితుల్లో గిల్‌ను పక్కనబెట్టే అవకాశం లేదు. లోయర్ ఆర్డర్‌లో బ్యాటర్ కావాల్సి రావడంతో జితేశ్‌ను వదులుకునే స్థితిలో గంభీర్ లేడు. దాంతో మూడో టీ20లోనూ సంజుకి మొండిచేయి తప్పేలా లేదు. ధర్మశాల పిచ్ స్పిన్నర్లకు పూర్తిగా అనుకూలంగా లేకపోయినా, గత ఏడాదిన్నర కాలంగా భారత్ ప్రతికూల పరిస్థితుల్లోనూ స్పిన్నర్లపై నమ్మకం పెట్టుకుంటూ వచ్చింది. ధర్మశాల గత రెండేళ్లుగా పురుషుల అంతర్జాతీయ మ్యాచ్‌లకు ఆతిథ్యం ఇవ్వలేదు. చివరిసారిగా టీ20 మ్యాచ్ ఫిబ్రవరి 2022లో జరిగింది. ఐపీఎల్‌లో మాత్రం ఇక్కడ 180+ స్కోర్లు సాధారణంగా నమోదయ్యాయి. ఇటీవలి ఐపీఎల్ మ్యాచ్‌లలో బ్యాటింగ్ చేసిన జట్లకే ఎక్కువ విజయాలు దక్కాయి. భారత జట్టు అంచనాఅభిషేక్ శర్మ, శుభ్‌మన్ గిల్, సూర్యకుమార్ యాదవ్ (కెప్టెన్), తిలక్ వర్మ, హార్దిక్ పాండ్యా, శివమ్ దూబే, జితేష్ శర్మ (వికెట్ కీపర్), వాషింగ్టన్ సుందర్, అర్షదీప్ సింగ్, కుల్దీప్ యాదవ్, జస్ప్రీత్ బుమ్రాదక్షిణాఫ్రికా జట్టు అంచనాక్వింటన్ డికాక్ (వికెట్ కీపర్), ఎయిడెన్ మార్కరమ్ (కెప్టెన్), ట్రిస్టన్ స్టబ్స్, డివాల్డ్ బ్రెవిస్, డేవిడ్ మిల్లర్, డొనోవన్ ఫెరీరా, జార్జ్ లిండే, మార్కో యాన్సన్, నోకియా/ కార్బిన్ బాష్, బార్ట్‌మన్, లుంగి ఎంగిడి.