ചായയുമായി ബന്ധപ്പെട്ട തർക്കത്തിന് പിന്നാലെ അമ്മായിഅമ്മ മരുമകളെ വെട്ടിക്കൊന്നു. കൂറ്റമ്പാറ സ്വദേശി സുനിൽ ബാബുവിന്റെ ഭാര്യ രജില (30) ആണ് കൊല്ലപ്പെട്ടത്. മലപ്പുറം നിലമ്പൂർ കൂറ്റമ്പാറയിലാണ് ദാരുണമായ സംഭവം. ഭർതൃ മാതാവ് ശാന്തയെ (72) പൊലീസ് കസ്റ്റഡിയിലെടുത്തു.വെട്ടുകത്തികൊണ്ടാണ് അമ്മായിഅമ്മ രജിലയെ ആക്രമിക്കുന്നത്. ഈ സമയം മക്കള്‍ വീട്ടിലുണ്ടായിരുന്നു. ആക്രമണം തടയാൻ ശ്രമിച്ചെങ്കിലും സാധിച്ചിരുന്നില്ല. കുട്ടികളുടെ ഉച്ചത്തിലുള്ള കരച്ചിൽ കേട്ടെത്തിയ നാട്ടുകാർ രജിലയെ ആശുപത്രിയിൽ പ്രവേശിപ്പിക്കുകയായിരുന്നു. തുടർച്ചയായി വെട്ടുകയായിരുന്നുലെന്നാണ് റിപ്പോർട്ട്.ALSO READ: 17 പേജുള്ള ആത്മഹത്യക്കുറിപ്പ്, മൂന്നു മാസം നീണ്ടു നിന്ന പീഡനം; ഗുജറാത്തിൽ അവസാന വർഷ എംബിബിഎസ് വിദ്യാർത്ഥി ആത്മഹത്യ ചെയ്ത സംഭവത്തിൽ അഞ്ച് പേർ അറസ്റ്റിൽ സംഭവത്തിൽ ക‍ഴുത്തിന് ഗുരുതര പരുക്കേറ്റിരുന്നു. ഇതാണ് മരണകാരണമെന്നാണ് സൂചന. സംഭവസമയത്ത് രജിലയുടെ ഭർത്താവ് പുറത്തായിരുന്നു. സംഭവത്തിൽ ശാന്തയെ പൊലീസ് ചോദ്യം ചെയ്തു വരികയാണ്. രജിലയുടെ മൃതദേഹം നിലമ്പൂർ ജില്ലാ ആശുപത്രിയിലേക്ക് മാറ്റി.ALSO READ: ഇടുക്കി തൂക്കുപാലത്ത് യുവാവിനെ കുത്തിക്കൊലപ്പെടുത്തി; പ്രതിയായ ബന്ധു കസ്റ്റഡിയിൽThe post ചായ ചോദിച്ചിട്ട് കിട്ടിയില്ല; മലപ്പുറത്ത് അമ്മായിയമ്മ മരുമകളെ വെട്ടിക്കൊന്നു appeared first on Kairali News | Kairali News Live.