ఆధునిక సాంకేతిక యుగంలో.. సైబర్ నేరగాళ్లు ప్రజలను మోసగించడానికి కొత్త మార్గాలను అన్వేషిస్తున్నారు. అవి ఎలా ఉంటున్నాయంటే.. ఇది నిజమేగా అని నమ్మి ఆ లింక్ లను ఓపెన్ చేసే విధంగా చేస్తున్నారు. తాజాగా.. ఒక సోషల్ మీడియా వినియోగదారునికి ఎదురైన అనుభవం, ట్రాఫిక్ చలాన్ల పేరుతో జరుగుతున్న కొత్త రకం సైబర్ మోసాన్ని బహిర్గతం చేసింది. ఈ తరహా మోసాల పట్ల ప్రజలందరూ ఉంది. ట్రాఫిక్ చలాన్ పేరుతో సైబర్ దాడి.. సదరు వినియోగదారునికి వచ్చిన మోసపూరిత సందేశం గతంలో వచ్చిన సాధారణ మోసాల మాదిరిగా కాకుండా.. చాలా వాస్తవంగా కనిపించింది. సాధారణంగా.. కరెంటు కట్ చేస్తాం లేదా బ్యాంకు ఖాతా నిలిపివేస్తాం లాంటి సందేశాలు వస్తుంటాయి. కానీ.. ఈసారి ఏకంగా అతని పేరు, వాహనం నంబర్‌తో సహా ట్రాఫిక్ ఉల్లంఘనకు సంబంధించిన చలాన్ మెసేజ్ వచ్చింది. ఈ సందేశం వచ్చిన నంబర్ కూడా అధికారిక వాహన్ పోర్టల్ ఉపయోగించే నంబర్‌ను పోలి ఉండడంతో.. మొదట ఆ వినియోగదారుడు కంగారుపడ్డాడు. గత కొన్ని రోజులుగా తాను తన వాహనాన్ని బయటకు తీయకపోయినా ఇలా చలాన్ రావడం అతనికి ఆశ్చర్యం కలిగించింది. అయినప్పటికీ.. అనుమానం వచ్చి, ఆ సందేశాన్ని నేరుగా ఫోన్‌లో తెరవకుండా.. మరింత సురక్షితమైన విధానాన్ని పాటించాడు. సైబర్ దాడుల గురించి అవగాహన ఉన్న ఆ వినియోగదారుడు.. ఆ మెసేజ్‌లోని లింక్‌ను తన డెస్క్‌టాప్‌కు పంపించుకుని అక్కడ ఓపెన్ చేశాడు. ఆ లింక్‌ను తెరవగానే.. అతని సిస్టమ్‌లో APK అలర్ట్ రావడంతో.. అతడు అనుకున్నదే నిజం అయింది. అది పక్కాగా సైబర్ ఫ్రాడ్ మెసేజ్ అని స్పష్టం అయింది. వెంటనే అతను తన ఫోన్‌లో ఆ మెజేజ్‌ను డిలీడ్ చేశాడు. ఆ తర్వాత.. అధికారిక .. తన వాహనంపై ఎటువంటి చలాన్లు లేవని ధృవీకరించుకున్నాడు. ఈ అనుభవం ద్వారా ఆయన ప్రజలందరికీ ఒక ముఖ్యమైన హెచ్చరిక చేశారు. ట్రాఫిక్ చలాన్లకు సంబంధించిన ఎలాంటి సందేశం వచ్చినా.. ఆ మెసేజ్‌లో ఉన్న లింక్‌ను ఎట్టిపరిస్థితుల్లోనూ నేరుగా మొబైల్‌లో తెరవకూడదు. మొబైల్‌కు వచ్చిన చలాన్ మెసేజ్‌లలోని లింక్‌లను క్లిక్ చేయకుండా, వాటిని కాపీ చేసి, సురక్షితమైన ల్యాప్‌టాప్ లేదా డెస్క్‌టాప్‌లో మాత్రమే తెరవడం సురక్షితం. ఏదైనా చలాన్ వచ్చిందని సందేహం ఉంటే, సంబంధిత రాష్ట్రంలోని ట్రాఫిక్ పోలీసుల అధికారిక వెబ్‌సైట్ (ఉదాహరణకు.. హైదరాబాద్ ట్రాఫిక్ పోలీసుల వెబ్‌సైట్ లేదా ) కు వెళ్లి.. మీ వాహనం నంబర్‌ను నమోదు చేసి చెక్ చేసుకోవాలి. ఎప్పుడూ లేని విధంగా ఏదైనా కొత్త APK ఫైల్ లేదా యాప్‌ను డౌన్‌లోడ్ చేయమని అడిగితే.. అది ఖచ్చితంగా ఫిషింగ్ ప్రయత్నం అయ్యే అవకాశం ఉంటుంది. ఈ రకమైన మోసాల ద్వారా నేరగాళ్లు మీ వ్యక్తిగత సమాచారం.. బ్యాంకు వివరాలు లేదా మీ ఫోన్‌కు పూర్తి యాక్సెస్ పొందాలని ప్రయత్నిస్తారు. అందుకే ప్రతీ ఒక్కరూ అప్రమత్తంగా ఉంటూ.. తమ ఆర్థిక, వ్యక్తిగత భద్రతను కాపాడుకోవాల్సిన అవసరం ఉంది.