: పెట్టుబడులపై స్థిరంగా రిటర్న్స్ రావాలంటే చాలా మంది ఫిక్స్‌డ్ డిపాజిట్లను ఎంచుకుంటుంటారు. ఇక్కడ డిపాజిట్ టెన్యూర్‌ను బట్టి.. వడ్డీ రేట్ల ప్రకారం రాబడి వస్తుంటుంది. బ్యాంక్ సేవింగ్స్ అకౌంట్లలో కంటే ఫిక్స్‌డ్ డిపాజిట్లపై బ్యాంకులు అధిక వడ్డీ ఆఫర్ చేస్తుంటాయి. ఎక్కువగా సీనియర్ సిటిజెన్లు రిటైర్మెంట్ తర్వాత, ఉపాధి లేనప్పుడు ఆదాయం కోసం డిపాజిట్లు చేస్తుంటారు. సాధారణ ప్రజల కంటే సీనియర్ సిటిజెన్లకు డిపాజిట్లపై అధిక వడ్డీ వస్తుందని చెప్పొచ్చు. వీరికి సాధారణ ప్రజల కంటే సుమారు 50 బేసిస్ పాయింట్ల వరకు ఎక్కువ వడ్డీ వస్తుంది. ఇటీవల ఆర్బీఐ కీలక రెపో రేట్లను వరుసగా తగ్గిస్తూ వచ్చిన క్రమంలో.. బ్యాంకులు కూడా ఫిక్స్‌డ్ డిపాజిట్ వడ్డీ రేట్లను తగ్గిస్తూ వచ్చాయి. ఇప్పుడు దేశంలోని టాప్ ప్రైవేట్, ప్రభుత్వ రంగ బ్యాంకుల్లో డిపాజిట్ రేట్ల గురించి చూద్దాం. స్టేట్ బ్యాంక్ ఆఫ్ ఇండియా (SBI)ఈ చేస్తోంది. 7-45 రోజుల వ్యవధిపై సాధారణ ప్రజలకు 3.05 శాతం, సీనియర్ సిటిజెన్లకు 3.55 శాతం వడ్డీ అందిస్తోంది. 46- 179 రోజుల డిపాజిట్‌పై వరుసగా 4.90 శాతం, 5.40 శాతం ఇస్తోంది. 180 రోజుల నుంచి 210 రోజుల డిపాజిట్‌పై సాధారణ ప్రజలకు 5.65 శాతం, సీనియర్లకు 6.15 శాతం వడ్డీ ఆఫర్ చేస్తోంది. ఏడాది నుంచి రెండేళ్ల డిపాజిట్ వడ్డీ రేట్లు వరుసగా 6.25 శాతం, 6.75 శాతంగా ఉన్నాయి. రెండేళ్ల నుంచి మూడేళ్ల వ్యవధిపై సాధారణ ప్రజలకు 6.45 శాతం (అత్యధిక వడ్డీ రేటు), సీనియర్ సిటిజెన్లకు 6.95 శాతంగా ఉన్నాయి. 5-10 ఏళ్ల డిపాజిట్‌పై సీనియర్ సిటిజెన్లకు అత్యధికంగా 7.05 శాతం వడ్డీ ఇస్తోంది. హెచ్‌డీఎఫ్‌సీ బ్యాంక్ ఈ అతిపెద్ద ప్రైవేట్ రంగ బ్యాంక్ సాధారణ ప్రజలకు అత్యధికంగా 6.45 శాతం, సీనియర్ సిటిజెన్లకు 6.95 శాతం వడ్డీ అందిస్తుంది. 7-14 రోజులు, 15-29 రోజుల డిపాజిట్లపై సాధారణ ప్రజలకు 2.75 శాతం, సీనియర్ సిటిజెన్లకు 3.25 శాతం వడ్డీ అందిస్తోంది. 30-45 రోజుల వ్యవధిపై 3.25 శాతం, 3.75 శాతం వడ్డీ ఆఫర్ చేస్తోంది. ఏడాది నుంచి 15 నెలల డిపాజిట్‌పై సాధారణ ప్రజలకు 6.25 శాతం, సీనియర్ సిటిజెన్లకు 6.75 శాతం వడ్డీ ఆఫర్ చేస్తోంది. 18-21 నెలలు, 21 నెలల నుంచి రెండేళ్లు, 18 నెలల నుంచి గరిష్ఠంగా మూడేళ్ల వరకు డిపాజిట్లపై బ్యాంక్ అధికంగా సాధారణ ప్రజలకు 6.45 శాతం, సీనియర్ సిటిజెన్లకు ఏకంగా 6.95 శాతం మేర వడ్డీ ఆఫర్ చేస్తోంది. ఐదేళ్లు పైబడిన డిపాజిట్లపై వరుసగా 6.15 శాతం, 6.65 శాతం వడ్డీ అందిస్తోంది. ఐసీఐసీఐ బ్యాంక్రెండో అతిపెద్ద ప్రైవేట్ బ్యాంక్ అయిన ఐసీఐసీఐ బ్యాంకులో సీనియర్ సిటిజెన్లకు అత్యధికంగా 7.10 శాతం వడ్డీ రేటు (3 నుంచి 5 సంవత్సరాల వ్యవధికి, అలాగే ఐదేళ్ల టాక్స్ సేవర్ ఎఫ్‌డీకి) అందుతుండగా.. సాధారణ ప్రజలకు 6.50 శాతం వడ్డీ రేటు (3-5 ఏళ్ల వ్యవధి, 5-10 ఏళ్ల వ్యవధి, ఐదేళ్ల టాక్స్ సేవర్ FD) అత్యధికంగా ఉంది.