గత కొద్ది కాలంగా రాజకీయాల్లో చాలా చురుగ్గా ఉంటున్నారు. కుటుంబం, బీఆర్ఎస్ పార్టీ నుంచి బయట వచ్చి.. ఆ పార్టీ నాయకులపై తీవ్రంగా విమర్శలు చేస్తూ సంచలనం సృష్టిస్తున్నారు. మరోవైపు అధికార పక్షంపై కూడా విమర్శలు గుప్పిస్తున్నారు. ఈ నేపథ్యంలో కవిత సొంతంగా పార్టీ పెట్టే అవకాశాలు ఉన్నట్లు ప్రచారం జరుగుతోంది. ఈ క్రమంలో కవిత కీలక ప్రకటన చేశారు. 2029లో తాను ఎన్నికల్లో పోటీ చేస్తున్నట్లు వెల్లడించారు. సోమవారం సాయంత్రం 4 గంటల నుండి 5 గంటల వరకు ఎక్స్ వేదికగా ఆస్క్ కవిత పేరుతో క్వశ్చన్ అవర్ నిర్వహించిన సందర్భంగా కవిత ఈ మేరకు వ్యాఖ్యలు చేశారు. ఈ క్రమంలో "మీ కొత్త పార్టీ పేరు ఏంటి?" అని ఓ నెటిజన్ అడగగా.. ఆ పేరు ఎలా ఉండాలో చెప్పాలంటూ కవిత బదులిచ్చారు. కాగా, భారత్ వందో స్వాతంత్ర్య దినోత్సవం జరుపుకునే 2047 నాటికి మీ విజన్, మిషన్ ఏంటి అని నెటిజన్ అడిగాడు. దీనికి బదులిస్తూ.. నాణ్యమైన ఉచిత విద్య, నాణ్యమైన ఉచిత వైద్యం అందించడమే తన విజన్, తన మిషన్ అని కవిత పేర్కొన్నారు. ఇక తెలంగాణ జాగృతి కార్యక్రమాలు నగరాలకే ఎందుకు పరిమితమయ్యాయని అడిగిన ప్రశ్నకు.. త్వరలో జాగృతిని గ్రామాలకు విస్తరిస్తానని ప్రతి గ్రామంలో కమిటీలు ఏర్పాటు చేస్తామని చెప్పారు. తమిళనాడులో జయలలిత ఎలా స్వతంత్ర నాయకత్వంతో ప్రజల విశ్వాసం సంపాదించారో, అలాగే మీరు కూడా ముఖ్యమంత్రి అయితే ప్రజలకు అంకితమైన బలమైన నాయకత్వం అందిస్తారని ఆశిస్తున్నామని అన్న ఓ నెటిజన్‌ పోస్టుకు సానుకూలంగా స్పందించారు కవిత. అంతేకాకుండా దీంతో 2029లో కవిత సీఎం అభ్యర్థిగా బరిలోకి దిగుతున్నారంటూ జోరుగా ప్రచారం జరుగుతోంది. కవిత సమాధానం చెప్పిన మరికొన్ని ప్రశ్నలు..ప్రశ్న: హైదరాబాద్ ఈస్ట్‌ ప్రాంతాన్ని ప్రభుత్వం ఎందుకు పట్టించుకోవట్లేదు, పశ్చిమ ప్రాంతంపైనే పెట్టుబడులు, మౌలిక సదుపాయాలు ఎందుకు తీసుకెళ్తున్నారు?కవిత: సర్వతోముఖాభివృద్ధి, సమానమైన అభివృద్ధి అనేది ఏ ప్రభుత్వానికైనా ప్రధాన లక్ష్యంగా ఉండాలి. హైదరాబాద్ తూర్పు ప్రాంతానికి తక్కువ ప్రాధాన్యత ఇస్తున్నారనే విషయంతో నేను ఏకీభవిస్తున్నాను.ప్రశ్న: 2018-19 ఎన్నికల సమయంలో మా ఇంటికి వచ్చి మా సమస్యను తీర్చుతామని హామీ ఇచ్చారు. ఇంతవరకు అది నెరవేరలేదు. మిమ్మల్ని ఎవరైనా ఎందుకు నమ్మాలి?కవిత: మీ సమస్యను తీర్చలేకపోతే దానికి నేను క్షమాపణలు చెబతున్నాను. ఇప్పటికీ నేను చేయగలిగింది ఏమైనా ఉంటే వివరాలు పంపించండి. ప్రశ్న: రామ్ చరణ్‌పై మీ అభిప్రాయం ఏమిటి?కవిత: వ్యక్తిగతంగా వినమ్రుడు. గొప్ప డ్యాన్సర్. కానీ నేను చిరంజీవి అభిమానిని. అందుకే చిరంజీవి గారి కంటే రామ్ చరణ్ గొప్ప కాదు.ప్రశ్న: తెలంగాణ అభివృద్ధిపై మీ విజన్? మీరు ఏ జాతీయ పార్టీ వైపు ఉన్నారు? కవిత: సామాజిక తెలంగాణ నా లక్ష్యం. మహిళలు, యువతకు వారు కోరుకున్న రంగంలో అవకాశాలు కల్పించేందుకు పని చేస్తా.ప్రశ్న: ఆసరా, చేయూత పెన్షన్ల పంపిణీలో విషయంలో ప్రభుత్వంపై ఒత్తిడి తెండి?కవిత: జాగృతి జనం బాట పర్యటనలో చాలా సమస్యలు చూసాను. ప్రభుత్వం ప్రజలకు కనీస సౌకర్యాలు కూడా కల్పించడం లేదు. ప్రశ్న: జాగృతి సభ్యుత్వ నమోదు కార్యక్రమంలో ప్రారంభించండి.కవిత: ప్రణాళిక సిద్ధంగా ఉంది. త్వరలో తేదీలు ప్రకటిస్తాం. ప్రశ్న: రేవంత్ రెడ్డి ప్రభుత్వంపై అభిప్రాయం?కవిత: హామీలు ఇవ్వడంలో విఫలం అయ్యింది. ప్రజలు ప్రభుత్వంపై చాలా అసంతృప్తితో ఉన్నారు. తెలంగాణ రైతుల ఆత్యహత్యలను అరికట్టడంలో ప్రభుత్వం విఫలమైంది. ప్రభుత్వ నిర్లక్ష్యమే దీనికి కారణం. ఉద్యోగాల కల్పనకే నేను అధిక ప్రాధాన్యం ఇస్తాను.