2025 సంవత్సరం ముగింపు దశకు చేరుకుంది. ఈ ఏడాది క్రికెట్ ప్రపంచంలో యువ క్రికెటర్లు అద్భుత ప్రదర్శన కనబర్చారు. అన్ని ఫార్మాట్లలో అద్భుతంగా రాణించి ఫస్ట్ ప్లేస్ కోసం ప్రయత్నించాడు. అయితే చివరికి షాయ్ హోప్.. గిల్‌ను అధిగమించి అగ్రస్థానానికి చేరుకున్నాడు. ఇలాగే ఈ సంవత్సరం బ్యాటింగ్‌ విభాగంలో తమదైన ముద్ర వేసిన టాప్ 5 ఆటగాళ్ల గురించి ఇప్పుడు తెలుసుకుందాం. గిల్.. ఫస్ట్‌ ప్లేస్ మిస్.. 2025లో అత్యధిక పరుగులు చేసిన ఆటగాడి రేసు చాలా ఉత్కంఠభరితంగా సాగింది. దాదాపు పది నెలల పాటు శుభ్‌మన్ గిల్ అగ్రస్థానంలో ఉన్నాడు. దీంతో ఈ సంవత్సరం అత్యధిక పరుగులు చేసిన ఆటగాడిగా శుభ్‌మన్ గిల్ నిలుస్తాడని చాలామంది భావించారు. ఇంగ్లాండ్‌లో జరిగిన టెస్ట్ సిరీస్‌లో అతను 754 పరుగులు సాధించాడు. ఇక కెప్టెన్‌గా తన మొదటి డబుల్ సెంచరీ (269) కూడా పూర్తి చేసుకున్నాడు ఈ యంగ్ బ్యాటర్. దీంతో మొత్తంగా ఈ ఏడాది 1736 పరుగులు సాధించాడు. అనూహ్యంగా షాయ్ హోప్.. కాగా, గిల్ కలలను .. తారుమారు చేశాడు. డిసెంబర్‌లో న్యూజిలాండ్‌తో జరిగిన సిరీస్‌లో అద్భుతమైన ప్రదర్శన చేసి పుంజుకున్నాడు. ఫలితంగా స్వల్ప తేడాతో గిల్‌ను అధిగమించి అగ్రస్థానాన్ని కైవసం చేసుకున్నాడు. టాప్ ఆటగాళ్లలో అత్యధికంగా 50 ఇన్నింగ్స్‌లు ఆడాడు హోప్. మొత్తం 1,760 పరుగులు సాధించాడు.జో రూట్మరోవైపు, ఈ ఏడాది అత్యధిక పరుగులు సాధించిన ప్లేయర్ల జాబితా లో ఇంగ్లాండ్ క్రికెటర్ జో రూట్ మూడో స్థానంలో ఉన్నాడు. ఈ లిస్ట్‌లో ఉన్న మిగతా ఆటగాళ్ల కంటే తక్కువ మ్యాచ్‌లు (24) ఆడినప్పటికీ.. జో రూట్ అత్యధిక సగటు (57.07) సాధించాడు. 2025లో అత్యధిక సెంచరీలు (7) సాధించిన ఆటగాళ్ల జాబితాలో గిల్‌తో సమానంగా జో రూట్ నిలిచాడు. ఈ ఏడాది అన్ని ఫార్మాట్లలో కలిపి మొత్తంగా 1598 పరుగులు చేశాడు. బ్రియాన్ బెన్నెట్ఈ ఏడాది జింబాబ్వేకు చెందిన బ్రియాన్ బెన్నెట్ అందరినీ ఆశ్చర్యానికి గురి చేశాడు. 109.31 స్ట్రైక్ రేట్‌తో 1,585 పరుగులు సాధించిన బెన్నెట్.. అసోసియేట్ దేశాల ఆటగాళ్లు కూడా ఇలాంటి రికార్డులు నెలకొల్పగలరని నిరూపించాడు. కాగా, అతను బాదిన 206 ఫోర్లు.. ప్రపంచంలోనే రెండో అత్యధికం కావడం గమనార్హం. ఆఘా సల్మాన్పాకిస్తాన్ టాప్ ఆర్డర్ బ్యాటింగ్ విమర్శలను ఎదుర్కొన్నప్పటికీ.. ఆఘా సల్మాన్ స్థిరమైన ప్రదర్శన కనబరిచాడు. ఈ ఏడాది మొత్తంగా 56 మ్యాచ్‌లు ఆడిన సల్మాన్ ఆఘా.. అన్ని ఫార్మాట్లలో మిడిల్ ఆర్డర్‌కు అండగా నిలిచాడు. 2025 చివరి నాటికి 1,569 పరుగులు (11 సార్లు 50కి పైగా స్కోర్లు) సాధించడం విశేషం.