مدھیہ پردیش کے چھندواڑا میں ’کف سیرپ‘ پینے سے بچوں کی موت کے معاملہ پر ریاست کی بی جے پی حکومت پر اپوزیشن کانگریس نے جم کر حملہ بولا ہے۔ کانگریس کے ریاستی صدر جیتو پٹواری نے کہا کہ ’’حکومت انتہائی بے حس ہے۔ جب تامل ناڈو نے کہا کہ سیرپ میں زہریلے کیمیکل ہیں، جن سے بچوں کی موت ہوئی تو حکومت نے اسے کلین چٹ کیوں دی؟‘‘ ساتھ ہی انہوں نے وزیر صحت سے استعفیٰ کا بھی مطالبہ کیا ہے۔#WATCH | Indore, Madhya Pradesh: On the deaths of children after consuming Coldrif Cough syrup, Madhya Pradesh Congress President Jitendra (Jitu) Patwari says, "The government is extremely insensitive. Even when Tamil Nadu said that the cough syrup contained certain elements that… pic.twitter.com/M1FpltXvCb— ANI (@ANI) October 5, 2025کانگریس لیڈر جیتو پٹواری کے مطابق حکومت انتہائی بے حس ہے، جب تامل ناڈو نے کہا کہ کف سیرپ میں کچھ ایسے عناصر تھے جو موت کی وجہ بن رہے تھے تب بھی حکومت اسے کلین چٹ دیتی رہی۔ اگر حکومت میں اخلاقیات کی تھوڑی سی بھی رمق باقی ہے تو اسے فوری طور پر وزیر صحت سے استعفیٰ کا مطالبہ کرنا چاہیے۔ کیا حکومت کو قتل کا لائسنس دے دیا گیا ہے؟ میرا ماننا ہے کہ وزیر صحت کو فوری طور پر عہدہ سے برخاست کر دینا چاہیے۔جیتو پٹواری کے علاوہ مدھیہ پردیش کے سابق وزیر اعلیٰ اور کانگریس کے سینئر لیڈر کمل ناتھ کا بھی ’کف سیرپ‘ معاملہ پر رد عمل سامنے آیا ہے۔ انہوں نے سوشل میڈیا پلیٹ فارم ’ایکس‘ پر لکھا کہ ’’چھندواڑا میں زہریلی کف سیرپ سے 11 معصوم بچوں کی موت ایک دل دہلا دینے والا اور المناک سانحہ ہے۔ کانگریس پارٹی مصیبت کی اس گھڑی میں ہر متاثرہ خاندان کے ساتھ کھڑی ہے۔‘‘छिन्दवाड़ा में ज़हरीली कफ़ सिरप से 11 मासूम बच्चों की मौत हृदयविदारक और भयावह त्रासदी है।कांग्रेस पार्टी इस भीषण दुख की घड़ी में हर पीड़ित परिवार के साथ खड़ी है।आज मेरी प्रदेश कांग्रेस अध्यक्ष श्री जीतू पटवारी जी से पूरे मामले पर विस्तार से चर्चा हुई है। वे कल छिन्दवाड़ा…— Kamal Nath (@OfficeOfKNath) October 5, 2025سابق وزیر اعلیٰ مزید کہتے ہیں کہ آج میری ریاستی کانگریس صدر جیتو پٹواری جی سے پورے معاملہ پر تفصیلی بات چیت ہوئی ہے۔ وہ کل چھندواڑا پہنچ کر سوگوار خاندانوں سے ملاقات کریں گے اور صورتحال کا جائزہ لیں گے۔ کمل ناتھ کا کہنا ہے کہ چھندواڑا ضلع کانگریس اکائی مسلسل متاثرہ خاندانوں کو انصاف دلانے کے لیے فعال ہے۔ ہم سب مل کر اس لڑائی کو انجام تک پہنچائیں گے۔ ساتھ ہی انہوں نے کہا کانگریس پارٹی چھندواڑا کے ان ننھے فرشتوں کو انصاف دلانے تک چین سے نہیں بیٹھے گی، جن کی زندگیاں حکومت کی لاپرواہی اور ڈرگ مافیا کی سازش کے سبب چلی گئیں۔