బిగ్ బాస్ సీజన్ 9లో మోస్ట్ బ్యూటిఫుల్ కంటెస్టెంట్ అంటే తనూజ (Thanuja Puttaswamy). ఆమె సీరియల్స్‌లో ఉన్నప్పుడు కేవలం సీరియల్ ఫ్యాన్స్‌కి మాత్రమే తెలుసు కానీ.. ఇప్పుడు బిగ్ బాస్ హౌస్‌లోకి అడుగుపెట్టడంతో కుర్రాళ్లంతా తనూజకి జై కొడుతున్నారు. ఆమె అందానికి ఫ్లాట్ అయిపోయే.. మా ఓటు మీకే అంటున్నారు. జీ తెలుగులో ప్రసారం అయిన ముద్ద మందారం సీరియల్‌తో పాపులర్ అయిన తనూజ.. ప్రస్తుతం బిగ్ బాస్ హౌస్‌లో స్ట్రాంగ్ కంటెస్టెంట్‌గా మారింది. తన క్యూట్ క్యూట్ లుక్స్‌తో ఆకట్టుకుంటున్న తనూజ బిగ్ బాస్ సీజన్ 9లో మోస్ట్ బ్యూటిఫుల్ కంటెస్టెంట్ అనిపించుకుంటుంది. అయితే ఇంత బ్యూటిఫుల్ అమ్మాయిని ఎవరు మాత్రం ఇష్టపడరూ. హౌస్‌లో కళ్యాణ్ పడాల అయితే తనూజతో పులిహోర కలపడానికి చాలానే ట్రై చేశాడు. కానీ.. ఎక్స్ ట్రాలు చేస్తే తమ్ముడని పిలిచేస్తా అంటూ దూరం పెట్టేసింది తనూజ. లైఫ్ మీద చాలా క్లారిటీతో ఉన్న తనూజ.. తన లైఫ్ పార్టనర్ గురించి గతంలో చెప్పిన విషయాలు వైరల్ అవుతున్నాయి. ఈమె గతంలో జీతెలుగులో ‘ముద్దమందారం’ సీరియల్ చేసింది. ఆ సీరియల్ హీరో పవన్ సాయితో ఈమెకి మంచి బాండింగ్ ఉండేది. ఈ ఇద్దరి మధ్య రిలేషన్ గురించి బుల్లితెర వర్గాల్లో చాలా పుకార్లు ఉన్నాయి కానీ.. వాటిని పక్కనపెడితే.. మళ్లీ జన్మంటూ ఉంటే పవన్ సాయిలాగే పుట్టాలని కోరుకుంటుంటోంది తనూజ పుట్టస్వామి. తన కో స్టార్ పవన్ సాయి గురించి మాట్లాడుతూ.. ‘‘పర్సనల్ లైఫ్‌లో పవన్ సాయితో నా బాడింగ్ గురించి ఒకటే మాటలో చెప్పాలంటే.. నాకు నా ఫ్యామిలీ తరువాత నా గురించి పట్టించుకునే మనిషి ఒకరు ఉన్నారంటే అతనే పవన్ సాయి. పర్సనల్ విషయాల్లోనే కాదు.. ప్రొఫెషనల్‌గానూ అతని ప్రభావం ఉంటుంది. నాకు ఏదైనా ఆఫర్ వస్తే.. ఫస్ట్ డిస్కస్ చేసే ఫస్ట్ పర్సన్ అతనే. నేను అన్నింటిపైనా ఇంట్రస్ట్ చూపించను.. ఇది చేయొచ్చు అనుకుంటే పవన్ సాయితోనే చర్చిస్తా. అప్పుడే నా నిర్ణయం చెప్తా. నా ఫ్యామిలీ‌లో అతను ఎంతలా కలిసిపోయాడంటే.. మమ్మీ నాకు ఇలా కాల్ వచ్చింది.. ఆఫర్ వచ్చింది ఏం చేయను అని అంటే.. పవన్‌కి కాల్ చేయి అంటుంది. అమ్మమ్మ అయితే పవన్‌ని అడుగు.. ఏమంటాడో కనుక్కో అంటుంది. అంత దగ్గరరైపోయాడు మా ఇంటికి. పవన్ లాంటి పర్సన్‌ని చాలా రేర్‌గా చూస్తాం. అదైతే నిజం. పవన్ గారితో నేను తమిళ్‌లో చేశాను.. తెలుగులో కూడా కలిసి వర్క్ చేశాను. కలిసి ఆయనతో జర్నీ చేశాను.. అలాంటి వ్యక్తిత్వం ఉన్న వ్యక్తి చాలా రేర్‌గా ఉంటారు. ఇంకో జన్మ అనేది ఉంటే.. అలాంటి మెంటాలిటీ.. అలాంటి యాటిట్యూడ్‌తో పుట్టాలని కోరుకుంటా. ఎంత సీరియస్ సిచ్యువేషన్ అయినా సరే.. ఆయన ఒక్క స్మైల్‌తో మ్యానేజ్ చేసేస్తారు. చాలా కూల్ పర్సన్. పిడుగు వచ్చి మీద పడ్డా కూడా... కూల్‌గా ఉంటారు. ఓ మనిషి అంత నిదానంగా ఎలా ఉంటారా? అని ఆశ్చర్యం వేస్తుంది. టెన్షన్ పడుతుంటే రిలాక్స్ అని కూల్ చేసేస్తుంటారు. చాలా పాజిటివ్ పర్సన్. చాలా బాగా మోటివేట్ చేస్తారు. ప్రతి విషయాన్ని ఎంత కూల్‌గా చెప్తారంటే.. మనకి కోపం వస్తే మన ఎక్స్ ప్రెషన్ మారిపోతుంటుంది. బిహేవియర్ మారిపోతుంది. కానీ ఆయన ఎప్పుడూ ఒకేలా ఉంటారు. ఆనందం అయినా బాధ మొహంపై చిరునవ్వు చెరిగిపోదు. నేను ఆయన్ని చాలాసార్లు అడిగాను. మీరు ఇంత కూల్‌గా ఎలా ఉండగలుగుతున్నారు? అని. ఆయన నుంచి వచ్చే సమాధానం ఏంటంటే.. జరిగేది జరుగుతుంటుంది.. దానికోసం వర్రీ ఎందుకు అని అంటారు. అలాంటి వ్యక్తి ఉండరు.. అలాంటి పర్సన్‌ని మళ్లీ ఫ్యూచర్‌లో కలుస్తానో లేదో తెలియదు కానీ.. ఇంకోజన్మంటూ ఉంటే.. అలాంటి వ్యక్తిత్వం నాకు కావాలి. ఆయన ఎవర్నీ బాధపెట్టరు. ఆయన గురించి ఎవరూ నెగిటివ్ కూడా మాట్లాడుకోరు. ఆ విషయంలో నాకు జెలసీగా అనిపిస్తుంటుంది. స్వీటెస్ట్ పర్సన్ విత్ ప్యూర్ సోల్ అంటే పవన్ సాయి. నా లైఫ్‌లో పెళ్లి అనేది ఫేవరేట్ చాప్టర్. నాకు పెళ్లి అంటే చాలా ఇష్టం. ఆ క్షణం కోసం నేనూ ఎదురుచూస్తున్నా. నేను ఒకటి నమ్ముతుంటా. నాపై మా అమ్మమ్మ ప్రభావం ఎక్కువ.. అమ్మకంటే ఎక్కువ అమ్మమ్మ దగ్గరే ఉన్నాను. ఆవిడ నాకు ఏం చెప్పేదంటే.. ఒక అబ్బాయి చెడిపోవడానికైనా, మంచోడు అవ్వడానికైనా.. బాధ్యత గల వ్యక్తిగా నిలబడటానికైనా ఒక ఆడపిల్ల చేతిలోనే ఉంటుందట. అబ్బాయి ఫ్యూచర్ అమ్మాయి చేతిలో డిసైడ్ అవుతుంది. నేను అది బలంగా నమ్ముతున్నా. నన్ను పెళ్లి చేసుకునేవాడు అలా ఉండాలి.. ఇలా ఉండాలి అని అయితే అనుకోను కానీ.. మంచి అండర్ స్టాండింగ్ ఉండాలి. రెస్పెక్ట్‌ఫుల్ లైఫ్ అంటే నాకు చాలా ఇష్టం. ఎవరైనా సరే రెస్పెక్ట్ ఇచ్చి పుచ్చుకోవాలి. నా వరకూ నేను హ్యాపీ లైఫ్‌ని లీడ్ చేయగలను. ఆ కెపాసిటీ నాలో ఉంది.. ఆ విషయాన్ని నేను బలంగా నమ్ముతాను. ఆ నమ్మకమే నా ఫ్యూచర్ పార్టనర్‌ని డిసైడ్ చేస్తుంది’ అంటూ చెప్పుకొచ్చింది తనూజ