బిగ్‌బాస్ ఈరోజు ఎపిసోడ్‌కి సంబంధించిన మూడో ప్రోమోని వదిలారు. తీపి, చేదు జ్ఞాపకాల కలయికే జీవితం.. సో మీకు ఈ హౌస్‌లో అలాంటి చేదు జ్ఞాపకాన్ని ఇచ్చిన వాళ్లకి ఆ చేదు లడ్డు పెట్టి వాళ్లలో కావాలనుకుంటున్న మార్పు మీరు చెప్పాలి.. అని నాగార్జున అన్నారు. ముందుగా ఇమ్మానుయేల్ లేచి తాను ఈ లడ్డు తనూజకి ఇస్తా సార్.. అని చెప్పాడు. సెన్స్ ఆఫ్ క్లారిటీ ఒక్కోసారి మిస్ అవుతున్నట్లు అనిపిస్తుంది.. కొంచెం క్లారిటీగా ఉంటే బావుండని నా ఫీలింగ్ సార్.. అని ఇమ్మూ అభిప్రాయపడ్డాడు.తర్వాత భరణిని అడిగారు నాగార్జున. సార్ కంపల్‌సరీ తినిపించాలా.. అని భరణి డౌట్ అడిగాడు. ఏంటి ఇక్కడ కూడా సేఫ్ ఆడదాం అనుకుంటున్నావా.. అంటూ నాగార్జున సెటైర్ వేశారు. సేఫ్ కాదు సార్ ఇది సంజన గారికి ఇస్తా సార్.. నేను ఎన్నిసార్లు కన్విన్స్ చేసి దగ్గరవుదామనుకున్నా ఆడివ నాకు ఆ ఛాన్స్ ఇవ్వట్లేదు.. అని భరణి చెప్పాడు.ఇక తనూజ.. సార్ నేను ఈ లడ్డు కళ్యాణ్‌కి ఇస్తున్నాను అని చెప్పింది. తన గురించి నాకు ఒక క్లారిటీ ఉంది నా గురించి ఆయనకి ఒక క్లారిటీ ఉంది.. మా ఇద్దరి గురించి ఆడియన్స్‌కి ఒక క్లారిటీ ఉంది.. థర్డ్ పర్సన్ మాటలకి చెవి ఇవ్వొద్దని చెప్పాలనుకుంటున్నా సార్.. అంటూ తనూజ చెప్పుకొచ్చింది. ఇమ్మూ పవరాస్త్రా వాడాడా లేదా?ప్రోమో చివరిలో ఎలిమినేషన్ రౌండ్ చూపించారు. భరణి-రాము ఆడియన్స్ ఓటింగ్ ప్రకారం మీరు ఇద్దరూ బాటమ్‌లో ఉన్నారు.. ఇవాళ ఒకరు వెళ్లక తప్పదు.. ఈ హౌస్‌లో ఒకరి దగ్గర పవరాస్త్ర ఉంది.. ఆ పవరాస్త్రకి ఉన్న పవర్ ఉపయోగించి ఒకరిని సేవ్ చేసే అవకాశం కూడా ఉంది.. ఇమ్మానుయేల్ ఆ పవరాస్త్ర వాడుతున్నావా లేదా.. అని నాగార్జున అడిగారు.సార్ యూజ్ చేస్తాను.. అంటూ ఇమ్మానుయేల్ ఆన్సర్ ఇచ్చాడు. దీంతో అసలు ఎలిమినేషన్ జరిగిందా లేక పవరాస్త్ర యూజ్ చేసి ఇమ్మూ కాపాడాడా అని ఆడియన్స్ ఆలోచిస్తున్నారు. నిజానికి మనకి వచ్చిన సమాచారం ప్రకారం ఇమ్మూ పవరాస్త్ర యూజ్ చేయలేదని తెలుస్తుంది. మరి ప్రోమోలో అలా చూపిస్తున్నారంటే ఒకవేళ ముందు వాడతానని చెప్పి తర్వాత ఇమ్మూ ఏమైనా నిర్ణయం మార్చుకొని ఉండొచ్చు.లేకపోతే పవరాస్త్ర వాడి ఒకరిని సేవ్ చేసే ఛాన్స్ ఉందని నాగ్ చెప్పారు. కనుక అది యూజ్ చేసి ఇమ్మానుయేల్ రాముని ఏమైనా సేవ్ చేశాడా అని కూడా ఆడియన్స్ ఆలోచిస్తున్నారు. కానీ ఎలా చూసినా కూడా భరణి ఎలిమినేషన్ అయితే పూర్తయింది. అది ఎలాగా అనేది ఎపిసోడ్‌లో చూడాలి మరి.