Gold Loan per Gram: బ్యాంకుల్లో చాలా రకాల లోన్లు అందుబాటులో ఉన్నాయి. పర్సనల్ లోన్, వెహికిల్ లోన్, హోం లోన్, గోల్డ్ లోన్ ఇలా ఎన్నో ఉన్నాయి. వీటిల్లో సేఫెస్ట్ అంటే చాలా మంది పసిడి రుణాలనే చెబుతారు. మన దగ్గర ఉన్న బంగారం తాకట్టు పెట్టి లోన్ తెచ్చుకోవచ్చు. . బంగారం తనఖా పెడతాం కాబట్టి వడ్డీ రేట్లు కూడా తక్కువే ఉంటాయి. అత్యవసరాల్లో వెంటనే లభించే వాటిల్లో ఇది ముందు వరుసలో ఉంటుంది. ఏడాది వ్యవధిలో బంగారం ధర విపరీతంగా పెరిగిన నేపథ్యంలో పసిడి రుణాలకు డిమాండ్ కూడా అదే స్థాయిలో పెరిగింది. అంతకుముందుతో పోలిస్తే లోన్ ఎక్కువ వస్తుంది. ఈ క్రమంలోనే ఈ సంవత్సరం జనవరిలో చూస్తే బంగారం తాకట్టుపై రుణాలు 128 శాతం పెరిగినట్లు లేటెస్ట్ సెంట్రల్ బ్యాంక్ డేటాలో తేలింది. పసిడి రుణాలపై వడ్డీ రేట్లు కూడా చాలా తక్కువ స్థాయిలోనే ఉన్నాయి. టాప్ బ్యాంకుల్లో దేంట్లో గోల్డ్ లోన్ ఎంత వరకు ఆఫర్ చేస్తున్నాయి.. వడ్డీ రేట్లు ఏ స్థాయిలో ఉన్నాయో తెలుసుకుందాం. గోల్డ్ లోన్ అంటే సెక్యుర్డ్ లోన్. ఇక్కడ మన దగ్గర ఉన్న బంగారు ఆభరణాలు లేదా కాయిన్స్‌ను తనఖా పెట్టి బ్యాంక్ లేదా ఆర్థిక సంస్థ నుంచి లోన్ తెచ్చుకుంటాం. ఇక్కడ బంగారం పరిమాణాన్ని బట్టి.. మార్కెట్ వాల్యూ ఆధారంగా లోన్ ఇస్తారు. ఉన్నాయి. రూ. 2.5 లక్షల వరకు లోన్ కోసం అయితే బంగారం విలువలో 85 శాతం వరకు వస్తుంది. రూ. 2.5- 5 లక్షల వరకు అయితే గోల్డ్ వాల్యూలో 80 శాతం లోన్ తీసుకోవచ్చు.రూ. 5 లక్షలకుపైగా లోన్ కావాల్సి వస్తే పసిడి విలువలో 75 శాతం వరకు లోన్ వస్తుంది.లేటెస్ట్ గోల్డ్ లోన్ వడ్డీ రేట్లు..ఎస్బీఐ గోల్డ్ లోన్స్టేట్ బ్యాంక్ ఆఫ్ ఇండియాలో వార్షిక ప్రాతిపదికన గోల్డ్ లోన్లపై 9 శాతం నుంచి వడ్డీ రేట్లు ప్రారంభమవుతున్నాయి. కనీసం రూ. 20 వేల నుంచి గరిష్ఠంగా 50 లక్షల వరకు లోన్ మంజూరు చేస్తుంది. ఈఎంఐ బేస్డ్ ఆప్షన్ అయితే మూడేళ్ల వరకు టెన్యూర్ ఉంటుంది. బుల్లెట్ రీపేమెంట్ ఆప్షన్ కోసం అయితే 3 నెలలు, 6 నెలలు, ఏడాది ఇలా కాల పరిమితి ఉంటుంది. పంజాబ్ నేషనల్ బ్యాంక్..ఈ బ్యాంకు రూ. 25 లక్షల వరకు లోన్ ఆఫర్ చేస్తోంది. వడ్డీ రేట్లు 9.25 శాతం నుంచి మొదలవుతున్నాయి. టెన్యూర్ ఏడాది వరకు పెట్టుకోవచ్చు. ఇక్కడ బుల్లెట్ రీపేమెంట్, ఈఎంఐ బేస్డ్, ఓవర్ డ్రాఫ్ట్ ఇలా తిరిగి చెల్లించేందుకు పలు సదుపాయాలు ఉన్నాయి. హెచ్‌డీఎఫ్‌సీ బ్యాంక్..ఈ అతిపెద్ద ప్రైవేట్ బ్యాంకులో గోల్డ్ లోన్ వడ్డీ రేట్లు 9.10 శాతం నుంచి 19 శాతం వరకు ఉన్నాయి. కనీసం రూ. 25 వేల నుంచి లోన్ వస్తుంది. గరిష్ఠంగా రూ. 3.5 కోట్ల వరకు ఆఫర్ చేస్తుందని తెలుస్తోంది. టెన్యూర్ 6 నెలల నుంచి 42 నెలల వరకు ఉంది. గోల్డ్ మార్కెట్ వాల్యూలో 75 శాతం వరకు లోన్ ఇస్తోంది. ఐసీఐసీఐ బ్యాంకు..ఈ ప్రైవేట్ బ్యాంకులో గోల్డ్ లోన్ వడ్డీ రేట్లు 8.75 శాతం నుంచి 16.75 శాతం వరకు ఉన్నాయి. టెన్యూర్ 6 నెలల నుంచి 36 నెలల వరకు పెట్టుకోవచ్చు. బ్యాంక్ నియమ నిబంధనల ప్రకారం అర్హులైతే గరిష్ఠంగా రూ. 2 కోట్ల వరకు లోన్ పొందొచ్చు. ముతూట్ ఫైనాన్స్..ప్రముఖ నాన్ బ్యాంకింగ్ ఫైనాన్స్ కంపెనీల్లో ఒకటైన ముతూట్ ఫైనాన్స్‌లో వార్షిక ప్రాతిపదికన గోల్డ్ లోన్ వడ్డీ రేట్లు 10.90 శాతం నుంచి ప్రారంభమవుతున్నాయి. గరిష్ఠంగా రూ. 1 కోటి వరకు.. ఏడాది టెన్యూర్‌తో లోన్ ఇస్తాయి. మణప్పురం ఫైనాన్స్..ఇందులో గోల్డ్ లోన్ వడ్డీ రేట్లు వార్షిక ప్రాతిపదికన 9.90 శాతం నుంచి మొదలవుతున్నాయి. గరిష్ఠంగా రూ. 1.5 కోట్ల వరకు లోన్ ఆఫర్ చేస్తోంది. టెన్యూర్ ఏడాదిగా ఉంది. మార్కెట్ వాల్యూలో 75 శాతం వరకు లోన్ పొందొచ్చు. గమనిక: గోల్డ్ లోన్ వడ్డీ రేట్లను బ్యాంకులు ఎప్పటికప్పుడు మారుస్తుండొచ్చు. పైన ఇచ్చింది కేవలం సమాచార ప్రయోజనాల కోసం మాత్రమే. ఇతర మీ ఆదాయం, అర్హతల్ని బట్టి లోన్ ఎక్కువ తక్కువా రావొచ్చు. అందుకే లోన్ తీసుకునే ముందు 2-3 బ్యాంకుల్ని సందర్శించడం మంచిది.