EPFO New Schemes: ఎంప్లాయీస్ ప్రావిడెంట్ ఫండ్‌లో కీలక మార్పులు వస్తున్నాయి. పీఎఫ్ ఖాతా ఉన్న ఉద్యోగులందరూ ఈ విషయాన్ని కచ్చితంగా తెలుసుకోవాలి. కేంద్ర ప్రభుత్వం కొత్తగా ఎంప్లాయీస్ ప్రావిడెంట్ ఫండ్ (EPF)- 2026, ఉద్యోగుల పింఛను పథకం (EPS)- 2026 అమలులోకి తీసుకొస్తోంది. ఇప్పటికే అమలులోకి ఉన్న ఈపీఎఫ్ -1952, ఈపీఎస్- 1995 పథకాల స్థానంలో ఈ కొత్త పథకాలు అమలులోకి రానున్నాయి. ఇటీవలే జరిగిన ఉద్యోగుల భవిష్య నిధి కేంద్ర ట్రస్టీ బోర్డు ఇందుకు ఆమోదం తెలిపింది. కొత్త ఆర్థిక సంవత్సరం చేసేందుకు కేంద్ర కార్మిక మంత్రిత్వ శాఖ సన్నాహాలు చేస్తోంది. మరి ఆ వివరాలు తెలుసుకుందాం. కొత్త పథకాలు ఈపీఎఫ్-2026, ఈపీఎస్-2026 అమలులోకి వచ్చినా భవిష్యత్తులో అన్ని వర్గాలను సంప్రదించి అవసరమైన మార్పులు చేస్తామని కేంద్రం తెలిపింది. వివిధ కేటగిరీల్లో ఈపీఎఫ్ విత్ డ్రా సంఖ్యను పెంచినట్లు తెలిపింది. పెన్షన్ ఖరారులో దామాషా పద్ధతి పాటిస్తున్నామని, యజమాని పీఎఫ్ ఖాతాకు ప్రతి నెలా చెల్లించే తన వాటాను ఎట్టి పరిస్థితుల్లోనూ ఉద్యోగి వేతనం నుంచి మినహాయించకూడదని స్పష్టం చేసింది. అలాగే ఈ వాటాను ఉద్యోగి నుంచి వెనక్కి తీసుకోవద్దని ఆదేశించింది. అలా వ్యవహరిస్తే కఠిన చర్యలు తీసుకుంటామని హెచ్చరించింది. 25 శాతం కనీస నిల్వ అమలులోకి వచ్చిన తర్వాత ప్రావిడెంట్ ఫండ్ లో కనీస 25 శాతం నిల్వ ఉంచాల్సి ఉంటుంది. మిగిలిన మొత్తాన్ని ఉపసంహిరంచుకునేందుకు బోర్డు అంగీకరించింది. అంటే ప్రతి ఉద్యోగి క్లెయిమ్ దరఖాస్తు నాటికి ఉద్యోగి, కంపెనీ చెల్లించిన వాటాలు, వాటిపై వచ్చే వడ్డీ మొత్తం భవిష్య నిధి నిల్వగా పరిగణనిస్తారు. అందులో 25 శాతం కనీస నిల్వ ఉండాలి. ఈ నిల్వ తీసివేయగా వచ్చిన మొత్తం నుంచి ఉపసంహరణకు అనుమతిస్తారు. ఇప్పటి వరకు పీఎఫ్ లో కనీస నిల్వ నిర్వహించే రూల్ లేదు. విత్ డ్రా రూల్స్ ఇవేవైద్యం కోసం ఏడాదికి మూడుసార్లు, విద్య కోసం అయితే సర్వీసు మొత్తంలో 10 సార్లు, పెళ్లి కోసం ఐదు సార్లు క్లెయిమ్ చేయవచ్చు. ఇక ఇంటి కొనుగోలు, నిర్మాణం, లోన్ చెల్లింపు, ఇంటి మరమ్మతుల కోసం 12 నెలల చందా చెల్లింపు సర్వీసు పూర్తయిన తర్వాత అనుమతిస్తారు. మొత్తం సర్వీసులో 5 సార్లు విత్ డ్రా చేసుకోవచ్చు. అయితే, ఇది ప్రస్తుతం 2 సార్లు మాత్రమే ఉంది. ప్రత్యేక సందర్భాల్లో ఏడాది సర్వీసు పూర్తి చేయకపోయినా క్లెయిమ్ చేసుకోవచ్చు. అయితే కనీస నిల్వ మినహాయించి నగదు పొందుతారు. ఉద్యోగి వయసు 55 సంవత్సరాలు నిండినప్పుడు లేదా ఆ వయసు లోపు ఉద్యోగం వదిలేసినప్పుడు లేదా విదేశాల్లో ఉద్యోగాల కోసం వెళ్లినప్పుడు లేదా ఉద్యోగం నుంచి తొలగించినా పీఎఫ్ ఖాతా నుంచి పూర్తిగా విత్ డ్రా చేసుకోవచ్చు.