కేంద్ర పాలిత ప్రాంతమైన లఢక్‌లో ఇటీవల జరిగిన నిరసనలు హింసాత్మకంగా మారాయి. ఈ ఘటనలో నలుగురు ప్రాణాలు కోల్పోయారు. అనంతరం ఈ హింసకు కారణమయ్యారంటూ సెప్టెంబర్ 26న భద్రతా సంస్థలు.. సామాజిక కార్యకర్త, విషయం తెలిసిందే. ప్రస్తుతం ఆయన పోలీసుల నిర్భందంలో ఉన్నారు. అయితే ఆయన అరెస్టుపై సమాధానం ఇవ్వాలని కేంద్ర ప్రభుత్వానికి తాజాగా సుప్రీం కోర్టు నోటీసులు ఇచ్చింది. తన భర్తను విడుదల చేయాలంటూ దాఖలు చేసిన పిటిషన్‌పై విచారణ జరిపిన సుప్రీం.. ఈ మేరకు నోటీసులు ఇచ్చింది. అయితే ఎలాంటి మధ్యంతర ఉత్తర్వులు జారీ చేయలేదు. ఈ కేసులో తదుపరి విచారణను అక్టోబర్ 13న చేపట్టనున్నట్లు సుప్రీం తెలిపింది. జాతీయ భద్రతతో వాంగ్‌చుక్‌కు ఏం సంబంధం?అరెస్టై ప్రస్తుతం జోధ్‌పూర్ జైలులో ఉన్న వాంగ్‌చుక్‌ను విడుదల చేయాలని కోరుతూ ఆర్టికల్ 32 కింద గీతాంజలి ఆంగ్మో హెబియస్ కార్పస్ పిటిషన్ దాఖలు చేశారు. తన భర్తను నిర్భందించడం చట్టవిరుద్ధమని పిటిషన్‌లో పేర్కొన్నారు. అరెస్టుకు గల కారణాలేంటో వాంగ్‌చుక్‌కు గానీ, తనకు గానీ చెప్పలేదని అన్నారు. నిజానికి జాతీయ భద్రతతో తన వాంగ్‌చుక్‌కు ఎలాంటి సంబంధం లేదని గీతాంజలి చెప్పారు. గీతాంజలి తరఫు న్యాయవాది కపిల్ సిబల్ అరెస్టుకు సంబంధించిన కాపీలను అందిస్తేనే అరెస్ట్‌ను సవాలు చేయగలుగుతామని వాదించారు. ఇక ఆంగ్మోను ఇప్పటివరకు వాంగ్‌చుక్‌ను కలవనీయలేదని సిబల్ అన్నారు. అందుకే తన భర్తను కలవడానకి ఆంగ్మోకు అనుమతి ఇవ్వాలని సుప్రీం కోర్టును కోరారు. హైప్‌ క్రియేట్ చేయడానికే ఇదంతా చేస్తున్నారు..!పిటిషనర్ వాదనలకు భారత సొలిసిటర్ జనరల్ తుషార్ మెహతా స్పందించారు. వాంగ్‌చుక్‌కు నిర్బంధానికి గల కారణాలను ఇప్పటికే ఆయనకు చెప్పామన్నారు. ఇక వాంగ్‌చుక్‌ను అదుపులోకి తీసుకున్న తర్వాత ఆయన సోదరుడు కలిశారని చెప్పారు. అరెస్టుకు ముందు భార్యకు చట్టపరంగా నిర్భంద నోటీసులు అందించే అవసరం లేదన్నారు. అరెస్టును సవాలు చేయడానికి పిటిషనర్ కొత్త కారణం వెతుక్కుంటున్నారని చెప్పారు. అంతేకాకుండా వాంగ్‌చుక్‌ను కలవడానికి 12 మంది వ్యక్తుల జాబితాను అనుమతించామనిని, ఎవరూ ఆయన్ను కలవకుండా నిరోధించడం లేదని తుషార్ మెహతా అన్నారు. కేవలం హైప్ సృష్టించడం కోసమే చేస్తున్నారన్నారు. మీడియాలో అలా చిత్రీకరించడానికే..!వాంగ్‌చుక్‌కు మెడిసిన్ ఇవ్వడం లేదు, ఆయన భార్యను కూడా కలవనివ్వడం లేదని మీడియాలో, ఆ ప్రాంత ప్రజల్లో చిత్రీకరించడానికి చేస్తున్న ప్రయత్నాలని తుషార్ మెహతా ఘాటు వ్యాఖ్యలు చేశారు. వాంగ్‌చుక్‌ ఆయన భార్యను కలవకుండా ఎవరూ ఆపలేదని స్పష్టం చేశారు. కాగా, నిరసనల ముందు వాంగ్‌చుక్‌ నిరాహార దీక్ష చేశారు కాబట్టి.. ఆయనకు అవసరమైన మందులు, దుస్తులు, వైద్య సహాయం అందించాలని సుప్రీం కోర్టు ఆదేశించింది.