: భారత దేశానికి ప్రతి సంవత్సరం టన్నుల కొద్ది బంగారం దిగుమతి అవుతుంటుంది. ఏడాది పొడవునా కొనుగోళ్లు జరుగుతూనే ఉంటాయి. భారతీయులకు బంగారం అంటే అంత ఇష్టం మరి. వందల సంవత్సరాల నుంచి బంగారు ఆభరణాలు ధరించే సంప్రదాయం కొనసాగుతూ వస్తోంది. ఇక ఇటీవలి కాలంలో బంగారంపై పెట్టుబడులు పెట్టే వారి సంఖ్య భారీగా పెరిగింది. అయితే, ఈ 2025లో ఆకాశమే హద్దుగా పెరుగుతున్నాయి. ధరలు పెరిగేందుకు ఎన్నో కారణాలు ఉన్నాయి. ముఖ్యంగా అమెరికా సుంకాలు, ఫెడరల్ రిజర్వ్ వడ్డీ రేట్ల నిర్ణయాలు, ప్రపంచ దేశాల మధ్య వాణిజ్య యుద్ధాలు, భౌగోళిక రాజకీయ అంశాలు బంగారం, లపై ప్రభావం చూపిస్తున్నాయి. ఫెడ్ వడ్డీ రేట్లను మరోసారి తగ్గిస్తుందన్న అంచనాలతో గత వారం రోజులుగా బంగారం ధరలు భారీగా పెరిగిన సంగతి తెలిసిందే. హైదరాబాద్ మార్కెట్లో డిసెంబర్ 29వ తేదీన గోల్డ్, సిల్వర్ రేట్లు ఎలా ఉన్నాయో తెలుసుకుందాం. అంతర్జాతీయ మార్కెట్లో పసిడి ధరలు ఈరోజు తగ్గాయి. స్పాట్ గోల్డ్ రేటు ఔన్సుకు ఏకంగా 18 డాలర్లకు పైగా పడిపోయింది. 0.41 శాతం మేర తగ్గడంతో స్పాట్ గోల్డ్ ధర ఔన్సుకు 4501 డాలర్ల వద్దకు దిగివచ్చింది. ఇక వెండి రేటు స్థిరంగా కొనసాగుతోంది. స్పాట్ సిల్వర్ రేటు ఔన్సుకు 76.88 డాలర్ల వద్ద ట్రేడవుతోంది. హైదరాబాద్‌లో బంగారం ధరలు24 క్యారెట్ల బంగారం రేటు గత వారం రోజులుగా తులంపై ఏకంగా రూ. 7040 పెరిగింది. అయితే, వారం తర్వాత ఈరోజు స్వల్ప ఊరట లభించింది. 24 క్యారెట్ల గోల్డ్ రేటు 10 గ్రాములకు రూ. 1,41,220 వద్ద స్థిరంగా ట్రేడవుతోంది. ఇక 22 క్యారెట్ల ఆభరణాల గోల్డ్ రేటు 10 గ్రాములకు ఈరోజు రూ.1,29, 450 వద్ద అమ్ముడవుతోంది. స్థిరంగానే వెండి ధరహైదరాబాద్ మార్కెట్లో వెండి రేటు సైతం ఈరోజు స్థిరంగానే ఉంది. క్రితం రోజు కిలోపై రూ.20 వేలు పెరిగి ఆల్ టైమ్ హై స్థాయిని తాకిన వెండి ఈరోజు అదే ధర వద్ద ట్రేడవుతోంది. ప్రస్తుతం కిలో వెండి రేటు హైదరాబాద్ మార్కెట్లో రూ.2,74,000 వద్ద ట్రేడవుతోంది. పైన పేర్కొన్న బంగారం, వెండి ధరలు డిసెంబర్ 29వ తేదీ సోమవారం రోజు ఉదయం 7 గంటల సమయానికి ఉన్నవి. అయితే, బులియన్ మార్కెట్లో ధరలు మధ్యాహ్నానికి మారుతుంటాయి. ప్రాంతాలను బట్టి వేరు వేరుగా ఉంటాయి. కొనే ముందే స్థానిక రేట్లను తెలుసుకోవడం మంచిది.