بہار اسمبلی انتخاب کے لیے اب تقریباً سبھی پارٹیوں نے اپنے اپنے امیدواروں کا اعلان کر دیا ہے۔ پیر کے روز دوسرے مرحلہ کے لیے پرچۂ نامزدگی داخل کرنے کا آخری دن ہے، اور آر جے ڈی نے اس آخری دن سبھی 143 امیدواروں کی فہرست جاری کر دی۔ سیٹوں کی تقسیم کو لے کر مہاگٹھ بندھن میں طویل مدت تک گفت و شنید ہوتی رہی، اور اس درمیان کانگریس نے پہلے ہی 4 لسٹ جاری کر اپنے تقریباً 60 امیدواروں کا اعلان کیا تھا، لیکن آر جے ڈی نے آج ایک ساتھ اپنے 143 امیدواروں کا اعلان کیا۔ مہاگٹھ بندھن میں شامل دیگر چھوٹی پارٹیوں نے بھی اپنی اپنی لسٹ جاری کر حاصل سیٹوں پر امیدواروں کا اعلان کیا۔बिहार विधानसभा चुनाव-2025 के लिए राष्ट्रीय जनता दल द्वारा चयनित प्रत्याशियों की सूची।सभी उम्मीदवारों को हार्दिक बधाई एवं विजय की अग्रिम शुभकामनाएं। #Bihar #RJD pic.twitter.com/QI7ckgoIQ6— Rashtriya Janata Dal (@RJDforIndia) October 20, 2025آر جے ڈی کی لسٹ دیکھ کر اندازہ ہوتا ہے کہ سلطان گنج سیٹ سے کانگریس امیدوار کے خلاف آر جے ڈی نے بھی اپنا امیدوار اتار دیا ہے۔ اس سیٹ پر کانگریس نے للن یادو کو پہلے ہی ٹکٹ دے دیا تھا، لیکن اب آر جے ڈی نے یہاں سے چندن سنہا کو امیدوار بنانے کا اعلان کر سبھی کو حیران کر دیا ہے۔ مہاگٹھ بندھن میں سیٹوں کی تقسیم کو لے کر تنازعہ بھی دیکھنے کو ملا، جس کا نتیجہ ہے کہ تقریباً ایک درجن سیٹیں ایسی ہیں جہاں مہاگٹھ بندھن کے 2 امیدوار آمنے سامنے ہیں۔ حالانکہ ان سیٹوں پر مہاگٹھ بندھن کی پارٹیوں نے دوستانہ مقابلے کی بات کہی ہے، پھر بھی ووٹرس کے ذہن میں تذبذب پیدا ہونا لازمی ہے۔کانگریس نے جاری کی ’اے بی وی پی‘ کی بداعمالیوں کی ٹائم لائن، پیش کیں فحاشی اور زنا جیسے جرائم کی مثالیںاس سے قبل آج صبح کانگریس نے اپنے امیدواروں کی ایک تازہ لسٹ جاری کی جس میں 6 نام شامل کیے گئے ہیں۔ ان 6 ناموں میں 3 مسلم امیدوار ہیں۔ والمیکی نگر سے سریندر پرساد کشواہا، ارریہ سے عبیدالرحمن، امور سے جلیل مستان، براری سے توقیر عالم، کہلگاؤں سے پروین سنگھ کشواہا اور سکندرا سیٹ سے ونود چودھری کو ٹکٹ دیا گیا ہے۔ غور کرنے والی بات یہ ہے کہ کانگریس نے اس بار اسمبلی انتخاب میں کم و بیش 10 مسلم امیدواروں کو قسمت آزمائی کا موقع دیا ہے۔