کویت سٹی: نیشنل سائبر سیکیورٹی سینٹر نے عوام کو خبردار کیا ہے کہ وہ ایسے گروپس یا سوشل میڈیا اکاؤنٹس سے منسلک ہونے یا ان کے ساتھ کسی بھی قسم کا تعامل کرنے سے گریز کریں جو مبینہ سائبر حملوں کے دعوے کرتے یا غیر مصدقہ معلومات پھیلاتے ہیں۔غیر ملکی ذرائع ابلاغ کے مطابق نیشنل سائبر سیکیورٹی سینٹر نے ایک پریس ریلیز میں اس بات پر زور دیا کہ معلومات کے حصول کے لیے ملک کے اندر موجود صرف سرکاری اور مستند ذرائع پر ہی انحصار کیا جائے۔جاری کئے گئے بیان میں کہا گیا ہے کہ غیر تصدیق شدہ دعووں کو شیئر کرنا یا دوبارہ پوسٹ کرنا عوام میں بے چینی کو ہوا دے سکتا ہے اور ڈیجیٹل ماحول کے استحکام کو متاثر کر سکتا ہے۔کویت کا فیملی وزٹ ویزا، نئے قوانین کا اعلانسینٹر نے شہریوں کو خبردار کیا ہے کہ وہ احتیاط سے کام لیں، معلومات صرف سرکاری چینلز سے حاصل کریں، اور کسی بھی مشتبہ یا گمراہ کن مواد کو مجاز رپورٹنگ ذرائع کے ذریعے اطلاع دیں تاکہ سائبر اسپیس کے تحفظ اور استحکام کو یقینی بنایا جا سکے۔