బిగ్ బాస్ సీజన్ 9 చివరివారం ఓటింగ్ రసవత్తరంగా సాగుతోంది. వచ్చే ఆదివారం నాడు విజేతను ప్రకటించనుండగా.. ఈ శుక్రవారం రాత్రి నుంచి ఓటింగ్ లైన్స్ ఓపెన్ అయ్యాయి. డిసెంబర్ 21 ఆదివారం నాడు గ్రాండ్ ఫినాలే‌లో విజేతను ప్రకటించనుండగా.. డిసెంబర్ 19 శుక్రవారం అర్థరాత్రి వరకూ ఓటింగ్‌లో జరగనుంది. దీంతో టాప్ 5లో ఉన్న ఆయా కంటెస్టెంట్స్‌కి ఓటింగ్ ముమ్మరంగా సాగుతుంది. కళ్యాణ్ పడాల, తనూజ, ఇమ్మానుయేల్, డెమాన్ పవన్, సంజనా.. ఈ ఐదుగురు టాప్ 5లో ఉండగా.. ఇప్పటికే వీళ్ల పీఆర్ టీంలు, సపోర్టర్స్, ఫ్యాన్స్, కుల సంఘాలు, మత సంఘాలు మా కంటెస్టెంట్‌కి ఓటు వేయండి అంటే.. మా కంటెస్టెంట్‌కి ఓటు వేయండి అంటూ విరివిగా ప్రచారం చేస్తున్నారు. అయితే ప్రధానంగా ఈ ఓటింగ్‌లో రెండు ప్రక్రియల్లో జరుగుతుంది. ఒకటీ హాట్ స్టార్ ఓటింగ్.. రెండు మిస్డ్ కాల్స్ ఓటింగ్. హాట్ స్టార్ యాప్‌లోకి వెళ్లి.. తమకి ఇష్టమైన కంటెస్టెంట్‌కి ఓటు వేయడం ఒక పద్దతి కాగా.. ఆయా కంటెస్టెంట్స్‌కి కేటాయించిన ఫోన్ నెంబర్లకు మిస్డ్ కాల్ ఇచ్చి ఓటు చేయొచ్చు. గతంలో అంటే.. సీజన్ 7 వరకూ కూడా పదేసి ఓట్లు వేసుకునే అవకాశం ఉండేది. అంటే మొత్తం పది ఓట్లు ఉంటే.. తలా కొన్ని ఓట్లు షేర్ చేసుకునే వీలుండేది. దీన్ని వల్ల ఫేక్ ఓటింగ్ విపరీతంగా పెరిగిపోయి.. ఓటింగ్‌లో కూడా స్పష్ఠమైన రిజల్ట్ రాకపోవడంతో సీజన్ 7 నుంచి ఈ పదేసి ఓట్లు వేసే ప్రాసెస్‌కి స్వస్తి పలికి.. ఒక్కో యూజర్ ఒక్కో ఓటు వేయడానికి మాత్రమే పరిమితం చేశారు. ఇక ఈ సీజన్ విషయానికి వస్తే.. హాట్ స్టార్ యాప్‌లోకి వెళ్లి ఓటు వేసేవాళ్లు గ్రామీణ ప్రాంతాల్లో చాలా తక్కువగా ఉండటంతో.. మిస్డ్ కాల్డ్ కాల్‌ ద్వారా ఎక్కువ ఓట్లు నమోదు అవుతున్నాయి. కాగా.. బిగ్ బాస్ సీజన్ 9 విన్నర్‌ని తేల్చే ఓటింగ్‌లో ఈ మిస్డ్ కాల్ ఓటింగ్ కీలకంగా మారడంతో.. ఏ కంటెస్టెంట్‌కి ఏ నెంబర్ కేటాయించారో చూద్దాం. ��కళ్యాణ్ పడాల �� 8886650455 ����తనూజ �� 8886650464 ����ఇమ్మానుయేల్ �� 8886650452����డెమాన్ పవన్ �� 8886650451����సంజనా �� 8886650460�� పై నెంబర్లకు మిస్డ్ కాల్ ఇచ్చి తమ ఓటుని నమోదు చేయొచ్చు. టోటల్‌గా హాట్ స్టార్, మిస్డ్ కాల్ ఓటింగ్ మొత్తాన్ని లెక్కించి విన్నర్‌‌ని ప్రకటిస్తుంటారు. మిస్డ్ కాల్ ఓటింగ్‌లో సమస్యలు..గతంలో ఈ మిస్డ్ కాల్ ఓటింగ్‌‌లో చాలా సమస్యలు వచ్చేవి. బిగ్ బాస్ టీం ఎవర్ని అయితే విన్నర్‌ని చేయాలని అనుకుంటారో.. కేవలం వాళ్ల నెంబర్ మాత్రమే పనికొచ్చేట్టు చేసి.. మిగిలిన నెంబర్‌లను హోల్డ్‌లో పెట్టేవారనే విమర్శలు వచ్చాయి. ఎన్నిసార్లు మిస్డ్ కాల్ ఇచ్చినా కూడా కూడా.. ఆ నెంబర్ కనెక్ట్ అయ్యేది కాదు. బిజీ అని వచ్చేది. అయితే ఎక్కువ మంది ఒకే టైమ్‌లో ఒకే నెంబర్‌కి మిస్డ్ కాల్ చేయడం ద్వారా కూడా ఇలాంటి టెక్నికల్ సమస్యలు వస్తుంటాయి.