Jio Happy New Year Offers: తమ కస్టమర్లను ఈ కొత్త ఏడాదిలో సరికొత్తగా పలకరించేందుకు రిలయన్స్ జియో సిద్ధమైంది. హ్యాపీ న్యూ ఇయర్ 2026 పేరుతో మూడు కొత్త రీఛార్జ్ ప్లాన్లను ప్రకటించింది. ఈ కొత్త ప్లాన్లతో కంపెనీ తన వినియోగదారులకు మరింత విలువను అందించాలని లక్ష్యంగా పెట్టుకుంది. రోజువారీ వినోదం, డిజిటల్ సేవలు అందుకునేందుకు అధిక డేటా అందిస్తోంది. విభిన్న కేటగిరీల్లోని యూజర్ల కోసం మూడు వేరు వేరు ప్లాన్లను రూపొందించింది. ఇందులో ఒకటి లాంగ్ టర్మ్ రీఛార్జ్ చేసుకునే వారి కోసం తీసుకొచ్చింది. సులభమైన, తక్కువ ఖర్చుతో ఉండే యాడ్ ఆన్స్ కోరుకునే వారు ఇందులో ఉంటారు. అలాగే ఈ న్యూ ఇయర్ ఆఫర్స్‌లో గూగుల్‌తో జియో భాగస్వామ్యం ఏర్పాటు చేసుకోవడం ప్రధాన ఆకర్షణగా నిలుస్తోంది. దీంతో కొత్త ఆఫర్స్‌తో రీఛార్జ్ చేసుకునే వారికి గూగుల్ జెమినీ ప్రో ఏఐ (Gemini Pro AI) ఉచిత యాక్సెస్ లభిస్తుంది. అలాగే పలు ఓటీటీ ప్లాట్ ఫామ్స్ సైతం కల్పిస్తోంది. మరి ఆ వివరాలు తెలుసుకుందాం. 1.హీరో యాన్యువల్ రీఛార్జ్ ప్లాన్హీరో యాన్యువల్ రీఛార్జ్ ప్లాన్ అనేది ఏడాది మొత్తానికి ఒకేసారి రీఛార్జ్ చేసుకుని అంతరాయం లేని సేవలు పొందాలనుకునే వారికి బెస్ట్ ఆప్షన్. ఈ ప్లాన్ ధర రూ.3599గా నిర్ణయించారు. ఈ ప్లాన్ ద్వారా రోజుకు 2.5 జీబీ డేటా, అపరిమిత కాల్స్, రోజుకు 100 ఎస్ఎంఎస్‌లు లభిస్తాయి. అలాగే గూగుల్ జెమినీ ప్రో ప్లాన్ 18 నెలల పాటు ఉచిత యాక్సెస్ ఉంటుంది. సుమారు రూ.35,100 విలువైన ఈ యాక్సెస్ ఉచితంగా ఇస్తోంది. 2.సూపర్ సెలబ్రేషన్ మంత్లీ ప్లాన్నెలవారీగా రీఛార్జ్ చేసుకునే వారిని లక్ష్యంగా చేసుకుని ఈ సూపర్ సెలబ్రేషన్ మంత్లీ ప్లాన్ తీసుకొచ్చింది. ఈ ప్లాన్ ధర రూ.500గా నిర్ణయించారు. 28 రోజుల వ్యాలిడిటీ ఉంటుంది. ఇందులో రోజుకు 2జీబీ డేటా, అన్‌లిమిటెడ్ 5జీ, అన్‌లిమిటెడ్ కాల్స్, రోజుకు 100 ఎస్ఎంఎస్‌లు లభిస్తాయి. ఇందులో అందరినీ ఆకట్టుకునే అంశం ఉచితంగా పలు ఓటీటీ ప్లాట్ ఫామ్స్ లభిస్తున్నాయి. యూట్యూబ్ ప్రీమియ, జియో హాట్ స్టార్, అమెజాన్ పీవీఎంఈ, సోనీ లివ్, జీ5, లయన్స్ గేట్ ప్లే, డిస్కవరీ ప్లస్, సన్ నెక్స్ట్, కంచా లంకా, ప్లానెట్ మరాఠీ, చౌపల్, ఫాన్ కోడ్, హోయ్ చాయ్ వంటివి సుమారు రూ.500 విలువైనవి వస్తున్నాయి. అలాగే 18 నెలల పాటు గూగుల్ జెమినీ ప్రో ఏఐ యాక్సెస్ ఉచితంగా లభిస్తుంది. 3.ఫ్లెక్సీ ప్యాక్ ఈ ప్లాన్ ధర రూ.103గా ఉండగా ప్యాక్ వ్యాలిడిటీ 28 రోజులు ఉంటుంది. ఇందులో 5జీబీ డేటా లభిస్తుంది. ఈ ప్యాక్ ద్వారా హిందీ ప్యాక్, ఇంటర్నేషనల్ ప్యాక్, రీజనల్ ప్యాక్ ఓటీటీ ప్లాట్ ఫామ్స్ లభిస్తాయి. సోనీ లివ్, జీ5, జియో హాట్ స్టార్, సన్ నెక్ట్స్ వంటివి ఇందులో ఉన్నాయి.