Finfinnee, Bitootessa 8, 2018 (FMC) – Walitti Bu’iinsa Ameerikaa – Israa’eelii fi Iraan gidduutti deemaa jiru hordofee Iraan Imbaasii Ameerikaa Iraaqitti argamuu fi Buufata Waraanaa Kaataar jiru haleeluu gabaafame.Guyyaa 18ffaa kan lakkoofsise waraanni Ameerikaa – Israa’eelii fi Iraan hammaatee itti fufeera.Eegaan Warraaksaa Iraan akka beeksisetti Iraan haleellaa duub deebii 57ffaa Misaa’eelaa fudhatteen Buufata Waraanaa Ameerikaa Kaataritti argamu haleelte.Haleellichaan ajajawwan buufata waraanaa fi bu’uuraalee misooma, akkasuma sirna Ittisaa Misaa’elootaa barbadeessuu ibse.Dabalataan Imbaasii Ameerikaa Baagdaaditti argamus dirooniin kan haleelte yoo ta’u, Imbaasicharra miidhaa jabaan gahuu BBC’n gabaaseera.Waraana biyyoota kanneen gidduutti gaggeeffamaa jiruun waraanni Ameerikaan Humna Galaanarraa, loltummaa fi bu’uuraalee misooma boba’aa Iraan kuma 5tti hiiqaan irratti haleellaa raawwachuu beeksifte.Haaluma walfakkaatuun Iraan haleellaa deebii fudhatteen magaaloota Isiraa’eelii fi qabiyyeewwan Ameerikaa biyyoota baha giddugaleessaa 9 keessatti argaman misaa’elaa fi Dirooniin haleelteerti.Waraana guyyoota 18ffaa lakkoofsise kanaan lammiileen Iraan kumni 1 fi 44 yoo du’an, lammiileen Isiraa’eel 15, loltoonni Ameerikaa 13, akkasuma lammiileen biyyoota baha giddugaleessaa 20 ajjeefamaniiru.Waraanni kun diinagdee Addunyaarratti dhiibbaa olaanaa uumaa kan jiru yoo ta’u, gabaa boba’aarratti addatti dhiibbaa uumuun ibsame.Kanaanis gatiin boba’aa addunyaa % 0.4 dabaluu BBC, Press TV fi Aljazeeran gabaasaniiru.Miikiyaas Ayyalaatiin#Oromia #EthiopiaOdeeffannoowwan waqtaawaa dabalataa argachuuf;Teelegiraama t.me/afanoromofanaYuutiyuubii Afaan Oromo: www.youtube.com/@fmcafaanoromooMarsariitii www.fanamc.com/afaanoromooTiwiitara https://twitter.com/fanatelevisionFeesbuukii: FMC Afaan OromooTiktok https://www.tiktok.com/@fana_afaan_oromooYeroo maraa nu waliin waan taataniif isin galateeffanna.