Updates: చాలా రోజుల తర్వాత దేశీయ స్టాక్ మార్కెట్లు రాణిస్తున్నాయి. అంతర్జాతీయంగా ప్రతికూల సంకేతాలు, ఇరాన్- ఇజ్రాయెల్ యుద్ధం నేపథ్యంలో ఇటీవల ముడి చమురు ధరలు భారీగా పెరగ్గా స్టాక్ మార్కెట్లు పతనం అయ్యాయి. అయితే ఎట్టకేలకు గురువారం సెషన్‌లో మాత్రం రాణిస్తున్నాయి. కనిష్ఠ స్థాయిల్లో కొనుగోళ్ల మద్దతు లభిస్తోంది. ప్రస్తుతం వార్త రాస్తున్న సమయంలో మార్చి 5న మధ్యాహ్నం ఒంటి గంటకు బొంబాయి స్టాక్ ఎక్స్చేంజి సూచీ సెన్సెక్స్ 520 పాయింట్ల లాభంతో 79,630 స్థాయిలో ఉంది. నేషనల్ స్టాక్ ఎక్స్చేంజి సూచీ నిఫ్టీ 170 పాయింట్లు పుంజుకొని 24,650 మార్కు వద్ద కదలాడుతోంది. ఇదే సమయంలో ఒక స్టాక్ 5 శాతం అప్పర్ సర్క్యూట్ కొట్టింది. అదే ఎలైట్‌కాన్ ఇంటర్నేషనల్ లిమిటెడ్. కిందటి రోజు బుధవారం సెషన్‌లో రూ. 52.53 వద్ద ముగియగా.. ఇవాళ ఆరంభంలో 2 శాతం వరకు లాభంతో రూ. 53.80 వద్ద ఓపెన్ కాగా.. తర్వాత క్రమంగా పెరిగి 5 శాతం అప్పర్ సర్క్యూట్‌తో రూ. 55.15 వద్ద గరిష్ఠాన్ని నమోదు చేసింది. ప్రస్తుతం అక్కడే ఉంది. వరుసగా 9 సెషన్ల నష్టం తర్వాత ఇవాళ స్టాక్ ధర పుంజుకుంది. గత 9 సెషన్లలో 30 శాతానికిపైగా పడిపోయింది. ఈ స్టాక్ 52 వారాల గరిష్ఠ ధర రూ. 422.65 గా ఉండగా.. ఇది గతేడాది ఆగస్టు 25న నమోదు కాగా.. అక్కడి నుంచి రికార్డు స్థాయిలో ప్రస్తుత ధర ఏకంగా 87 శాతం తక్కువగా ఉండటం గమనార్హం. అంటే గరిష్ఠ స్థాయిల నుంచి 87 శాతం పతనమైందన్నమాట. స్టాక్ 52 వారాల కనిష్ఠ ధర చూస్తే 2025 మార్చిలో రూ. 23.65 వద్ద నమోదైంది. ఇటీవల కూడా ఈ స్టాక్ షార్ట్ టర్మ్‌లో భారీ నష్టాల్ని మిగిల్చింది. గత 5 రోజుల్లో 7 శాతం పడిపోగా.. నెలలో 16 శాతం తగ్గింది. 6 నెలల్లో ఏకంగా 78 శాతానికిపైగా షేర్ ధర తగ్గింది. ఈ ఏడాదిలో ఇప్పటివరకు చూస్తే 46 శాతం దిగొచ్చింది. ఏడాది వ్యవధిలో మాత్రం 133 శాతం పుంజుకుంది. ఇక ఐదేళ్లలో అంటే లాంగ్ రన్‌లో ఏకంగా 4 వేల శాతానికిపైగా రిటర్న్స్ అందించడం విశేషం. ఇలా లాంగ్ రన్‌లో కాసుల పంట పండించినా.. షార్ట్ టర్మ్‌లో మాత్రం ఇన్వెస్టర్లకు నష్టాల్ని మిగిల్చింది. సంస్థ మార్కెట్ విలువ ప్రస్తుతం రూ. 8.81 వేల కోట్లుగా ఉంది. Disclaimer: స్టాక్ మార్కెట్ పెట్టుబడులు రిస్క్‌కు లోబడి ఉంటాయి. పైన ఇచ్చింది కేవలం సమాచారం మాత్రమే పెట్టుబడికి సిఫార్సు కాదు. స్టాక్ మార్కెట్లలో ఇన్వెస్ట్ చేసే ముందు సెబీ గుర్తింపు పొందిన ఆర్థిక నిపుణుల సలహా తీసుకోవడం మంచిది.