കൊൽക്കത്തയിലെ ഈഡൻ ഗാർഡൻസ് മൈതാനിയിൽ നടന്ന ലോകകപ്പിന്റെ സെമിഫൈനലിൽ ന്യൂസിലാൻഡ് താരം ഫിൻ ആലൻ ചരിത്രം കുറിച്ചു. വെറും 33 പന്തിൽ പുറത്താകാതെ 100 റൺസ് നേടിയ അദ്ദേഹം ടി20 ലോകകപ്പ് ചരിത്രത്തിലെ ഏറ്റവും വേഗത്തിലുള്ള സെഞ്ചുറി സ്വന്തമാക്കി.10 ഫോറുകളും 8 സിക്സുകളും ഉൾപ്പെട്ട ഈ വെടിക്കെട്ട് ഇന്നിംഗ്സ് 303.03 എന്ന അതിശയകരമായ സ്ട്രൈക്ക് റേറ്റിലാണ് വന്നത്. അന്താരാഷ്ട്ര ടി20 മത്സരങ്ങളിൽ ഒരു ഫുൾ-മെമ്പർ ടീമിനെതിരെ നേടുന്ന ഏറ്റവും വേഗമേറിയ സെഞ്ചുറിയെന്ന റെക്കോർഡും ഇതോടെ ആലൻ സ്വന്തമാക്കി.മൊത്തം ടി20 അന്താരാഷ്ട്ര മത്സരങ്ങളുടെ ചരിത്രത്തിൽ ഇത് മൂന്നാമത്തെ വേഗമേറിയ സെഞ്ചുറിയാണ്. കൂടാതെ, ഫുൾ മെമ്പർ രാജ്യങ്ങളിലെ താരങ്ങളിൽ ഏറ്റവും വേഗത്തിൽ സെഞ്ചുറി നേടുന്ന താരമായി ആലൻ, 2024-ൽ നൈറോബിയിൽ ഗാംബിയക്കെതിരെ 33 പന്തിൽ സെഞ്ചുറി നേടിയ സിംബാബ്വെയുടെ സികന്ദർ റാസയോടൊപ്പമെത്തി.Also Read: ദക്ഷിണാഫ്രിക്കയെ തകർത്തെറിഞ്ഞു ന്യൂസിലാൻഡ് ഫൈനലിൽ; ഫിൻ അലന് സെഞ്ച്വറിസെമിഫൈനൽ പോലുള്ള സമ്മർദ്ദമേറിയ വേദിയിൽ ഇത്തരം പ്രകടനം കാഴ്ചവെച്ചത് ന്യൂസിലാൻഡിന് വലിയ ആത്മവിശ്വാസമാണ് നൽകിയത്. ആലന്റെ അതിവേഗ ഇന്നിംഗ്സ് മത്സരം 12.5 ഓവറിൽ തന്നെ വിജയലക്ഷ്യത്തിലെത്താനും ടീമിനെ ഫൈനലിലേക്ക് നയിക്കാനും നിർണായകമായി.The post വെറും 33 പന്തിൽ 100! ലോകകപ്പിൽ ചരിത്രമെഴുതി ഫിൻ ആലൻ! appeared first on Kairali News | Kairali News Live.