پورے ملک میں عید کا تہوار امن اور بھائی چارے کے ساتھ منائی جا رہی ہے۔ ہندوستانی کرکٹ ٹیم کے کئی کھلاڑی بھی عید کا تہوار انتہائی سادگی سے منا رہے ہیں۔ عید پر ہم وطنوں کو مبارکباد دینے والے ممتاز ہندوستانی کرکٹرس میں سچن تندولکر، عرفان پٹھان، یوسف پٹھان، وی وی ایس لکشمن اور محمد کیف شامل ہیں۔ ان سبھی نے سوشل میڈیا کے ذریعے اہل وطن کو مبارکباد پیش کی ہے۔Eid Mubarak to everyone celebrating. May the spirit of faith, compassion, and generosity guide us all!— Sachin Tendulkar (@sachin_rt) March 21, 2026سچن تندولکر نے اپنے آفیشل ’ایکس‘ اکاؤنٹ پر لکھا کہ ’’عید منانے والے تمام لوگوں کو عید مبارک۔ دعا ہے کہ ایمان، ہمدردی اور سخاوت کا جذبہ ہم سب کی رہنمائی کرے۔‘‘ وی وی ایس لکشمن نے ’ایکس‘ پر لکھا کہ ’’یہ عید سب کے لیے خوشیاں، اچھی صحت اور ترقی لائے۔ عید مبارک۔‘‘ محمد کیف نے ’ایکس‘ پر لکھا کہ ’’آپ سبھی کو عید مبارک‘‘۔Eid Mubarak to everyone from Pathan family. May allah accept all your fasts during Ramadan. #eidmubarak pic.twitter.com/404xnkDdNN— Irfan Pathan (@IrfanPathan) March 21, 2026عرفان پٹھان نے اپنے اہل خانہ کے ساتھ عید منائی اور اس کی تصاویر سوشل میڈیا پر شیئر کیں۔ انہوں نے لکھا کہ ’’پٹھان خاندان کی طرف سے تمام لوگوں کو عید مبارک۔ اللہ رمضان کے دوران آپ کے تمام روزے قبول فرمائے۔‘‘ یوسف پٹھان نے ’ایکس‘ پر لکھا کہ ’’یہ مبارک دن ہماری زندگی میں امن، خوشی اور کبھی نہ ختم ہونے والی برکت لائے۔‘‘ محمد سراج نے بھی اپنے خاندان کے ساتھ ایک تصویر شیئر کرتے ہوئے عید مبارک لکھا ہے۔قابل ذکر ہے کہ مذہب اسلام میں عید الفطر کو خاص اہمیت حاصل ہے۔ رمضان کے پورے مہینے روزے رکھنے کے بعد لوگ اللہ کا شکر ادا کرتے ہیں کہ اس نے انہیں عبادت کے لیے ہمت اور طاقت عطا فرمائی۔ اسی خوشی کو عید الفطر کے طور پر منایا جاتا ہے۔