തൊഴിൽ നിയമരംഗത്ത് സുപ്രധാനമായ മാറ്റത്തിന് തുടക്കമിട്ട്, സൗദി അറേബ്യയിൽ തൊഴിൽ കരാറിലെ ശമ്പള വ്യവസ്ഥയെ നിയമപരമായ ‘എക്സിക്യൂട്ടീവ് ബോണ്ട്’ ആയി അംഗീകരിച്ചു.മാനവ വിഭവശേഷി, സാമൂഹിക വികസന മന്ത്രാലയം (MHRSD) നീതിന്യായ മന്ത്രാലയവുമായി സഹകരിച്ചാണ് ഈ പുതിയ സംവിധാനം നടപ്പാക്കുന്നത്.ഖിവ പ്ലാറ്റ്‌ഫോമിനെ ‘നാജിസ്’ (Najiz) പ്ലാറ്റ്‌ഫോമുമായി സാങ്കേതികമായി ബന്ധിപ്പിച്ചാണ് ഈ നടപടി നടപ്പിലാക്കുന്നത്. ശമ്പള പേയ്‌മെൻ്റുകൾ വൈകുകയാണെങ്കിൽ അധിക രേഖകളില്ലാതെ തന്നെ നടപടികൾക്ക് അപേക്ഷിക്കാൻ തൊഴിലാളിയെയും തൊഴിലുടമയെയും ഈ സംവിധാനം അനുവദിക്കുന്നു.എന്താണ് ഈ മാറ്റം?തൊഴിൽ കരാറിൽ രേഖപ്പെടുത്തിയിട്ടുള്ള ശമ്പള വ്യവസ്ഥ ഇനി ഒരു നിയമപരമായ രേഖയായി കണക്കാക്കും. ശമ്പളം നൽകുന്നതിൽ വീഴ്ച വരുത്തിയാൽ, അധിക രേഖകളോ തെളിവുകളോ ഇല്ലാതെ തന്നെ തൊഴിലാളിക്കോ തൊഴിലുടമയ്‌ക്കോ നിയമപരമായ നടപടികൾക്കായി അപേക്ഷ നൽകാം.മുദാദ് പ്ലാറ്റ്‌ഫോം വഴിയുള്ള ശമ്പള പേയ്‌മെൻ്റുകൾ സ്വയം പരിശോധിച്ചാണ് നടപടികൾക്ക് വേഗത്തിൽ തുടക്കം കുറിക്കുന്നത്.എക്സിക്യൂട്ടീവ് ബോണ്ടിന്റെ പ്രയോജനം ലഭിക്കുന്നതിന് , ഖിവ പ്ലാറ്റ്‌ഫോം വഴി തൊഴിൽ കരാർ കൃത്യമായി രേഖപ്പെടുത്തണം. ഇതിന് പുറമെ നീതിന്യായ മന്ത്രാലയത്തിലെ ഡോക്യുമെന്റേഷൻ സെന്ററിൽ നിന്ന് ഒരു എക്സിക്യൂട്ടീവ് നമ്പർ നേടണം.തൊഴിലാളിക്ക് ശമ്പള തീയതി മുതൽ 30 ദിവസത്തിനുള്ളിൽ മുഴുവൻ ശമ്പളവും ലഭിക്കാതിരിക്കുകയോ, അല്ലെങ്കിൽ 90 ദിവസത്തിനു ശേഷവും ഭാഗികമായി മാത്രം ലഭിക്കുകയോ ചെയ്താൽ, ‘നാജിസ്’ പ്ലാറ്റ്‌ഫോം വഴി ഇലക്ട്രോണിക് എക്സിക്യൂഷൻ അപേക്ഷ നൽകാം.തൊഴിലുടമയ്ക്ക്, അറിയിപ്പ് ലഭിച്ച ശേഷം അഞ്ച് ദിവസത്തിനുള്ളിൽ ഈ അപേക്ഷയിൽ തങ്ങളുടെ അഭിപ്രായം രേഖപ്പെടുത്താൻ അവകാശമുണ്ട്.തീരുമാനം മൂന്ന് ഘട്ടങ്ങളിലായാണ് ഈ തീരുമാനം നടപ്പാക്കുന്നത്. ഒന്നാം ഘട്ടം (2025 ഒക്ടോബർ 6): പുതിയതോ അപ്‌ഡേറ്റ് ചെയ്തതോ ആയ എല്ലാ കരാറുകൾക്കും. രണ്ടാം ഘട്ടം (2026 മാർച്ച് 6): പുതുക്കിയ നിശ്ചിത കാലയളവുകളുള്ള (Fixed-term) കരാറുകൾക്ക്. മൂന്നാം ഘട്ടം (2026 ഓഗസ്റ്റ് 6): അനിശ്ചിത കാലയളവുകളുള്ള (Unlimited-term) കരാറുകൾക്ക്.ഈ സംവിധാനം തൊഴിൽ പരിതസ്ഥിതിയുടെ സുസ്ഥിരത ഉറപ്പാക്കുകയും നിയമപരമായ അവകാശങ്ങൾ വേഗത്തിൽ ലഭ്യമാക്കാൻ സഹായിക്കുകയും ചെയ്യും.ഇത് തൊഴിൽ ബന്ധങ്ങളിൽ വ്യക്തതയും സുതാര്യതയും ഉറപ്പാക്കുമെന്നും, നിയമപരമായ ബാധ്യതകൾ നിറവേറ്റുന്നതിലൂടെ തൊഴിൽ തർക്കങ്ങൾ കുറയ്ക്കാൻ സഹായിക്കുമെന്നും മന്ത്രാലയം അറിയിച്ചു. വിശദമായ മാർഗ്ഗനിർദ്ദേശ രേഖ മന്ത്രാലയത്തിൻ്റെ വെബ്സൈറ്റിൽ ലഭ്യമാണ്.The post സൗദിയിൽ ഇനി 30 ദിവസത്തിനുള്ളിൽ ശമ്പളം ലഭിച്ചില്ലെങ്കിൽ പരാതിപ്പെടാൻ പുതിയ സംവിധാനം appeared first on Arabian Malayali.