مغربی بنگال کے دارجلنگ میں موسلا دھار بارش کی وجہ سے مٹی کے تودے گرنے سے کم از کم 6 لوگوں کی موت ہو گئی، جبکہ اییک لوہے کا پل منہدم ہو گیا۔ طوفانی بارش اور لینڈ سلائیڈنگ کی وجہ سے کئی موضوعات سے رابطہ منقطع ہو گیا ہے۔ راحت اور بچاؤ ٹیمیں جائے وقوعہ پر پہنچ گئی ہیں اور ملبہ ہٹانے میں مصروف ہیں۔اطلاعات کے مطابق لوہے کا یہ پل جسے دھودیا آئرن برج کے نام سے جانا جاتا ہے، میرک اور کرسیونگ کو آپس میں ملاتا ہے۔ شدید بارش کی وجہ سے یہاں کے حالات انتہائی خراب ہو گئے ہیں۔ سڑکوں پر ہر طرف ملبہ اور کیچڑ ہی نظر آ رہا ہے۔ اس دوران محکمہ موسمیات نے دارجلنگ، کوچ بہار، کلمپونگ، جلپائی گوڑی اور علی پور دوار میں شدید بارش کے لیے ریڈ الرٹ جاری کیا ہے۔محکمہ موسمیات کا کہنا ہے کہ مغربی بنگال کے ذیلی ہمالیائی علاقوں میں پیر تک موسلا دھار بارش جاری رہے گی۔ بھاری بارش کی وجہ سے جلپائی گوڑی کا مال بازار پانی میں ڈوب گیا ہے۔ تیستا، مال اور دیگر پہاڑی ندیاں طغیانی پر ہیں۔ محکمہ موسمیات کا کہنا ہے کہ مغربی جھارکھنڈ کے اوپر کم دباؤ کا علاقہ مشرق-مغرب یعنی بہار کی طرف بڑھ سکتا ہے۔کلمپونگ ضلع میں بھی شدید بارش کی وجہ سے صورتحال تشویشناک ہے۔ پہاڑی علاقوں میں لینڈ سلائیڈنگ کا خطرہ بڑھ گیا ہے۔ سلی گوڑی اور سکم کو جوڑنے والا متبادل راستہ قومی شاہراہ 717 ای پر لینڈ سلائڈنگ کی وجہ سے ملبہ جمع ہوگیا جس سے ٹریفک پوری طرح بند ہوگیا ہے۔ پیڈونگ اور رشیی کھولا کے درمیان بھی ٹریفک میں خلل پڑا ہے۔