تہران(28 دسمبر 2025): ایرانی صدر مسعود پزشکیان نے کہا ہے کہ ایران، امریکا، اسرائیل اور یورپی ممالک کے ساتھ مکمل جنگ کی حالت میں ہے۔ایک انٹرویو میں ایرانی صدر مسعود پزشکیان نے کہا ہے کہ ایران، امریکا، اسرائیل اور یورپی ممالک کے ساتھ مکمل جنگ کی حالت میں ہے، تاہم ایران فوجی طور پر اب پہلے سے کہیں زیادہ طاقتور ہو چکا ہے۔صدر پزشکیان کا کہنا تھا کہ امریکا، اسرائیل اور یورپ ایران کو کمزور کرنا چاہتے ہیں اور ملک میں اندرونی انتشار پیدا کرکے دوبارہ حملے کی راہ ہموار کرنا چاہتے ہیں۔انہوں نے مزید کہا کہ یہ جنگ ایران اور عراق کی جنگ سے بھی زیادہ پیچیدہ اور دشوار ہے۔یاد رہے کہ صدر کا یہ بیان ایسے موقع پر سامنے آیا ہے جب آئندہ پیر کو اسرائیلی وزیراعظم کی واشنگٹن میں امریکی صدر سے ملاقات متوقع ہے، جس میں ایران کے معاملے پر بھی تبادلہ خیال ہونے کا امکان ہے۔رواں سال جون میں 12 روزہ فضائی جنگ کے دوران اسرائیلی اور امریکی حملوں میں تقریباً 1100 ایرانی شہری شہید ہوئے تھے، جن میں سینئر فوجی کمانڈرز اور جوہری سائنسدان بھی شامل تھے۔اس کے جواب میں ایران کے میزائل حملوں سے اسرائیل میں 28 افراد ہلاک ہوئے تھے۔