: ప్రముఖ బీమా రంగ సంస్థ () ఇన్వెస్టర్ల కోసం ఒక సరికొత్త పెట్టుబడి అవకాశాన్ని అందుబాటులోకి తెచ్చింది. సెక్టార్ లీడర్స్ ఇండెక్స్ ఫండ్ పేరుతో కొత్త ను ప్రారంభించినట్లు సంస్థ ప్రకటించింది. వివిధ రంగాలలో అగ్రగామిగా ఉన్న కంపెనీల వృద్ధి నుంచి లాభాలను పొందేందుకు ఈ ఫండ్ ఇన్వెస్టర్లకు అవకాశం కల్పిస్తుందని తెలిపింది. మరి ఈ సెక్టార్ లీడర్స్ ఇండెక్స్ ఫండ్ అంటే ఏంటి అనే వివరాలు తెలుసుకునే ప్రయత్నం చేద్దాం. (Nifty Sector Leaders Index)ను అనుసరిస్తుంది. అంటే, ఈ సూచీలో ఉన్న కంపెనీల పనితీరు ఆధారంగానే ఈ ఫండ్ రాబడులు ఉంటాయి. తమ తమ రంగాలలో బ్యాంకింగ్, ఐటీ, ఆటో మొబైల్, ఫార్మా మొదలైనవి అత్యధిక మార్కెట్ వాటా కలిగి ఉండి, ఆధిపత్యాన్ని ప్రదర్శించే కంపెనీలలో ఈ స్కీమ్ పెట్టుబడులు పెడుతుంది. ఇది ఒక ఓపెన్-ఎండెడ్ ఫండ్, దీనిని ఇన్వెస్టర్లకు దీర్ఘకాలిక మూలధన వృద్ధిని అందించే లక్ష్యంతో రూపొందించారు. ఈ ఫండ్ ప్రత్యేకతలు ఇవే..మార్కెట్ లీడర్లపై దృష్టి పెట్టనుంది. ఏ రంగంలోనైనా అగ్రస్థానంలో ఉన్న కంపెనీలకు బలమైన ఆర్థిక స్థితిగతులు, మెరుగైన నిర్వహణ సామర్థ్యం ఉంటాయి. అటువంటి లీడర్ కంపెనీలలో పెట్టుబడి పెట్టడం వల్ల స్థిరమైన రాబడులకు అవకాశం ఉంటుంది. వైవిధ్యభరితమైన పెట్టుబడులు పెట్టనుంది. ఈ ఫండ్ ఒకే రంగానికి పరిమితం కాకుండా, వివిధ కీలక రంగాలలోని బహుళ కంపెనీలలో పెట్టుబడులను పంపిణీ చేస్తుంది. దీనివల్ల రిస్క్ తగ్గుతుంది. ఇందులో నిర్వహణ ఖర్చు సైతం తక్కువగానే ఉంటుంది. ఇండెక్స్ ఫండ్ కావడం వల్ల, ఇది పాసివ్ ఇన్వెస్టింగ్ పద్ధతిని అనుసరిస్తుంది. దీనివల్ల యాక్టివ్ ఫండ్లతో పోలిస్తే వీటి నిర్వహణ ఖర్చులు తక్కువగా ఉంటాయి, ఇది ఇన్వెస్టర్లకు అదనపు లాభాన్ని ఇస్తుంది.ఎవరికి అనుకూలం?దీర్ఘకాలిక ఆర్థిక లక్ష్యాల కోసం ఈక్విటీ మార్కెట్లలో పెట్టుబడి పెట్టాలనుకునే వారికి, ముఖ్యంగా రూల్ ఆధారిత విధానంతో అగ్రగామి కంపెనీల వృద్ధిలో భాగస్వాములు కావాలనుకునే వారికి ఈ ఫండ్ అనుకూలంగా ఉంటుంది. ఐసీఐసీఐ ప్రుడెన్షియల్ లైఫ్ ఇన్సూరెన్స్ యూనిట్ లింక్డ్ ఇన్సూరెన్స్ ప్లాన్స్ (ULIPs) ద్వారా ఇన్వెస్టర్లు ఈ సరికొత్త ఫండ్‌లో పెట్టుబడి పెట్టవచ్చు.అటువంటి కంపెనీల ద్వారా ఇన్వెస్టర్లకు సంపదను సృష్టించే అవకాశాన్ని కల్పించడమే ఈ కొత్త ఫండ్ ఉద్దేశం అని సంస్థ ప్రతినిధులు తెలిపారు. ఈ న్యూ ఫండ్ ఆఫర్‌లో కనీస పెట్టుబడి రూ.1000గా నిర్ణయించారు. ఆ తర్వాత ఎంతైనా ఇన్వెస్ట్ చేయవచ్చు. అయితే, ఈ ఎన్ఎఫ్ఓ సబ్‌స్క్రిప్షన్ తేదీలను వెల్లడించలేదు. పూర్తి వివరాలుకు ఐసీఐసీఐ ప్రుడెన్షియల్ అధికారిక వెబ్‌సైట్ చూడవచ్చు.