کانگریس کے یومِ تاسیس کے موقع پر لوک سبھا میں قائد حزب اختلاف، سابق صدر اور رکن پارلیمان راہل گاندھی نے سوشل میڈیا پلیٹ فارم ایکس پر ایک جذباتی پیغام جاری کیا۔ اپنے پیغام میں انہوں نے انڈین نیشنل کانگریس کے 140 سالہ طویل سفر، تاریخی کردار اور بنیادی نظریات کو یاد کرتے ہوئے ملک بھر کے کانگریس کارکنان کو مبارک باد پیش کی۔راہل گاندھی نے اپنے پیغام میں کہا کہ کانگریس کے یومِ تاسیس پر ہر کانگریس کارکن کو دلی مبارک باد۔ انہوں نے آزادی کی جدوجہد میں حصہ لینے والے تمام عظیم مجاہدینِ آزادی اور قربانی دینے والوں کو خراجِ عقیدت پیش کیا، جن کی انتھک جدوجہد کے نتیجے میں ہندوستان ایک آزاد ملک بنا اور آئین کی مضبوط بنیاد رکھی گئی۔ ان کا کہنا تھا کہ کانگریس نے جمہوریت، سیکولرازم، سماجی انصاف اور مساوات جیسے اقدار کو مستحکم کرنے میں فیصلہ کن اور تاریخی کردار ادا کیا ہے۔راہل گاندھی نے کانگریس کو محض ایک سیاسی جماعت قرار دینے کے بجائے ’ہندوستان کی روح کی آواز‘ بتایا۔ انہوں نے کہا کہ کانگریس ہمیشہ سماج کے کمزور، محروم اور محنت کش طبقات کے ساتھ کھڑی رہی ہے اور مستقبل میں بھی ان کے حقوق کے تحفظ کے لیے پوری قوت کے ساتھ جدوجہد جاری رکھے گی۔ ان کے مطابق کانگریس کی سیاست کا محور اقتدار نہیں بلکہ عوامی مفاد، انصاف اور آئینی اقدار کا دفاع ہے۔راہل گاندھی کی ویشیہ سماج کے وفد سے ملاقات، تاجروں نے اجارہ داری اور غلط پالیسیوں سے کاروبار کی تباہی کا درد بیان کیاانہوں نے واضح کیا کہ نفرت، ناانصافی اور آمریت کے خلاف کانگریس کی لڑائی سچائی، حوصلے اور آئین کی پاسداری کے ساتھ مزید مضبوط ہوگی۔ راہل گاندھی نے کہا کہ یہ جدوجہد کسی کرسی یا طاقت کے لیے نہیں بلکہ ملک کے جمہوری ڈھانچے، آئینی روح اور عوامی آزادیوں کو محفوظ رکھنے کے لیے ہے۔ ان کا کہنا تھا کہ کانگریس کی روایت اختلافِ رائے کے احترام اور سب کے لیے مساوی مواقع کی ضمانت سے جڑی رہی ہے۔منریگا پر ضرب حقوق، ریاستی ڈھانچے اور دیہی معیشت پر براہ راست حملہ، پریس کانفرنس میں راہل گاندھی کا بیانआज भारतीय राष्ट्रीय कांग्रेस के स्थापना दिवस पर हर कांग्रेसजन को हार्दिक शुभकामनाएं।हम उस ऐतिहासिक विरासत और उन महान बलिदानियों को नमन करते हैं जिन्होंने भारत को आज़ादी दिलाई, संविधान की नींव रखी और लोकतंत्र, धर्मनिरपेक्षता, सामाजिक न्याय व समानता के मूल्यों को मजबूत किया।… pic.twitter.com/fbHJZjdxmj— Rahul Gandhi (@RahulGandhi) December 28, 2025راہل گاندھی نے ’جے ہند، جے کانگریس‘ کے نعرے کے ساتھ کارکنان میں یکجہتی، عزم اور جوش پیدا کرنے کی اپیل کی۔ یومِ تاسیس کے موقع پر ان کا یہ پیغام کانگریس کی نظریاتی بنیاد، تاریخی تسلسل اور مستقبل کی سمت کو نمایاں کرتا ہے اور اس بات کی یاد دہانی کراتا ہے کہ پارٹی خود کو ہندوستان کے جمہوری اور آئینی اقدار کی محافظ سمجھتی ہے۔