: ఇప్పుడంతా ఏఐ యుగం నడుస్తోంది. ప్రస్తుత ఆధునిక సాంకేతిక ప్రపంచంలో కృత్రిమ మేధ (ఆర్టిఫిషియెల్ ఇంటెలిజెన్స్-AI) మోడల్స్ ఎన్నో విప్లవాత్మక, సంచలన మార్పులు తీసుకొస్తున్నాయి. మన జీవితంలో ఇదో అంతర్భాగంగా మారి.. ఎన్నో రంగాల్లో మెరుగైన పనితీరుకు.. అదే విధంగా సరికొత్త ఆవిష్కరణలకు ఆజ్యం పోస్తోంది. చెప్పొచ్చు. ప్రభుత్వాలు కూడా ఏఐపై విస్తృతంగా పెట్టుబడులు పెడుతూ ప్రచారం కల్పిస్తున్నాయి. ప్రోత్సహిస్తున్నాయి. సమస్యల్ని పరిష్కరించే.. సామర్థ్యాన్ని పెంచే ఈ ఏఐకి సంబంధించి పలు సంస్థలు ఇప్పటికే ఎన్నో అడ్వాన్స్‌డ్ మోడల్స్‌ను లాంఛ్ చేశాయి. వీటిల్లో ఓపెన్ ఏఐ నుంచి చాట్‌జీపీటీ, గూగుల్ నుంచి జెమినీ ఏఐ, మెటా నుంచి మెటా ఏఐ, ట్విట్టర్ (X) నుంచి గ్రోక్ ఏఐ సహా పర్‌ప్లెక్సిటీ ఇలా ఎన్నో ఉన్నాయి. ఇక ఓపెన్ ఏఐకి చెందినటువంటి లాంఛ్ అయ్యాయి. ఇప్పుడు యూజర్లకు సరికొత్త అనుభవం అందించేందుకు సిద్ధమవుతోంది. ఈ ఏఐ చాట్‌బాట్ నుంచి.. పెద్దల కోసం ప్రత్యేకంగా అడల్ట్ మోడ్ అతిత్వరలోనే అందుబాటులోకి రానుంది. ఓపెన్ ఏఐ అప్లికేషన్స్ సీఈఓ ఫిడ్జి సిమో.. దీనిని 2026 తొలి త్రైమాసికంలో తీసుకొచ్చేందుకు ప్రయత్నిస్తున్నామని చెప్పారు. దీనిపై అక్టోబర్ నెలలోనే.. ఓపెన్ ఏఐ సీఈఓ.. చాట్‌జీపీటీ సృష్టికర్త సామ్ ఆల్ట్‌మన్ కూడా ప్రకటన చేసిన సంగతి తెలిసిందే. వెరిఫైడ్ అడల్ట్స్ కోసం.. అడల్ట్ మోడ్ తీసుకొస్తున్నామని.. వయసు నిర్ధరణతోనే వారికి అడల్ట్ మోడ్ అనుమతులు ఉంటాయని పేర్కొన్నారు. ఇక ఈ మోడ్ విడుదలైన తర్వాత.. చాట్‌జీపీటీ కూడా నాట్ సేఫ్ ఫర్ వర్క్ (NSFW) కంటెంట్‌ను కూడా వినియోగదారులకు అందించనుంది.ఏమేం ఉంటాయి?అడల్ట్ మోడ్‌లో వినియోగదారులకు మరింత ఫ్లర్టేషస్ సంభాషణలు అంటే పరస్పర ఆకర్షణ, సరదా భావంతో పెద్దల మధ్య సాగే సహజమైన చాట్స్‌ను పోలి ఉంటుంది. స్నేహపూర్వకంగా, మరింత ఆకర్షణ చూపించేలా, భావోద్వేగాన్ని వ్యక్తపరిచేలా ఉంటాయి.నేరుగా అశ్లీలంగా ఉండకుండా.. ఎక్కడా హద్దులు దాటకుండా పరిమితులకు లోబడి పెద్దలకే పరిమితమైన కంటెంట్ ఉండేలా అడల్ట్ మోడ్ రూపొందుతోంది. ఎరోటిక్ రోల్‌ప్లేస్ వంటివి కూడా ఈ అడల్ట్ మోడ్‌లో ఉండనున్నట్లు తెలుస్తోంది. పెద్దవారిని పెద్దవారిగానే చూడాలని (ట్రీట్ అడల్ట్స్ లైక్ అడల్ట్స్) గతంలో కంపెనీ చెప్పినట్లుగానే.. పెద్దవారి కోసం స్పెషల్ కంటెంట్ అందించాలనే లక్ష్యంతో కంపెనీ ఉన్నట్లు తెలుస్తోంది.దీంట్లో భాగంగా.. చట్టబద్ధంగా నిర్దిష్ట వయసు దాటిన వినియోగదారులకు కంటెంట్ పరంగా మరింత స్వేచ్ఛ కల్పించనున్నట్లు స్పష్టం చేసింది. అయితే ఇది పెయిడ్ సబ్‌స్క్రైబర్స్‌కు మాత్రమే అందుబాటులోకి తీసుకురానుందని తెలుస్తోంది. 'అడల్ట్ మోడ్' ఫీచర్‌పై వ్యతిరేకత రాకుండా ఉండేందుకు.. ఓపెన్ ఏఐ కొత్తగా ఏజ్ వెరిఫికేషన్ సిస్టమ్‌ను దీని కోసం అభివృద్ధి చేస్తోంది. అప్పుడు ఈ ఫీచర్లను యాక్సెస్ చేసే వ్యక్తి వయోజనుడు (అడల్ట్) అని ధ్రువీకరించిన తర్వాతే ఆ స్పెషల్ కంటెంట్ వారికి ఇస్తుంది. తొలుత అమెరికాలో తర్వాత ఇతర దేశాల్లో లాంఛ్ చేయనుంది. ప్రస్తుతం ఈ అడల్ట్ మోడ్ ఫీచర్ టెస్టింగ్ ఫేజ్‌లో ఉండగా.. అందులో విజయవంతమైతే 2026 ప్రారంభంలోనే అందుబాటులోకి రానుంది.