ایک طرف کانگریس ’اراولی پہاڑی سلسلہ‘ کو مودی حکومت کی نئی تعریف سے بچانے کے لیے کوشاں ہے، دوسری طرف کانگریس سے منسلک مختلف تنظیموں نے سڑکوں پر نکل کر ’نئی تعریف‘ کے خلاف آواز بلند کرنی بھی شروع کر دی ہے۔ انڈین یوتھ کانگریس نے تو 7 جنوری سے 20 جنوری تک ’اراولی ستیاگرہ یاترا‘ نکالنے کا اعلان بھی کیا ہے، جس میں لوگوں کی زبردست بھیڑ ہونے کی امید ظاہر کی جا رہی ہے۔ بڑی تعداد میں سماجی شخصیات اس یاترا میں شرکت کر سکتے ہیں، کیونکہ یہ سیاست سے ہٹ کر ماحولیات کو بچانے کی جنگ ہے۔'अगर अरावली के पहाड़ खत्म हो गए, तो आने वाली पीढ़ियां हमें कभी माफ नहीं करेंगी'अरावली सिर्फ पहाड़ नहीं- हमारी जीवन रेखा है। ये हमारी सांस्कृतिक धरोहर का प्रतीक है, जिसे मोदी सरकार तबाह करने पर तुली है।आज सरकार की इस साजिश के खिलाफ @NSUIRajasthan ने 'अरावली बचाओ मार्च' निकालकर… pic.twitter.com/uZtdL9tlc6— Congress (@INCIndia) December 26, 2025اس درمیان این ایس یو آئی راجستھان نے آج جئے پور میں ’اراؤلی بچاؤ مارچ‘ نکالا، جس میں لوگوں کی بڑی تعداد جمع ہوئی۔ اس کی ایک ویڈیو کانگریس نے اپنے ’ایکس‘ ہینڈل پر شیئر کی ہے، جس میں کانگریس جنرل سکریٹری اور ٹونک سے رکن اسمبلی سچن پائلٹ میڈیا سے بات کرتے ہوئے نظر آ رہے ہیں۔ سچن پائلٹ کہتے ہیں کہ ’’100 میٹر کی تعریف دے کر حکومت نے یہ واضح کر دیا کہ 90 فیصد پہاڑی غیر محفوظ ہو جائیں گے۔ حکومت کہتی ہے کہ ہم نے کانکنی پر پابندی لگائی ہے، لیکن غیر قانونی کانکنی پر روک کون لگائے گا۔‘‘ وہ مزید کہتے ہیں کہ ’’اراولی پہاڑ گجرات، راجستھان، ہریانہ، دہلی میں موجود ہے اور ان چاروں ریاستوں میں بی جے پی کی حکومت ہے۔ اب ان کو یہ قدم اٹھانا ہوگا کہ عدالت میں جائیں اور معاملے پر از سر نو غور کرنے کی درخواست کریں۔‘‘سچن پائلٹ کا کہنا ہے کہ اگر زیر زمین پانی کی سطح، ماحولیات، جنگل، جانور، پرندے غیر محفوظ ہو جائیں گے تو آنے والی نسل ہمیں کبھی معاف نہیں کرے گی۔ وہ یہ بھی بتاتے ہیں کہ راجستھان میں ریگستا کا جو پھیلاؤ ہے، اراولی پہاڑی سلسلہ نہیں ہوتا تو یہ دہلی تک پہنچ جاتا۔ آج دہلی میں جو فضائی آلودگی دیکھنے کو مل رہی ہے، اراولی کی غیر موجودگی میں حالات مزید بدتر ہو جاتے۔अरावली सत्याग्रह ✊अरावली की रक्षा के लिए हमारे साथ आएं। #AravalliSatyagraha यात्रा के जरिए अरावली को बचाने के लिए कदम बढ़ाएं।pic.twitter.com/CqI04Sw7wV— Congress (@INCIndia) December 26, 2025اس ویڈیو کے ساتھ کانگریس نے اراولی کو بچانے کا عزم بھی ظاہر کیا ہے۔ کانگریس نے لکھا ہے کہ ’’اگر اراولی کے پہاڑ ختم ہو گئے، تو آنے والی نسلیں ہمیں کبھی معاف نہیں کریں گی۔ اراولی صرف پہاڑ نہیں، ہمارے لیے لائف لائن ہے۔ یہ ہماری ثقافتی وراثت کی علامت ہے، جسے مودی حکومت تباہ کرنے پر آمادہ ہے۔‘‘ پارٹی نے یہ بھی کہا کہ ’’حکومت لاکھ کوشش کر لے، ہم کسی بھی قیمت پر اراولی کو مرنے نہیں دیں گے۔ اس تاناشاہ حکومت کو جھکنا ہی پڑے گا۔‘‘BJP सरकार ने पहले हमारे देश की संस्कृति को प्रदूषित किया और अब वो हमारे पर्यावरण को भी प्रदूषित करने की तैयारी में है।अरावली- महज पहाड़ नहीं हैं, ये उत्तर भारत को सुरक्षा देते हैं।अरावली की पहाड़ियां वाटर लेवल, प्रदूषण, टेंपरेचर कंट्रोल करने के साथ ही 'डेजर्ट' को रोकने का काम… pic.twitter.com/iXxTPUkrOo— Congress (@INCIndia) December 26, 2025قابل ذکر ہے کہ آج ہی انڈین یوتھ کانگریس کے قومی صدر اودے بھانو چب نے ایک پریس کانفرنس میں ’اراولی ستیاگرہ یاترا‘ نکالنے کا اعلان کیا ہے۔ پریس کانفرنس سے خطاب کرتے ہوئے انھوں نے کہا کہ ’’بی جے پی حکومت نے پہلے ہمارے ملک کی ثقافت کو آلودہ کیا اور اب وہ ہمارے ماحولیات کو آلودہ کرنے پر آمادہ ہیں۔‘‘ وہ مزید کہتے ہیں کہ ’’اراولی محض پہاڑ نہیں ہے، یہ شمالی ہند کو حفاظت فراہم کرتا ہے۔ اراولی کی پہاڑیاں پانی کی سطح، آلودگی، درجہ حرارت کو کنٹرول کرنے کے ساتھ ساتھ ’ریگستان‘ کو روکنے کا کام بھی کرتی ہیں۔ ساتھ ہی یہ گزشتہ کئی سالوں سے ہماری ثقافت کو سنبھال کر رکھے ہوئی ہیں۔‘‘ انھوں نے بتایا کہ سپریم کورٹ 1995 میں کہا تھا کہ اراولی رینج میں کانکنی غیر قانونی ہے، لیکن سپریم کورٹ نے اب کہا ہے کہ جو پہاڑ 100 میٹر سے کم ہوں گے، وہ اراولی میں شمار نہیں ہوں گے۔ حقیقت یہ ہے کہ اراولی پہاڑی سلسلہ کے 90 فیصد پہاڑ 100 میٹر سے کم اونچائی والے ہیں۔ یہی وجہ ہے کہ ہم اراولی کی ’نئی تعریف‘ کے خلاف محاذ آرائی کر رہے ہیں۔