پیر کو علی الصبح جب زیادہ تر مسافر گہری نیند میں تھے، اسی وقت ریل کا ایک سفر بھیانک حادثے میں بدل گیا۔ آندپھرا پردیش کے اناکاپلی ضلع میں دوڑ رہی ٹاٹا۔ارناکلم ایکسپریس اچانک آگ کے شعلوں میں گھر گئی۔ کچھ ہی منٹوں میں ٹرین میں افراتفری مچ گئی، کوچ میں دھواں بھر گیا اور ایک بزرگ کی موت ہوگئی۔دی برننگ ٹرین: فلک نما ایکسپریس کے 3 ڈبے جل کر خاک، ویڈیو میں ہر طرف دھواں ہی دھواںخبروں کے مطابق یہ ٹرین صبح تقریباً 1بج کر 30 منٹ پر ڈووارا اسٹیشن سےگزر چکی تھی۔تبھی پینٹری کار کے پاس واقع دو ایئر کنڈیشن کوچوں بی 1 اور ایم2 میں اچانک آگ کے شعلے اُٹھنے لگے۔ پہلے ہلکی چنگاریاں نظر آئیں اور پھر دیکھتے ہی دیکھتے ہی آگ نے خطرناک شکل اختیار کرلی۔ ٹرین کے کوچوں کے اندر سورہے مسافروں کو کچھ سمجھ آتا، اس سے پہلے دھواں پورے کوچ میں پھیل چکا تھا۔دونوں اے سی کوچ پوری طرح جل گئے ہیں۔ آگ لگتے ہی ٹرین میں افراتفری مچ گئی۔ آتشزدگی کی اطلاع فوری طورپر لوکو پائلٹ کو دی گئی جس نے ٹرین کو فوری طور پر روک دیا اور اس میں پھنسے ہوئے کو نکالنے کے ساتھ ہی آگ کو قابو کرنے کی کوششیں شروع کردی گئیں۔ بتایا جارہا ہے کہ مسافروں کو ٹرین سے باہرنکالنے کے دوران بوگی سے ایک لاش ملی ہے۔ اناکاپلی کے پولیس سپرنٹنڈنٹ توہین سنہا نے اس کی تصدیق کی ہے۔ متوفی کی شناخت ابھی نہیں ہو سکی ہے۔ جبکہ ٹرین میں آگ لگنے کی وجوہات کی جانچ کی جارہی ہے۔